2 तिमोथि 2:19 - Dhimal NT19 कालाउ परमेस्वरको द्याङगेलाइ बल्लियाका जग भाइका दोङ हि, जेदोङ माहेङगालाइनाखे। कालाउ इदोइ जगता इसिका सब्दगेलाइ लेखेका हि: “प्रभु ताइको द्याङगेलाइहेङ नाल्खे” कालाउ जाइ प्रभुको हि वा मारेम्का काम पालि लाअ्लि गोइखे। Faic an caibideilधिमाल19 कालाउ परमेस्वर ताइमिङ लागाइका जग दिनाङ बोल्याका जेङतेङ हितेङह्यावा। इदोइता लेखेन्हाकाङ हि, “प्रभु ताइकोगेलाइहेङ नाल्खे” रो “परमेस्वरको मिङ र्हुका झोको झाराङ आखेका कामसो फारापाङ ह्याको।” Faic an caibideil |
2 तिमोथि 2:19
69 Iomraidhean Croise
जेलाउ बार्नाबास साउलहेङ निङहि वासेहेङ एन्तिओक सहरता चुमाहि। साउल कालाउ बार्नाबास इन्ता पुरा ए बासार थेकापा हि, कालाउ इम्बालाइ इन्ता खान्धुराइगेलाइ दोफा भेतघात पातेङ हि, कालाउ हेन्जा द्याङगेलाइहेङ येसु ख्रिस्टको बारेता सिक्स्या पिहि। कालाउ चात्यागेलाइहेङ लाङ पोल्ति एन्टिओक सहरता दोङ ख्रिस्टियान दोअ्हि।
कालाउ जाउथ्या जामाललाइ जोलोमलि खान्तेङ लाम्फासोङ, इम्बालाइ हिदोइ बुङ रेम्का कालाउ मारेम्का काम पालि खान्तेङ लाम्फा दोङ, परमेस्वर जाउथ्यागेलाइ मध्ये एमिहेङ चुनितेङ रेबिकाहेङ दोअ्हि, “जेठा चाहि कान्छाको सेवा पावा।” एसापा परमेस्वरको चुनिका काम द्याङगेलाइको काम खाङतेङ माको, भरु वाको ताइकोङ इच्छा आन्सार जेनाङ वा पाक्का पाहि।
का इदोइ पात्तारा नाअ् कोरिन्थि सहरता हिका खान्धुराइगेलाइहेङ लेखेदोङखा, जाइहेङ परमेस्वर ताइको द्याङगेलाइ जेङलि येसु ख्रिस्टता खेङका हि। वा दोङ नेलाइहेङ येसु ख्रिस्टता वाको पबित्तरो द्याङगेलाइ जेङलि काइका हि, जेसाङ वा येसु ख्रिस्टता हिका खान्धुराइगेलाइहेङ पबित्तरो पाहि। हाइपालिपानु गोताङ थामेता वा केलाइ झाराङको प्रभु हि।
ख्रिस्ट बिरोधिगेलाइ केलाइको मन्डलिसो ओल्लेतेङ हानिहि, हाइपालिपानु इम्बालाइ केलाइको मान्थुघाहि। जेसापा इम्बालाइ केलाइ भाइपाङ जातिङको खान्धुराइ जेङका मान्थुघाहि माकुनु इम्बालाइ केलाइ दोफा हिधावा कालाउ इम्बालाइ झाराङ केलाइको माको रोइस दोअ्का काथा देखाल पापालि इम्बालाइ केलाइको मन्डलिसो ओल्लेतेङ हानिका हि।
नाअ् भरखङ तिङका इङको राक्सेस ए सोमोइ बान्चिका हिघाहि, कालाउ एला बान्चिका मान्थु; या वाङखाराका खारासो बाहार लोलि तोम्का हि कालाउ परमेस्वर इङकोहेङ पुरा नासा पाङ। प्रिथिबिता हिका द्याङगेलाइको मिङ जाइको परमेस्वर सुमिङहेङ सिरजाइका खान्तेङ लाम्फा जिबनको कितापता लेखेका मान्थुघाहि, इदोइ झाराङ द्याङ, राक्सेसहेङ तिङतेङ भाङभाङका जेनावा। वा लाम्फा सिन्हुका हिघाहि कालाउ एला सिन्हुका मान्थु, कालाउ वा आरोङ ल्वाङ।
कासेहेङ थाहा हि, नेलाइको सहर साइतानको कब्जाता हि, कालाउ इङको को बाबजुद बुङ नेलाइ काङको ह्रुता नाङको खाङधुरिहेङ रिम्तेङ ताअ्का हिसुना। कालाउ नेलाइ काङको सिक्स्याहेङ लाअ्का मान्थु सुन्हा। इङको बेला बुङ नेलाइ का ह्रुता खाङधुरि पालि मालासुन्हा जेलाउ हेन्जा लाम्फा एन्टिपास सेअ्न्हाहि। वा काङको सन्देस प्राचार पालि खाङधुरि योग्य हिघाहि, कालाउ बुङ वा नेलाइको सहरता सेअ्नाहि जेदोङ साइतानको कब्जाता हि।
Sanasan