2 तिमोथि 2:18 - Dhimal NT

¹⁸ उङको न्हेमि द्‍याङगेलाइ सत्ये सिक्स्याहेङ लाअ्का हि, इम्बालाइ धिरपाखे कि, परमेस्वर सिका खान्धुराइगेलाइहेङ आनान्त जिबनको भाअ्सिङ लाम्फाङ दोङ सिन्चाल पाका हि। कालाउ परिनाम स्वरुप इम्बालाइ आधिमि खान्धुराइगेलाइको खाङधुरिसो खेङका हि।

धिमाल

¹⁸ एबालाइ सतहेङ लाअ्‌का हि रो सिकासो सिन्‍हुका काम लाम्‍फा दोङ जेङहोइ। एला माज्‍याङ दोअ्‌का बिद्‌या धिरपातेङ एम्‍बालाइ हेअ्‌मिको खान्‍धुर दोङ बिगिरपापिहि।

2 तिमोथि 2:18 Iomraidhean Croise

मत्‍ति 15:13

येसु दोअ्हि, स्वर्गता हिका काङको आबा माथिङका हिदोइ बुङ सिङ उन्हाताङ।

मत्‍ति 22:29

येसु इम्बालाइहेङ जोबाफ पितेङ दोअ्हि, नेलाइ गलत हिसुना हाइपालिपानु नेलाइ मागिसुखेना कि परमेस्वरको धर्मसास्तरता हाइ दोअ्खे, कालाउ ना ते परमेस्वरको सरबुङको बारेता बुझिका हिसुना?

लुका 8:13

आधे उन्ठुइ भाइका मिलिङ हि, जेता चालाइ बिन्हाका हि, या इसिका द्‍याङगेलाइ दोङ जाइ दोङ लेङचातेङ परमेस्वरको बचन हिङखे कालाउ तुरुन्तै ग्रहन पाखे। कालाउ मिलिङ चाहि इम्बालाइ, जाइ बचन हिङतेङ लेङचाखे कालाउ वा ग्रहन पाखे, कालाउ बुङ वाको चाहि जारि मान्थुनाङ कालाउ आतुइसा पहरको भाअ्सिङ इम्बालाइ खाङधुरि पाखे, कालाउ जाचिका पहरता इम्बालाइ नासातावा।

साल्न्हाका चात्या 5:39

कालाउ जेसापा उङको परमेस्वर पाहासोनु कालाउ नेलाइ इम्बालाइहेङ खोराइलि मादोस्वाना, माकुनुते नेलाइ परमेस्वरको बिरोधता धुम पातेङ हिस्वाना।”

1 कोरिन्थि 11:19

नेलाइ मध्ये सत्ये द्‍याङगेलाइ नाल्लिको भाअ्सिङ नेलाइता खेङन्हालि बुङ आवस्यक हि।

1 कोरिन्थि 15:12

एला का नेलाइहेङ इदोइ काथा दोअ्लि भोखा, केलाइ झाराङ नेलाइहेङ ख्रिस्ट सिहि कालाउ आरोङ सिन्चाल्हि दोअ्तेङ प्राचार पानाहि, ओदोङ भाअ्सिङ नेलाइ मध्ये हासु बुङ इसिका दोअ्लि माएल कि परमेस्वर खान्धुराइगेलाइ सितेङ न्हुसो इम्बालाइहेङ आरोङ मासिन्चालपाङ।

कलस्सि 3:1

जेसाङ परमेस्वर ख्रिस्टहेङ सिकासो सिन्चाल पाहि, कालाउ केलाइ दोअ्लि द्वाङ कि नेलाइहेङ बुङ परमेस्वर सिकासो सिन्चाल पावा। ओदोङ भाअ्सिङ स्वर्गता हिका काथाको इच्छा पासु, जेता ख्रिस्ट परमेस्वरको भेरपा झाराङ खान्तेङ साम्मानित थामेता योम्का हि।

1तिमोथि 1:19

नाअ् ख्रिस्टता लागातार खाङधुरि पातेङ हिलि गोइखे कालाउ आसल बिचार पातेङ हिलि गोइखे आधिमि द्‍याङगेलाइ ताइको आसल बिचार इन्कार पाका हि, कालाउ इम्बालाइ ख्रिस्टता खाङधुरि पालि लाअ्का हि।

1तिमोथि 6:10

हाइपालिपानु धनसम्पतिको लोभ दोङ गोताङ किसिमको मारेम्का कामको जारि दोङ हि। हेथेते द्‍याङ ताका कामाइका लोभता लागितेङ खाङधुरि पालि लाअ्का हि कालाउ हेन्जा दुख पिडाता परिका हि।

1तिमोथि 6:21

या धाताइका ग्यानहेङ पिताइतेङ हेथे द्‍याङगेलाइ ख्रिस्ट ह्रुता खाङधुरि पालि लाअ्का हि। का प्रार्थाना पाखा कि परमेस्वरको आनुग्रह नेलाइ झाराङ दोफा ह्याको।

2 तिमोथि 2:14

नाङको द्‍याङगेलाइ इदोइ काथागेलाइ मानिलाको जेदोङ काथा का नासेहेङ दोअ्का हिघा, कालाउ प्रभुको साक्सिको रुपता इम्बालाइहेङ सब्दगेलाइको आर्थाता काथा मापोसुसु दोअ्तेङ चेताउनि पिसु। हाइपालिपानु इन्सिका काथा पोसुकाहोइ हासुहेङ बुङ फाइदा मापाखे, कालाउ हिङका द्‍याङगेलाको खाङधुरिहेङ बुङ बार्का हान्ति पाखे।

तितस 1:11

इसिका धाताइका सिक्स्या द्‍याङगेलाइहेङ धिरपालि मापि। हाइपालिपानु इम्बालाइ धिरपालि मागोइका धिरपातेङ पुराङ साअ्को जाहानको खाङधुरिहेङ नासा पापिका हि। इम्बालाइ ताका कामाइलिको भाअ्सिङ इन्सिका पाखे।

हिब्रु 3:10

ओदोङ भाअ्सिङ का इङको पुस्ता दोफा चेर ताम्पातेङ का दोअ्घा, हाइपालिपानु इम्बालाइ काङको आनुसरन पालि इन्कार पाहि, कालाउ इम्बालाइ काङको पिका काम पालिसो इन्कार पाका हि।

याकुब 5:19

काङको खान्धुराइ ओनेगेलाइ, जेसापा नेलाइ मध्येसो एमि खान्धुराइ सत्येसो आवाइतुकाताङ हानिलाउ हासु बुङ वासेहेङ घुरिपातेङ चुमाहे पानु,

१ युहन्‍ना 2:19

ख्रिस्ट बिरोधिगेलाइ केलाइको मन्डलिसो ओल्लेतेङ हानिहि, हाइपालिपानु इम्बालाइ केलाइको मान्थुघाहि। जेसापा इम्बालाइ केलाइ भाइपाङ जातिङको खान्धुराइ जेङका मान्थुघाहि माकुनु इम्बालाइ केलाइ दोफा हिधावा कालाउ इम्बालाइ झाराङ केलाइको माको रोइस दोअ्का काथा देखाल पापालि इम्बालाइ केलाइको मन्डलिसो ओल्लेतेङ हानिका हि।