2 तिमोथि 2:16 - Dhimal NT

¹⁶ इन्सिका आनाइ कालाउ फाल्तु काथागेलाइ दोअ्कालाइसो फारापा हिसु। हाइपालिपानु इन्सिका काथाहोइ द्‍याङगेलाइहेङ परमेस्वरसो झन दुरे बानाइखे।

धिमाल

¹⁶ दुनियाको निरबुदि काथागेलाइसो पान्‍साइन्‍हातेङ हि। इदोइ ते द्‍याङगेलाइहेङ परमेस्‍वरसो झनझन दुरे थुकापाखे।

2 तिमोथि 2:16 Iomraidhean Croise

1 कोरिन्थि 15:33

इन्सिका काथा पाकालाइसो धोका माचासु, “मारेम्का सङगतहोइ आसल द्‍याङ बुङ बिग्रिखे।”

1 कोरिन्थि 5:6

नेलाइ घमन्ड पालि लाअ्सु, हाइपालिपानु नेलाइहेङ थाहा दोङ हि, कि आतुइसा साउरिहोइ गोताङ धिकाउरिहेङ साउरि बानाइखे। इन्साङ पातेङ एमि द्‍याङहेङ पाप पालि पितेङ हिनु, धेमाङ आरुगेलाइ बुङ इन्साङ पालि पिताइयावा।

1तिमोथि 1:9

केलाइ या बुङ गिन्हाखे, कि मोसाको व्यवस्था आसल काम पाका द्‍याङको भाअ्सिङ पिका माको, भरु परमेस्वरको व्यवस्था माकिकालाइहेङ कालाउ आनाग्या कारिगेलाइको भाअ्सिङ हि, जाइ परमेस्वरको आराधाना मापाखे कालाउ जाइ लागातार पाप पातेङ हिखे, दुस्ट द्‍याङगेलाइ कालाउ परमेस्वरको आदार मापाकालाइ कालाउ ताइको आमाइ-आबागेलाइहेङ कालाउ आरु द्‍याङगेलाइहेङ सेअ्कालाइको भाअ्सिङ,

1तिमोथि 4:7

कालाउ दन्ते काथागेलाइता कालाउ आर्था मान्थुका काथागेलाइसो एकदम फारापा हिसु, भरु ताइमिहेङ लागातार परमेस्वरहेङ मन परिका जिबन जियाइलि तालिम पाअ्‌।

1तिमोथि 6:20

तिमोथि, परमेस्वर नासेहेङ जेदोङ सुम्पिका हि, इङको रेम्फासो पाअ्‌। कालाउ हेथेते द्‍याङगेलाइ सुमिङको ब्यर्थको काथा जाइहेङ इम्बालाइ “ग्यान” दोअ्खे, इन्सिका धाताइका काथागेलाइसो फारापा हिसु।

2 तिमोथि 2:14

नाङको द्‍याङगेलाइ इदोइ काथागेलाइ मानिलाको जेदोङ काथा का नासेहेङ दोअ्का हिघा, कालाउ प्रभुको साक्सिको रुपता इम्बालाइहेङ सब्दगेलाइको आर्थाता काथा मापोसुसु दोअ्तेङ चेताउनि पिसु। हाइपालिपानु इन्सिका काथा पोसुकाहोइ हासुहेङ बुङ फाइदा मापाखे, कालाउ हिङका द्‍याङगेलाको खाङधुरिहेङ बुङ बार्का हान्ति पाखे।

2 तिमोथि 2:21

एन्साङ पातेङ जेदोङ खान्धुराइ ताइमिहेङ मारेम्का कामगेलाइसो खेङखे, इङको एनोङ जाङका भान्डा भाइका जेनावा जेदोङ बिसेस कामको भाअ्सिङ चालाइखे। कालाउ जाइको जिबन सुद्द जेनावा वाको गिह्रि वासेहेङ आसल कामता लागाइलि द्वावा।

2 तिमोथि 3:13

कालाउ दुस्ट द्‍याङगेलाइ कालाउ ठगिकागेलाइ आझाइ झन मारेम्का काम पावा। इम्बालाइ द्‍याङगेलाइहेङ ठगियावा कालाउ इम्बालाइ ताइमिङ बुङ आरुगेलाइसो ठगिन्हावा।

तितस 1:11

इसिका धाताइका सिक्स्या द्‍याङगेलाइहेङ धिरपालि मापि। हाइपालिपानु इम्बालाइ धिरपालि मागोइका धिरपातेङ पुराङ साअ्को जाहानको खाङधुरिहेङ नासा पापिका हि। इम्बालाइ ताका कामाइलिको भाअ्सिङ इन्सिका पाखे।

तितस 1:14

कालाउ सत्येहेङ इन्कार पाका द्‍याङगेलाइको आग्या कालाउ यहुदि दन्ते काथाता ध्यान मापिसु।

तितस 3:9

कालाउ आनाइ जालबाजिगेलाइ, पुर्खागेलाइको माओताका सुचि, बेकारको काथागेलाइ कालाउ मोसाको व्यवस्थाको बिसोइता चेरसुका काथागेलाइसो दुरे हिसु, हाइपालिपानु इङको ब्यर्थको काम मालागिका काथागेलाइ दोङ हि।

हिब्रु 12:15

चङख हिसु, कि हिदोइ बुङ द्‍याङ परमेस्वरको आनुग्रह निङलिसो आसफल माजेनाको, “कालाउ हासु बुङ नेलाइको माझाता समस्या माचुमाको, इन्सिका खाल्को द्‍याङ नेलाइ हेन्जाङहेङ झुकिपावा।”

२ पत्‍रुस 2:18

इम्बालाइ उङको द्‍याङगेलाइहेङ लोभ्याइपाखे जाइ भरखङ खान्धुराइ जेङका हि कालाउ दुस्ट द्‍याङगेलाइको पाका काम पालि लाअ्का हि। इम्बालाइ इम्बालाइको पापि मानिमुइ स्वभाबहोइ खाराब कामगेलाइ पालि तोङपातेङ इम्बालाइहेङ पापको लोभता फासाइपाखे।

२ पत्‍रुस 2:2

ताइमि खान्धुराइ हिघा दोअ्का हेन्जाङ इदोङ धाताइका सिक्स्यकगेलाइको आनैतिक्ता काथाको आनुसरन पाखे, ओदोङ भाअ्सिङ खाङधुरि मापाका बो द्‍याङगेलाइ सत्ये दामाको बारेता बिरोध पावा।

प्रकास 13:14

न्हेतेङ राक्सेस इदोइ गोताङ लाङति राक्सेसको पिका सरबुङसो पाहि। इदोङ आचाम्माका चिन्हाको कारान हेन्जा द्‍याङगेलाइहेङ आसर जेङहि कालाउ इम्बाइलाइ धोका निङहि। न्हेतेङ राक्सेस द्‍याङगेलाइहेङ आग्या पिहि कि वा लाङति राक्सेसको मुर्ति बानाइहि कालाउ वाको आराधाना पाको। हेन्जा लाम्फा, इदोइ राक्सेसहेङ वाङखाराका पेचारा तरवारहोइ जेङका हिघाहि इन्सिका जेङलाउ बुङ आरोङ सिन्हुहि।

प्रकास 13:3

वाको एनोङ पुरिङता, वाङखाराका पेचाराको दाग हिघाहि जेदोङ कारान वा सिलि दोधावा। कालाउ इङको पेचारा एल्लि दोका हिघाहि। ओदोङ भाअ्सिङ, प्रिथिबिता हिका द्‍याङगेलाइ आचाम्मा जेङहि कालाउ इङको राक्सेसहेङ पिताइलि तेङहि।