2 तिमोथि 2:12 - Dhimal NT

¹² जेसापा केलाइ वाको भाअ्सिङ दुख सहिन्हाखे पानु, केलाइ बुङ वाको दोफाङ राजा भाइपाङ सासन पाङ, कालाउ केलाइ वासेहेङ इन्कार मापानु, वा बुङ केलाइहेङ इन्कार मापावा।

धिमाल

¹² केलाइ तु: सह्‍याङ पानु, वाकोदोफाङ राज पाङ। केलाइ वासेहेङ इन्‍कार पानु, वा बुङ केलाइहेङ इन्‍कार पावा।

2 तिमोथि 2:12 Iomraidhean Croise

मत्‍ति 10:33

कालाउ जेसापा द्‍याङगेलाइको आगाता कासेहेङ सुइकार मापानु, का बुङ स्वर्गता हिका आबा परमेस्वरको आगाता दोअ्ताङका कि या काङको चात्या माको।

मत्‍ति 26:35

कालाउ बुङ पतरुस जोबाफ पिहि, “का नाअ् दोफाङ सिलि गोइलाउ बुङ का नासेहेङ इन्कार मापाङका।” कालाउ झाराङ चात्यागेलाइ बुङ इदोइ काथा दोअ्हि।

मत्‍ति 26:75

कालाउ पतरुसहेङ येसुको दोअ्का काथागेलाइ फोम जेङहि धाङगाइ किया ओलि लाम्फाङ कासेहेङ सुम्खे नाअ् मानाल्लाना कालाउ न्हुसो पतरुस बाहार हानितेङ मन थुर्पातेङ खारहि।

मर्कुस 10:33

“हिङसु, केलाइ यरुसेलेम सहर भारि हानिन्हाखे। वा दोअ्हि इन्ता थुकातेङ का द्‍याङको चानहेङ मुलि पुजारिगेलाइ कालाउ व्यवस्था धिरपाका द्‍याङगेलाइको खुरता रिम्पातेङ सुम्पि प्यावा। इम्बालाइ कासेहेङ सेअ्लि गोयाङ दोअ्तेङ गैर-यहुदिगेलाइको जिम्माता चुम्पु प्यावा।

मर्कुस 8:38

इदोइ सोमोइता पापि कालाउ खाङधुरि मापाका पुसतागेलाइ जाइ कासेहेङ परमेस्वरको रुपता सुइकार पालि कालाउ काङको सिक्स्यागेलाइ केम्लि इन्कार पाखे, का द्‍याङको चान बुङ आबाको महिमा चुम्तेङ पबित्तरो स्वर्गदुतगेलाइ दोफा लोलाउ, वासेहेङ ताइको दोअ्लि इन्कार पाङका।

लुका 12:9

जेसापाहिदोइ बुङ द्‍याङ कासेहेङ द्‍याङगेलाइको आगाता सुइकार मापानु का बुङ वासेहेङ काङको परमेस्वरको स्वर्गदुतगेलाइको आगाता चात्या माको दोअ्ताङका।

लुका 22:29

जेसाङ काङको आबा कासेहेङ सासन पिका हि, कालाउ का बुङ नेलाइहेङ सासन पालि खाबारा प्याङका।

लुका 22:30

कालाउकि काङको सासनता नेलाइ काङको दोफा योम्तेङ चास्वाना कालाउ आमस्वाना, कालाउ इस्राएल सारभिको तेन्हे कुलको न्याय पातेङ सिङहासनगेलाइता योमस्वाना।

लुका 9:26

कालाउ हासु बुङ काङको बचनसो लेदेरनु, “का द्‍याङको चान बुङ ताइको महिमाता कालाउ आबाको महिमा चुम्तेङ पबित्तरो स्वर्गदुतगेलाइ दोफा लोलाउ, वाको दोफा का बुङ लेदेरयाङका।”

साल्न्हाका चात्या 14:22

कालाउ गोताङ नगरता जेङका चात्यागेलाइको आत्माहेङ बल्लियाका बानाइकाताङ ओबालाइहेङ खाङधुरिता हितेङ हिलि आर्ति पिहि, कालाउ हेन्जा कस्ट सहितेङ केलाइ परमेस्वरको सासनता दुल्लि गोयाङ दोअ्तेङ ओबालाइहेङ दोअ्हि।

रोमि 5:17

हाइपालिपानु एमि खिनिङ द्‍याङको पापहोइ गोताङ द्‍याङगेलाइ ह्रुता सिका लोहि, कालाउ जाइ आनुग्रह कालाउ धार्मिकताको उपाहार ताका माकोसिङ निङसुन्हा, इम्बालाइ एमि खिनिङ द्‍याङ येसु ख्रिस्ट पाहासो आनान्त जिबन निनावा कालाउ वाकोङ दोफा सासन पावा हाइपालिपानु इम्बालाइ येसुता खाङधुरि पाहि।

रोमि 8:17

कालाउ केलाइ परमेस्वरको सान्तान नुते उत्ताराधिकारि बुङ हिनाहि, परमेस्वरको उत्ताराधिकार कालाउ ख्रिस्ट दोफा साझा-उत्ताराधिकारि। कालाउ जेसापा केलाइ ख्रिस्ट भाइपाङ दुख पिडागेलाइ भोगिन्हाखे पानुते केलाइ बुङ ख्रिस्ट दोफाङ महिमित जेनाङ।

फिलिप्पि 1:28

कालाउ बिरोधिगेलाइ दोफा हिदोइ बुङ काथाता माअ्थिसुखेना। इम्बालाइको भाअ्सिङ या हान्तिको लक्स्न दोङ, कालाउ नेलाइको भाअ्सिङ चाहि मुक्तिको ल्क्स्न हि, जेदोङ मुक्ति चाहि परमेस्वरसो लोका हि।

1तिमोथि 5:8

जेसापा हासु बुङ ताइकोगेलाइको कालाउ बिसेस पातेङ ताइकोङ जाहानहेङ रेम्फा मापोसिनु वा येसु ख्रिस्टहेङ खाङधुरि मापाखे, कालाउ खाङधुरि मापाकालाइ खान्तेङ बुङ खाराब हिखे।

यहुदा 1:4

का इदोइ लेखेदोङखा हाइपालिपानु आधिमि द्‍याङगेलाइ नेलाइको मन्डलिता नेलाइ दोफा झ्वाइनाका हि, जाइ येसु ख्रिस्टता खान्धुराइ जेङका तिङपाखे। इम्बालाइ परमेस्वरको आदार मापाखे कालाउ इम्बालाइ गलत धिरपाखे कि, हाइपालिपानु परमेस्वर ताइको आनुग्रह पाहासो केलाइको पाप स्यामा पाखे। केलाइ आनाइतिक जिबन बितिपालि द्वाङ। इम्बालाइ येसु ख्रिस्टहेङ इन्कार पाखे, जाइ केलाइको एमि खिनिङ ग्रिहि कालाउ प्रभु हि, हेन्जा सोमोइ लाम्फा, धर्मसास्तर दोअ्खे कि परमेस्वर इन्सिका द्‍याङगेलाइहेङ साजाइ प्याङ।

प्रकास 1:9

का युहान्‍ना, नाङको दोफाङ खान्धुराइ, नेलाइ येसुता हिकागेलाइ झाराङ परमेस्वरको सासनको सहभागि जेङस्वाना, कालाउ केलाइ झाराङ दुख-कस्ट भोगिन्हाखे कालाउ येसुको भाअ्सिङ धैर्य दोफा सहिलि बुङ गोइखे। परमेस्वरको बचन कालाउ येसु ख्रिस्टको साक्सि दोअ्नाङ का पत्मोस दोअ्का टापुता हिघा।

प्रकास 2:13

कासेहेङ थाहा हि, नेलाइको सहर साइतानको कब्जाता हि, कालाउ इङको को बाबजुद बुङ नेलाइ काङको ह्रुता नाङको खाङधुरिहेङ रिम्तेङ ताअ्का हिसुना। कालाउ नेलाइ काङको सिक्स्याहेङ लाअ्का मान्थु सुन्हा। इङको बेला बुङ नेलाइ का ह्रुता खाङधुरि पालि मालासुन्हा जेलाउ हेन्जा लाम्फा एन्टिपास सेअ्न्हाहि। वा काङको सन्‍देस प्राचार पालि खाङधुरि योग्य हिघाहि, कालाउ बुङ वा नेलाइको सहरता सेअ्नाहि जेदोङ साइतानको कब्जाता हि।

प्रकास 20:4

कालाउ न्हुसो, का आधे सिङहासनगेलाइ तिङघा, वाको दोफा योम्तेङ हिका द्‍याङगेलाइ दोफा सासन पालि खाबारा पिहि। का इम्बालाइको आत्माहेङ बुङ तिङघा जाइको पुरिङ पाल्पाहि हाइपालिपानु इम्बालाइ येसु दोङ प्रभु दोअ्तेङ सुइकार पाहि कालाउ इम्बालाइ परमेस्वरको बचनहेङ खाङधुरि पाहि। जेदोङ उङको द्‍याङगेलाइ इङको राक्सेसको माकुनु वाको मुर्तिको पुजा मापाहि, कालाउ इम्बालाइ ताइको कापालता माकुनु खुरता राक्सेसको दागाइका चिन्हा मालागाइहि। इदोइ द्‍याङगेलाइ आरोङ सिन्हुहि कालाउ ए-हाजार बासारको भाअ्सिङ ख्रिस्ट दोफा सासन पाहि।

प्रकास 3:10

कस्ट भोगिलाउ नाअ् धर्य ताअ्तेङ काङको सन्देसहेङ आनुसरन पाअ्‌, ओदोङ भाअ्सिङ का नासेहेङ जाचिकाको सोमोइसोङ नासेहेङ बान्चि पाङका। इदोइ जाचिकाको सोमोइ इदोइ सुमिङको गोताङ द्‍याङगेलाइता ल्वाङ।

प्रकास 3:21

जाइ दुस्टको सरबुङहेङ हारिपावा वा का दोफा काङको सिङहासनता योमावा, जेसाङ का जितितेङ काङको आबा दोफा वाको सिङहासनता योम्का हिघा।

प्रकास 3:8

कासेहेङ नेलाइको कामगेलाइ थाहा हि। का गिखा कि नेलाइ खाङधुरिता हेन्जा बल्लियाका मान्थु सुन्हा। कालाउ जेदोङ का नेलाइहेङ दोअ्घा नेलाइ इङको केम्सुन्हा। कालाउ नेलाइ काङकोता खाङधुरि पातेङ हिसुना। ओदोङ भाअ्सिङ का नाङको भाअ्सिङ फिनु हेअ्का हिघा जेदोङहेङ हासु बुङ गि:लि माद्वाङ।

प्रकास 5:10

कालाउ नाअ् ओबालाइहेङ राजागेलाइ कालाउ पुजारिगेलाइ बानाइन्हा, जाइ केलाइको प्रभु परमेस्वरको सेवाको काम पाखे, कालाउ इम्बालाइ प्रिथिबिता राजागेलाइ भाइपा सासन पावा।”