2 तिमोथि 2:10 - Dhimal NT

¹⁰ ओदोङ भाअ्सिङ परमेस्वर चुनिका इङको झाराङ द्‍याङगेलाइको भालाइको भाअ्सिङ का एसापा गोताङ दुख सहियाङका, कालाउकि इम्बालाइ येसु ख्रिस्टता खाङधुरि पातेङ मुक्ति कालाउ आनान्त आदार निनाको।

धिमाल

¹⁰ इदोइभाअ्‌सिङ परमेस्‍वरको साल्‍का वाको द्‌याङगेलाइको भाअ्‌सिङ ख्रिस्‍ट इसुसो निङका छुटकारा रो हेअ्‌लाउ बुङ माओताका प्रताप निङलि द्‍वाको दोअ्‌तेङ का इदोइ तु: भोगेदोङखा।

2 तिमोथि 2:10 Iomraidhean Croise

मत्‍ति 24:22

परमेस्वर इङको माहा कस्ट कालाउ दुखको दिना आसा पोतो पाका हि जेसापा वा मापोतो पानु कालाउ बढेपानु हिदोइ बुङ द्‍याङ बान्चिलि मादोधाङ, कालाउ बुङ ताइको साल्कालाइको भाअ्सिङ इङको दिना पोतो पावा।

मत्‍ति 24:24

हाइपालिपानु धाताइका ख्रिस्टगेलाइ कालाउ धाताइका बक्तागेलाइ ल्वावा, बारका चिन्हागेलाइ कालाउ भारभुसाइका कामगेलाइ परमेस्वरको साल्का द्‍याङगेलाइहेङ धोका पिलिको भाअ्सिङ पावा।

मत्‍ति 24:31

द्‍यापाहाङ आकासको एनोङ थामेसो भेनेङ ओताका थामे थेकापा परमेस्वरसो साल्का द्‍याङगेलाइहेङ जोम्पावा कालाउ द्‍याङको चान सानाइको बार्का गाला दोफाङ स्वर्गदुतगेलाइहेङ दिङगिल प्याङ।

लुका 18:7

कालाउ परमेस्वर ताइको साल्का द्‍याङगेलाइहेङ जाइ झेम्पाङ-लिपाङ वाको आगाता न्याय निनाङकाबे दोअ्तेङ खार्खे, परमेस्वर वासेहेङ साघाइलि माबेलोम्खे।

लुका 22:57

कालाउ पतरुस एसा दोअ्तेङ इन्कार पाहि ओइ बेजान, “का वासेहेङ मानाल्खा।”

युहन्‍ना 11:52

कालाउ इस्राएललिगेलाइको भाअ्सिङ खिनिङ माको कालाउ इदोइ सुमिङता आउलि गिल्का परमेस्वरको आरु सान्तानगेलाइहेङ ए दोफाङ जोम्पालि येसु सियाङ दोअ्का हिघाहि।

युहन्‍ना 17:24

हे आबा का मन पाखा कि नाअ् कासेहेङ पिका द्‍याङगेलाइ का जेता हिघा काङको दोफा ह्याको, कालाउ नाङको पिका महिमा इम्बालाइ तिङलि द्वाको। जेदोङ महिमा नाअ् दोङ सुमिङ सिर्जाइनालि खान्तेङ लाम्फा कासेहेङ प्रेम पाकानाङ नाअ् कासेहेङ पिका हिघाखेना।

युहन्‍ना 17:9

इम्बालाइको भाअ्सिङ का प्रार्थाना पाखा, कालाउ सुमिङको सामान्दा ताअ्का द्‍याङको भाअ्सिङ का प्रार्थाना मापाङका। भरु इम्बालाइको भाअ्सिङ, जाइहेङ नाअ् कासेहेङ पिका हिना। हाइपालिपानु इम्बालाइ नाङको दोङ हि।

रोमि 2:7

परमेस्वर इम्बालाइहेङ आनान्त जिबन प्याङ जाइ धर्य दोफाङ रेम्का काम पाखे, कालाउकि वा महिमा, इज्‍जत कालाउ आनान्त जिबन निनाको।

रोमि 9:23

परमेस्वर एसा पाहि, हाइपालिपानु वा ताइमिङ छाल्का द्‍याङगेलाइहेङ दाया पातेङ ताइको गेनेगेल्का महिमा इम्बालाइ दोफा बाखाराइलि भोघाखे।

1 कोरिन्थि 1:21

हाइपालिपानु परमेस्वर ताइको बुद्दि पाहासो थाहा गिहि, कि सुमिङको द्‍याङगेलाइ ताइको बुद्दिहोइ परमेस्वरहेङ नाल्लि मादोखे, ओदोङ भाअ्सिङ परमेस्वर केलाइको सुसमाचारको प्राचार खान्धुराइगेलाइहेङ बान्चिपालिको भाअ्सिङ प्रयोग पाहि, कालाउ आधिमिहेङ इदोइ आनाइ भाइका लागिखे।

1 कोरिन्थि 9:22

खाङधुरिता हुइकालाइको माझाता काम पालाउ इम्बालाइ खाङधुरिता आझाइ बाराकाताङ हानाको दोअ्तेङ का बुङ खाङधुरिता हुइकालाइ भाइका जेङघा। कालाउ का एसापा गोताङ द्‍याङको माझाता झाराङ ख्रिस्टता उद्दार निनाको दोअ्तेङ झाराङको भाअ्सिङ का गोताङ थोक जेङघा।

2 कोरिन्थि 1:6

केलाइ दुख निङन्हाहि पानु या नेलाइको सान्तावाना कालाउ मुक्तिको भाअ्सिङ हि, केलाइ सान्तावाना निङलाउ बुङ इङको नेलाइको सान्तावानाको भाअ्सिङ हि, केलाइ भोगिका इङकोङ दुखगेलाइ नेलाइ धर्य दोफाङ सहिलि गोइलाउ नेलाइ बुङ सान्तावानाको आनुभब पास्वाना।

2 कोरिन्थि 12:15

का नेलाइहेङ खुसिसोङ काङको दोफा जेदोङ हि कालाउ ताइको जिबन बुङ पिलि तियार हिघा, कालाउकि नेलाइहेङ परमेस्वरको आनुसरन पालि साघाइयाङका, का नेलाइहेङ हेन्जाङ प्रेम पाङका, भरु इन्सिका लागिखे नेलाइ कासेहेङ आतुइसा प्रेम पासुखेना!

2 कोरिन्थि 4:15

हाइपालिपानु केलाइ सहिका इदोइ गोताङ कस्टगेलाइ नेलाइको भलाइको भाअ्सिङ जेङका हि, हेन्जाङ खान्तेङ हेन्जा द्‍याङगेलाइ थाहा निङलि द्वाको कि परमेस्वर हेथे दायालु हि, एन्साङ दोङ परमेस्वरको महिमाको भाअ्सिङ हेन्जा द्‍याङगेलाइ वासेहेङ धन्यबाद चढाइयाको।

2 कोरिन्थि 4:17

केलाइको दुखगेलाइ एला आतुइसा हि कालाउ ह्रिङका सोमोइ थेकापा माहियाङ, हाइपालिपानु इङको दुखगेलाइहोइ केलाइहेङ आनान्त महिमा पिखे, जेदोङ केलाइ कल्पाना पालि दोका खान्तेङ हेन्जा हि।

एफिसि 3:13

एन्साङ दोङ का नेलाइहेङ सेउपाखा, कि नेलाइको भाअ्सिङ का दोङ कस्ट ल्होपाका तिङतेङ नेलाइ हारेस माचासु। हाइपालिपानु इदोइ गोताङ नेलाइको फाइदाको भाअ्सिङ हि।

कलस्सि 1:24

हाइपालिपानु का नेलाइहेङ सुसामाचारगेलाइ प्राचार पाकानाङ, एला का नेलाइको भाअ्सिङ कस्ट भोगिदोङखा, कालाउ ख्रिस्टको तर्फसो का ताइकोङ खुसिहोइ इदोइ कस्टगेलाइ भोगिदोङखा, कालाउकि वाको द्‍याङगेलाइहेङ साघाइलि द्वाको जेदोङ वाको जिउ मन्डलि दोङ हि।

कलस्सि 1:27

परमेस्वर ताइको द्‍याङगेलाइहेङ इदोइ सम्पति कालाउ महिमामय रहस्यको काथा बाताइलि निर्नय पाहि, जेदोङ वाको दोफा सुमिङको गोताङ द्‍याङगेलाइको भाअ्सिङ हि। कालाउ या रहस्य ख्रिस्ट ताइमिङ हि, वा नेलाइ दोफा हि। जाइ महिमाको भाअ्सिङ केलाइको एमि खिनिङ आस हि।

1 थेस्लोनिकि 5:9

हाइपालिपानु परमेस्वर केलाइहेङ वाको चेरसो दन्ड पिलि छाल्का माको, भरु प्रभु येसु ख्रिस्टसो मुक्ति निङलिको भाअ्सिङ छाल्का हि।

2 थेस्लोनिकि 2:14

केलाइ नेलाइहेङ प्राचार पाका सुसमाचार पाहासो परमेस्वर नेलाइहेङ उद्दारको भाअ्सिङ काइहि। कालाउकि नेलाइ प्रभु येसु ख्रिस्टको साम्मानता झ्वाइनालि दोसु।

2 तिमोथि 1:1

का पावल इदोइ पात्तारा लेखेदोङखा। परमेस्वर कासेहेङ ख्रिस्ट येसुको एमि छाल्न्हाका चात्याको रुपता चुनिहि, कालाउकि का येसु ख्रिस्टता खाङधुरिको माध्यामसो लोका आनान्त जिबन पिका प्रतिग्या परमेस्वर पाका सन्देसहेङ प्राचार पालि द्वाको।

2 तिमोथि 2:1

ओदोङ भाअ्सिङ तिमोथि जाइ नाअ् काङको ताइकोङ चान भाइका हिना, लागातार ताइमिहेङ बल्लियाका बानाइ इदोइ गितेङ, कि परमेस्वर नासेहेङ आनुग्रह पिका हि जेदोङ चाहि येसु ख्रिस्ट पाहासो खिनिङ लोखे।

2 तिमोथि 2:3

येसु ख्रिस्ट आसल सिपालाइ कोनिङ दुखगेलाइता का दोफा झ्वाइ।

तितस 1:1

का पावल परमेस्वरको बान्धाइति कालाउ प्रभु येसु ख्रिस्ट पाहा छाल्न्हाका चात्या, इदोइ पात्तारा नासेहेङ लेखेदोङखा, परमेस्वर छाल्का द्‍याङगेलाइहेङ खाङधुरिको सन्‍देस हिङपालि कालाउ सत्येको ग्यान हाइ हि इङको धिरपालिको भाअ्सिङ कासेहेङ दिङगिल्का हि। कालाउकि इम्बालाइ परमेस्वरहेङ मन्दा ताअ्का जिबन जियाइलि द्वाको।

1पतरुस 2:10

एखे नेलाइ परमेस्वरको प्रजा मान्थु घासुखेना, कालाउ एला नेलाइ परमेस्वरको प्रजा जेङका हिसुना। एखे नेलाइ परमेस्वरको क्रिपा निङका मान्थु घासुखेना, कालाउ एला नेलाइ यासेहेङ गिसुखेना, हाइपालिपानु वा लाम्फाङ नेलाइहेङ ताइको क्रिपा तिङपाका हि।

1पतरुस 5:10

परमेस्वर, जाइ पुर्न रुपता आनुग्रहकारि हि केलाइको ख्रिस्ट येसु दोफाको सम्बन्धको कारन ताइको आनान्त महिमाता केलाइहेङ हकदार जेङलि काइका हि। नेलाइ कोम्हा सोमोइ थेकापा कस्ट भोगितेङ परमेस्वर नेलाइहेङ आसल बानाइयाङ कालाउकि नेलाइता हिदोइ बुङ गल्ति माज्याको कालाउ वा नेलाइको ह्रदयहेङ बल्लियाका बानाइयाङ कालाउ इस्थिर जेङलिको भाअ्सिङ वाकोता खाङधुरि पाका बानाइयाङ।