2 तिमोथि 1:9 - Dhimal NT

⁹ परमेस्वर केलाइहेङ बान्चिपाहि कालाउ पबित्तरो जिबन जियाइलि काइहि। केलाइ रेम्का काम पाकानाङ काइका माको, भरु ताइको योजाना कालाउ आनुग्रहहोइ परमेस्वर केलाइहेङ बान्चिपाहि। जेदोङ आनुग्रह वा येसु ख्रिस्ट पाहासो सुमिङहेङ सिरजाइका खान्तेङ लाम्फा पिका हिघाहि।

धिमाल

⁹ परमेस्‍वर दोङ केलाइहेङ सिन्‍हुपातेङ ताइकोङ द्‍याङ जेङलि काइहि। केलाइको पाका कामहोइ माको, कालाउ वाको ताइकोङ बिचार रो निगाहाहोइ केलाइहेङ ताइको बान्‍हाइलि काइहि। सिरजाइ खान्‍तेङ लाम्‍फा दोङ केलाइहेङ ख्रिस्‍ट इसु इदोइ निगाहा पिका।

2 तिमोथि 1:9 Iomraidhean Croise

मत्‍ति 1:21

वा एमि जामालको जोलोम प्यावा, नाअ् वाको मिङ येसु ताअ्पि हाइपालिपानु वा दोङ ताइको द्‍याङगेलाइहेङ ओबालाइको पापसो बान्चि पावा।”

लुका 10:21

एन्सालाउ दोङ येसु पबित्तरो आत्माको आनन्दोहोइ पोङघातेङ दोअ्हि, हे आबा परमेस्वर स्वर्ग कालाउ प्रिथिबिको प्रभु, का नासेहेङ धन्यबाद पिखा, हाइपालिपानु बुद्दिमान कालाउ बाठा द्‍याङगेलाइसो म्होनातेङ ताअ्का काथा साधारन द्‍याङगेलाइहेङ बुझाइ पिका हिना। एइ आबा इसिका पालि नासेहेङ मन जेङहि।

युहन्‍ना 17:24

हे आबा का मन पाखा कि नाअ् कासेहेङ पिका द्‍याङगेलाइ का जेता हिघा काङको दोफा ह्याको, कालाउ नाङको पिका महिमा इम्बालाइ तिङलि द्वाको। जेदोङ महिमा नाअ् दोङ सुमिङ सिर्जाइनालि खान्तेङ लाम्फा कासेहेङ प्रेम पाकानाङ नाअ् कासेहेङ पिका हिघाखेना।

युहन्‍ना 17:9

इम्बालाइको भाअ्सिङ का प्रार्थाना पाखा, कालाउ सुमिङको सामान्दा ताअ्का द्‍याङको भाअ्सिङ का प्रार्थाना मापाङका। भरु इम्बालाइको भाअ्सिङ, जाइहेङ नाअ् कासेहेङ पिका हिना। हाइपालिपानु इम्बालाइ नाङको दोङ हि।

युहन्‍ना 6:37

आबा परमेस्वर कासेहेङ पिकागेलाइ झाराङ काङकोता ल्वाङ, कालाउ काङकोता लोकालाइहेङ का हेलाउ बुङ इन्कार मापाङका।

साल्न्हाका चात्या 15:18

इदोइ काथागेलाइ प्रभु लाम्फासोङ गिका हिघाहि, जेलाउसो सुमिङ सिरजाइन्हाहि।

साल्न्हाका चात्या 2:47

कालाउ परमेस्वरको बाखानाइ पाकाताङ, कालाउ झाराङ द्‍याङगेलाइसो आसिरबाद निङतेङ हिघाहि। मुक्ति निङकालाइ प्रभु ओबालाइको सङख्याता दिनाङ-दिनाङ हेन्जा थोपिपिघाखे।

रोमि 11:14

का आस पाखा, कि काङको ताइकोङ यहुदि द्‍याङगेलाइहेङ डाहि बानाइलि द्वाको, कालाउ इम्बालाइ मध्ये आधिमिहेङ बान्चिपालि द्वाको।

रोमि 11:29

हाइपालिपानु परमेस्वर ताइमिङ पिका बरदानगेलाइ आरोङ माह्रुखे कालाउ काइलि दोकालाइहेङ हेलाउ बुङ मालाखे।

रोमि 16:25

एला वासेहेङ, जाइ नेलाइहेङ का हिङपाका सुसमाचार येसु ख्रिस्टको बिसोइता नेलाइहेङ खाङधुरिता बल्लियाका बानाइखे, इङको रहस्यको थाअ्साइका जेदोङ जुगौजुगसोङ म्होनाका हिघाहि।

रोमि 3:20

ओदोङ भाअ्सिङ व्यवस्था केम्तेङ आधिमि द्‍याङ परमेस्वरको आगाता धर्मि जेङलि माद्वाङ, हाइपालिपानु मोसाको व्यवस्थाहोइ तिङपाखे कि केलाइ पापि हिनाहि।

रोमि 9:11

कालाउ जाउथ्या जामाललाइ जोलोमलि खान्तेङ लाम्फासोङ, इम्बालाइ हिदोइ बुङ रेम्का कालाउ मारेम्का काम पालि खान्तेङ लाम्फा दोङ, परमेस्वर जाउथ्यागेलाइ मध्ये एमिहेङ चुनितेङ रेबिकाहेङ दोअ्हि, “जेठा चाहि कान्छाको सेवा पावा।” एसापा परमेस्वरको चुनिका काम द्‍याङगेलाइको काम खाङतेङ माको, भरु वाको ताइकोङ इच्छा आन्सार जेनाङ वा पाक्का पाहि।

रोमि 9:24

यहुदि ह्याको चाहे गैर-यहुदि ज्याको, केलाइते वाको चुनिका द्‍याङगेलाइ हिनाहि।

1 कोरिन्थि 1:18

हाइपालिपानु परमेस्वरसो साजाइ निङका द्‍याङगेलाइको भाअ्सिङ क्रुस्टता येसु ख्रिस्टको सिकाको सिक्स्या हाइ दोङ महत्वको माहिखे, कालाउ केलाइ मुक्ति निङकालाइको भाअ्सिङ या परमेस्वरको सरबुङको प्रामान दोङ हि।

एफिसि 1:11

हाइपालिपानु गोताङ काथा परमेस्वरको योजाना कालाउ निर्नय आन्सार जेङका हि। परमेस्वर केलाइ यहुदिगेलाइहेङ बुङ ताइकोङ इच्छा आन्सार केलाइको ख्रिस्ट दोफाको सम्बनधको कारन इदोइ चाहि परमेस्वर लाम्फासोङ पाका निर्नय आन्सार पाका हि।

एफिसि 1:9

परमेस्वर ताइको योजाना आन्सार पाहि, कालाउ केलाइहेङ म्होन्हाका योजाना तिङपाहि, जेदोङ वा लाम्फाङ ख्रिस्ट पाहासो पुरा पालि योजाना पाका हिघाहि।

एफिसि 2:5

जेलाउ केलाइ आत्माता सिका हिघान्हाहि, केलाइको ख्रिस्टको दोफाको सम्बन्धको कारन वा केलाइहेङ आनान्त जिबन निङलि योग्य बानाइहि, कालाउ परमेस्वरको आनुग्रहसो नेलाइ मुक्ति निङका हिसुन्हा।

एफिसि 3:11

परमेस्वर इदोइ ताइको आनान्त योजाना आन्सार पाहि, कालाउ इङको आनान्त योजाना चाहि वा केलाइको प्रभु येसु ख्रिस्ट पाहासो पुरा पाहि।

फिलिप्पि 3:14

का स्वर्गको इनाम निङलिको भाअ्सिङ ल्क्स्य भारि हानिदोङखा इङको पुरुस्कार चाहि परमेस्वर कासेहेङ स्वर्गता काइका हि, हाइपालिपानु येसु ख्रिस्ट काङको भाअ्सिङ सिपिहि।

1 थेस्लोनिकि 4:7

हाइपालिपानु परमेस्वर केलाइहेङ आपबित्तरो जिबन माको, भरु पबित्तरो जिबन जियाइलि काइका हि।

1तिमोथि 1:1

का पावल इदोइ पात्तारा लेखेदोङखा। का केलाइको मुक्ति दाता परमेस्वर कालाउ येसु ख्रिस्ट जाइता केलाइ आस ताअ्नाखे, का वाको छाल्न्हाका चात्या हिघा।

2 तिमोथि 1:1

का पावल इदोइ पात्तारा लेखेदोङखा। परमेस्वर कासेहेङ ख्रिस्ट येसुको एमि छाल्न्हाका चात्याको रुपता चुनिहि, कालाउकि का येसु ख्रिस्टता खाङधुरिको माध्यामसो लोका आनान्त जिबन पिका प्रतिग्या परमेस्वर पाका सन्देसहेङ प्राचार पालि द्वाको।

तितस 1:2

एसापा इम्बालाइ परमेस्वर दोफा आनान्त जिबनको आस पाखे। हाइपालिपानु हेलाउ बुङ माधाताइका परमेस्वर, सुमिङ सिरजाइका खान्तेङ लाम्फा दोङ ताइको द्‍याङगेलाइहेङ आनान्त जिबन प्याङका दोअ्तेङ प्रतिग्या पाका हिघाहि।

हिब्रु 3:1

ओदोङ भाअ्सिङ परमेस्वर वाको दोफा स्वर्गता झ्वाइनालि काइका खान्धुराइ ओनेगेलाइ दोङ हिसुना, येसुता मन लागाइसु जाइ केलाइको भाअ्सिङ परमेस्वरको दुत कालाउ प्राधान पुजारि जेङका हि।

1पतरुस 1:20

इदोइ सुमिङ सिरजाइन्हाका खान्तेङ लाम्फाङ, येसु ख्रिस्ट मुक्ति दाता हिका ह्याङ दोअ्तेङ परमेस्वर सोमोइ खान्तेङ लाम्फाङ दोङ पाक्का पाका हिघाहि। कालाउ वा इदोइ आम्तिम दिनागेलाइता इदोइ सुमिङता नेलाइको फाइदाको भाअ्सिङ लोहि।

1पतरुस 2:9

कालाउ नेलाइ इन्सिका माको, हाइपालिपानु नेलाइ परमेस्वरको साल्न्हाका द्‍याङगेलाइ हिसुना, नेलाइ परमेस्वरको पुजारिगेलाइ हिसुना, जाइ राजा हि। नेलाइ परमेस्वरको सेवा पालि समरपित जेङका द्‍याङगेलाइ निजि प्रजा हिसुना। वा नेलाइहेङ कालाउ कितिकितिकासो ताइको आधभुत फाइसालामकाता चुमाका हि, कालाउकि नेलाइ परमेस्वरको भारभुसाइका कामगेलाइसो घोसाना पालि दोसु।

प्रकास 13:8

कालाउ प्रिथिबिता हिका गोताङ द्‍याङगेलाइ राक्सेसको आराधाना पाहि। सुमिङहेङ सिरजाइका खान्तेङ लाम्फासोङ जेदोङ द्‍याङगेलाइको मिङ जिबनको कितापता लेखेका हिघाहि, सिरिप उङको द्‍याङगेलाइ राक्सेसको आराधाना मापाहि। जिबनको किताप थुमाको किताप हि जेदोङ बिलिदानको रुपता सेअ्का हिघाहि।

प्रकास 17:8

नाअ् भरखङ तिङका इङको राक्सेस ए सोमोइ बान्चिका हिघाहि, कालाउ एला बान्चिका मान्थु; या वाङखाराका खारासो बाहार लोलि तोम्का हि कालाउ परमेस्वर इङकोहेङ पुरा नासा पाङ। प्रिथिबिता हिका द्‍याङगेलाइको मिङ जाइको परमेस्वर सुमिङहेङ सिरजाइका खान्तेङ लाम्फा जिबनको कितापता लेखेका मान्थुघाहि, इदोइ झाराङ द्‍याङ, राक्सेसहेङ तिङतेङ भाङभाङका जेनावा। वा लाम्फा सिन्हुका हिघाहि कालाउ एला सिन्हुका मान्थु, कालाउ वा आरोङ ल्वाङ।