2 तिमोथि 1:7 - Dhimal NT

⁷ हाइपालिपानु परमेस्वर केलाइहेङ थिका आत्मा माको, कालाउ केलाइहेङ सरबुङ, प्रेम कालाउ ताइमिहेङ काबुता ताअ्का आत्मा पिका हि।

धिमाल

⁷ हाइदोनु परमेस्‍वर केलाइहेङ थिकाको हाङसा माको कालाउ सरबङ, माया कालाउ ताइमिङहेङ आधिनता ताअ्‌का हाङसा पिका हि।

2 तिमोथि 1:7 Iomraidhean Croise

लुका 10:19

खाङसु, का नेलाइहेङ पुय्याँगेलाइ कालाउ चिम्ताङगेलाइ याङलि खाबारा पिका हिघा। का नेलाइहेङ सतुरुगेलाइको (साइतान) गोताङ सरबुङ ह्रुता खाबारा पिका हिघा, कालाउ हासु बुङ नेलाइहेङ हान्ति पालि माद्वावा।

लुका 15:17

जेलाउ वाको बुद्दि लोहि कालाउ वा दोअ्हि, काङको आबाको हेन्जा ज्यालाता काम पाका चाकारियागेलाइ हि। ओबालाइ दोफा गेनेगेल्पा उम हि कालाउ का चाहि इता म्हितुपाङ सिलि तोमहोइघा।

लुका 24:49

कालाउ खाङसु, का ताइमिङ नेलाइकोता पबित्तरो आत्मा दिङगिल्लाङका जाइको प्रतिग्या काङको आबा पाका हिघाहि। कालाउ नेलाइ जेलाउ थेकापा स्वर्गसो सरबुङ मानिङस्वाना एन्सालाउ थेकापा नेलाइ इदोङ सहरता ह्रुम्तेङ हिसु।

लुका 8:35

हेन्जाङ द्‍याङगेलाइ हाइ जेङहि दोअ्तेङ खाङलि बाहार ओल्लेतेङ लोहि, जाइ एनोङ सोमोइता भुत-आत्माहोइ पोङघाका हिघाहि। इम्बालाइ येसुकोता लोहि एला वा लोखन होङतेङ एल्का जेङतेङ येसुको खोकोइ भेरपा योम्तेङ हिका तिङनाङ इम्बालाइ आवाइतुहि।

युहन्‍ना 14:27

का नेलाइहेङ सान्ति पितेङ हानाङका, माकुनु इङको सान्ति जेदोङ का दोफा हि। या सान्ति इदोइ सुमिङको पिका भाइका माको कालाउ नेलाइ दुख मामानिसु कालाउ माअ्थिसु।

साल्न्हाका चात्या 1:8

जेलाउ पबित्तरो आत्मा नाअ् ह्रुता ल्वावा कालाउ नेलाइ सरबुङ निङस्वाना, कालाउ नेलाइ यरुसेलेम सहरता, सारा यहुदिया जिल्लाता, सामारिया जिल्लाता कालाउ सुमिङको गोताङ थामेगेलाइता द्‍याङगेलाइहेङ काङको बारेता दोअ्स्वाना।”

साल्न्हाका चात्या 10:38

कि नासरत देराको येसुहेङ परमेस्वर पबित्तरो आत्मा कालाउ सरबुङ आबिसेक पाहि। कालाउ वा आसल काम पाकाताङ कालाउ भुत-आत्मा खोका द्‍याङगेलाइहेङ एल्पाकाताङ गोताङ थामेगेलाइता हानिहि, हाइपालिपानु परमेस्वर वाको दोफा हिघाहि।

साल्न्हाका चात्या 20:24

कालाउ का ताइको जिबनहेङ हिदोइ बुङ मोलको कालाउ ताइको भाअ्सिङ पिलि माथानिखा, इदोइ झोको खिनिङ चाहिखा, कि परमेस्वरको आनुग्रहको सुसमाचारको साक्सि पिलि काङको धाअ्का प्रभु येसुसो मिलिका काङको सेवाकाइ का पुरा पालि द्वाको।

साल्न्हाका चात्या 21:13

कालाउ पावल दोअ्हि, “नेलाइ हाइ पालि एसापा खारतेङ काङको मनहेङ तुपापिसुखेना? हाइपालिपानु का यरुसेलेमता जिङन्हालि खिनिङ माको, कालाउ प्रभु येसुको भाअ्सिङ सिलि तियार हिघा।”

साल्न्हाका चात्या 26:11

कालाउ गोताङ यहुदिगेलाइको चाउघारा साअ्गेलाइता का इम्बालाइहेङ हेन्जा पोल्ति दन्ड पितेङ येसुको बिसोइता मारेम्का काथा धुइका बानाइघाखा। का इम्बालाइको बिरोधता ओथे हेन्जा रिसाहा हिघाखा, कि का आरु सहरगेलाइता बुङ हानितेङ इम्बालाइहेङ साताइघा।

साल्न्हाका चात्या 26:25

कालाउ पावल दोअ्हि, “मानेनिय फेस्तस हाकिम, का पागाला माको, कालाउ का सत्ये कालाउ बुद्दिको काथागेलाइ पाखा।

साल्न्हाका चात्या 6:8

स्तिफन आनुग्रह कालाउ सरबुङहोइ पोङघातेङ द्‍याङगेलाइको माझाता बा-बार्का भारभुसाइका काम कालाउ चिन्हागेलाइ पाहि।

साल्न्हाका चात्या 9:22

कालाउ साउल झन प्रभाबकारि जेङतेङ प्राचार पालि तेङहि, कालाउ येसु दोङ ख्रिस्ट हि दोअ्का प्रमान पितेङ दमस्कस सहरता हिका यहुदिगेलाइहेङ आवाइतुअ्पाहि।

रोमि 5:5

आसहोइ केलाइहेङ हेलाउ बुङ निरास मापा पाखे, हाइपालिपानु परमेस्वर केलाइहेङ पिका पबित्तरो आत्मासो परमेस्वरको प्रेम केलाइको ह्रदयता भरिका हि।

रोमि 8:15

हाइपालिपानु आरोङ थिलि गोइका बान्धाइतिको आत्माता नेलाइ निङका मान्थुसुना, कालाउ केलाइ परमेस्वरको सान्तान जेङलि परमेस्वरको आत्मा निङका हिनाहि, ओदोङ भाअ्सिङ केलाइ परमेस्वरहेङ “आब्बा, आबा” दोअ्तेङ काइन्हाखे।

1 कोरिन्थि 2:4

काङको सिक्स्या कालाउ उपदेस मानिमुइ बुद्दि भाइका मान्थुघाखे, कालाउ पबित्तरो आत्माको सरबुङसो नेलाइहेङ काङको दोअ्का सन्‍देस सत्ये तिङपा पिहि।

गलाति 5:22

कालाउ पबित्तरो आत्मा केलाइ लिता उब्जाइ पाका गुनगेलाइ इदोइ दोङ हि: प्रेम, आनान्द, सान्ति, धैर्य, दाया, भालाइ, खाङधुरि योग्य,

कलस्सि 1:8

इपाफ्रास केलाइहेङ आरु द्‍याङगेलाइको भाअ्सिङ नेलाइको प्रेमको बारेता दोअ्का हि, जाइ नेलाइहेङ पबित्तरो आत्माहोइ पिका हि।

हिब्रु 2:15

कालाउ एसापा सिलि गोइखे दोअ्का थितेङ गोताङ सोमोइ बान्धाइतिगेलाइ कोनिङ जेङतेङ बान्चिका द्‍याङगेलाइहेङ येसु मुक्ति पितेङ लाअ्पाहि।

1पतरुस 1:22

हाइपालिपानु नेलाइ सत्ये पालन पातेङ सुद्द जेङका हिसुना, एला नेलाइ ताइको दोफाङको खान्धुराइगेलाइहेङ चोखो प्रेम पासु। कालाउ एमिसो भेनेङहेङ ताइको ह्रदयको लिता सोङ प्रेम पातेङ हिसु।

१ युहन्‍ना 4:18

इसिका खाल्को प्रेमता थिका मान्थुखे, कालाउ इसिका प्रेमहोइ थिका लाअ्पाखे। हाइपालिपानु जेसापा केलाइ थिनाखे पानु केलाइ न्यायको दिनाको दन्डको भाअ्सिङ थिका हिनाखे, कालाउ इदोइहोइ तिङपाखे कि केलाइ वाको सिद्द प्रेमहेङ आनुभब पाका मान्थुन्हाहि।