2 तिमोथि 1:3 - Dhimal NT

³ जेलाउ बुङ का परमेस्वर दोफा प्रार्थाना पाखा दिनाङ नासेहेङ फोम पाखा, का परमेस्वरहेङ धन्यबाद चढाइखा, जाइको सेवा काङको पुर्खागेलाइ पाका भाइपाङ का बुङ सुद्द बिबेकहोइ पाखा।

धिमाल

³ काङको आबाखालगेलाइ चाकर पाका भाइपाङ का बुङ सुदो आकिलहोइ परमेस्‍वरको चाकर पाखा कालाउ का नितिमन्‍हिसिङ पुकार पालाउ दिनाङ नासेहेङ फोमपातेङ परमेस्‍वरहेङ च्‍याबास चार्‍हाइखा।

2 तिमोथि 1:3 Iomraidhean Croise

लुका 2:37

एला वा द्‍या कुरि द्‍या बासारको हिघाहि, वा मुन्दिरता हिलि मालाअ्घाखे भरु बारिखे कालाउ प्रार्थाना पातेङ झेम्पाङ लिपाङ आराधाना पाघाखे।

साल्न्हाका चात्या 22:3

“का किलिकिया सहरको टार्सस सहरता जोलोमका एमि यहुदि हिघा, कालाउ का इदोङ यरुसेलेम सहरता गमलिएलको आधिनता बाराघा। कालाउ केलाइको पुर्खाको व्यवस्थाको सिक्स्या का रेम्फा निङका हिघा। का परमेस्वरता मेनाङ हाउसाइका हिघाखा जेसाङ नेलाइ एला हिसुना।”

साल्न्हाका चात्या 23:1

पावल माहासभाता हिका द्‍याङगेलाइ भारि खाङहि, कालाउ दोअ्हि, “काङको ओनेगेलाइ, नानिको दिना थेकापा परमेस्वरको नजरता काङको जिबन सुद्द बिबेकहोइ बितिपातेङ हिघा।”

साल्न्हाका चात्या 24:14

कालाउ या का नाङको आगाता सुइकार पाखा, कि उङको यहुदिगेलाइ सोचिहि कि का ख्रिस्टको दामाहेङ आनुसरन पाखा, जाइहेङ इम्बालाइ धाताइका सिक्स्या धिरपाका गुट दोअ्खे, व्यवस्थाता जेङका काथा कालाउ परमेस्वरको बक्तागेलाइको कितापता लेखेका गोताङ काथा खाङधुरि पातेङ काङको पुर्खागेलाइको परमेस्वरको आराधाना का पाखा।

साल्न्हाका चात्या 24:16

ओदोङ भाअ्सिङ का जेलाउ बुङ परमेस्वरको कालाउ द्‍याङगेलाइको आगाता का काङको बिचारहेङ सुद्द पालि कोसिस पाङका।

साल्न्हाका चात्या 26:4

ताइको द्‍याङगेलाइको माझाता कालाउ यरुसेलेम सहरता जामालसोङ काङको जिबन सैलि यहुदिगेलाइहेङ थाहा हि।

साल्न्हाका चात्या 27:23

आन्जि न्हिसिन्ता परमेस्वरको स्वर्गदुत काङको भेरपा लोहि, कालाउ का ओदोङ परमेस्वरको द्‍याङ हिघा, जाइको का आराधाना पाखा।

रोमि 9:1

का ख्रिस्टहेङ साक्सि मानितेङ सत्ये काथा धुइतेङ हिघा, पबित्तरो आत्मा कालाउ काङको बुद्दिहोइ बुङ या साक्सि पिखे कि का धाताइका मान्थुघा।

2 कोरिन्थि 1:12

हाइपालिपानु केलाइ गर्ब पानाखे कि केलाइको बिबेक झालाफालापा हि, सुमिङता कालाउ बिसेस पातेङ नेलाइ दोफाको केलाइको सम्बन्ध नेलाइ दोफा कालाउ सुमिङको द्‍याङगेलाइ दोफा पबित्तरो कालाउ सत्ये हि, जेदोङ चाहि परमेस्वरसो लोखे, इदोइ चाहि मानिमुइ बुद्दिहोइ माको, भरु परमेस्वरको आनुग्रह पाहासो हि।

गलाति 1:14

का यहुदि धर्मता खाङधुरि पाका काङको उमेरको हेन्जा यहुदिगेलाइ मध्येसो हेन्जा काम पाका हिघाखा। कालाउ का केलाइको पुर्खागेलाइको सिक्स्या धिरलि कालाउ पालि केम्लि इम्बालाइ खान्तेङ आगाल धाअ्का हिघाखा।

एफिसि 1:16

का जेलाउ बुङ नेलाइको भाअ्सिङ परमेस्वरहेङ धन्यबाद पितेङ ह्याङका, कालाउ काङको प्रार्थानाता का नेलाइहेङ फोम पातेङ हिखा।

1 थेस्लोनिकि 3:10

नेलाइ दोफा भेतिलि द्वाको दोअ्तेङ कालाउ प्रभु येसु ख्रिस्टको खाङधुरिता बल्लियाका बानाइलिको भाअ्सिङ साघाइलि केलाइ जेलाउ बुङ नितिम न्हिसिन परमेस्वर दोफा प्रार्थाना पातेङ हिनाहि।

1तिमोथि 1:19

नाअ् ख्रिस्टता लागातार खाङधुरि पातेङ हिलि गोइखे कालाउ आसल बिचार पातेङ हिलि गोइखे आधिमि द्‍याङगेलाइ ताइको आसल बिचार इन्कार पाका हि, कालाउ इम्बालाइ ख्रिस्टता खाङधुरि पालि लाअ्का हि।

1तिमोथि 1:5

का नेलाइहेङ आदेस पिका उदेस्य इदोइ हि, कि नेलाइ एमिसो-भेनेङहेङ पुरा ह्रदयहोइ, प्रेम पासु, जेदोङ चाहि सुद्द मन, आसल बिबेक, कालाउ सत्ये खाङधुरिसो लोखे।

1तिमोथि 5:5

कालाउ जाइ जातिङको के सिका बेबाल हि, कालाउ वाको हासु बुङ मान्थुनु, कालाउ वा ताइको भोरोसा परमेस्वरता खिनिङ ताअ्खे, कालाउ झेङपाङ-लिपाङ परमेस्वर दोफा ताइमिहेङ साघाइलिको भाअ्सिङ प्रार्थाना पाखे।

2 तिमोथि 1:5

कासेहेङ नाङको येसु ख्रिस्ट ह्रुता हिका खाङधुरिको फोम हि। इङको खाङधुरि जेदोङ लाम्फा नाङको आझाइ लोइस कालाउ नाङको आमाइ युनिस्ता हिघाहि। कालाउ एला कासेहेङ निस्चित हि, कि नाङकोता बुङ इन्सिकाङ खाङधुरि हि।

2 तिमोथि 3:15

नाअ् जामालसोङ पबित्तरो धर्मसास्तरको काथागेलाइ धिरका हिना। इदोइ धर्मसास्तर दोङ नासेहेङ इदोइ बुझिलि साघाइयाङ कि येसु ख्रिस्टता खाङधुरि पानाङ परमेस्वर नासेहेङ बान्चि पावा।

हिब्रु 13:8

येसु ख्रिस्ट आन्जि, नानि कालाउ जेलाउलाउ बुङ ए सामान हिका हि, वा हेलाउ बुङ माबदिलिखे।