2 तिमोथि 1:2 - Dhimal NT

² का इदोइ पात्तारा तिमोथिहेङ लेखेदोङखा नाअ् काङको ताइकोङ चान भाइका हिना का प्रार्थाना पाखा, कि आबा परमेस्वर कालाउ केलाइको प्रभु येसु ख्रिस्ट नासेहेङ आनुग्रह, क्रिपा कालाउ सान्ति प्याको।

धिमाल

² काङको जातिङको चान तिमोथिहेङ इदोइ चिथि लेखेदोङखा। परमेस्‍वर आबा रो केलाइको प्रभु इसु ख्रिस्‍ट नासेहेङ निगाहा, दाया रो सान्‍ति प्‍याको।

2 तिमोथि 1:2 Iomraidhean Croise

साल्न्हाका चात्या 16:1

पावल डर्बि सहर लुस्तारा सहरता बुङ लोहि। इन्ता तिमोथि मिङ हिका एमि चात्या हिघाहि। कालाउ वा एमि यहुदि खान्धुराइको बेबालको चान हिघाहि। कालाउ वाको आबा चाहि ग्रिक सारभिको बासिन्दा हिघाहि।

रोमि 1:7

का या पात्तारा रोम सहरता हिका गोताङ खान्धुराइगेलाइहेङ लेखेदोङखा, जाइहेङ परमेस्वर प्रेम पाखे कालाउ ताइको पबित्तरो जन जेङलि काइका हि। नेलाइहेङ केलाइको आबा परमेस्वर कालाउ प्रभु येसु ख्रिस्ट आनुग्रह कालाउ सान्ति प्याको।

रोमि 12:19

ओइ काङको आनाउगेलाइ, ताइमि दोङ हेलाउ बुङ बदला माह्रुसु, भरु परमेस्वर दोङ वासेहेङ साजाइ प्याको। हाइपालिपानु धर्मसास्तरता लेखेका हि, “बदला ह्रुका काम काङको दोङ हि, का दोङ बदला ह्रुकाङका” प्रभु दोअ्खे।

1 कोरिन्थि 4:17

ओदोङ भाअ्सिङ का तिमोथिहेङ नेलाइकोता दिङगिल्दोङखा। प्रभुता वा काङको मायारु कालाउ खाङधुरि योग्य चान भाइका हि। का गोताङ थामेगेलाइको मन्डलिता धिरपाका आन्सार येसु ख्रिस्टता काङको जिबन हिसिका हि तिमोथि नेलाइहेङ दोअ्तावा।

फिलिप्पि 4:1

ओदोङ भाअ्सिङ काङको खान्धुराइ ओनेगेलाइ, का नेलाइहेङ हेन्जा मायारु पाङका कालाउ नेलाइहेङ भेतिलि चाहिखा। नेलाइ काङको आनन्द कालाउ हाउसा दोङ, काङको आनाउगेलाइ, काङको दोअ्का आन्सार लागातार प्रभुता भरोसा ताअ्काताङ वाको आग्या केम्सु।

1तिमोथि 1:2

का इदोइ पात्तारा तिमोथिहेङ लेखेदोङखा, नाअ् काङको ताइकोङ चान भाइका हिना हाइपालिपानु नाअ् बुङ येसु ख्रिस्टता खाङधुरि पाखेना। का प्रार्थाना पाखा, कि केलाइको आबा परमेस्वर कालाउ येसु ख्रिस्ट नासेहेङ आनुग्रह, क्रिपा कालाउ सान्ति प्याको।

2 तिमोथि 2:1

ओदोङ भाअ्सिङ तिमोथि जाइ नाअ् काङको ताइकोङ चान भाइका हिना, लागातार ताइमिहेङ बल्लियाका बानाइ इदोइ गितेङ, कि परमेस्वर नासेहेङ आनुग्रह पिका हि जेदोङ चाहि येसु ख्रिस्ट पाहासो खिनिङ लोखे।

तितस 1:4

का इदोइ पात्तारा तितसहेङ लेखेदोङखा, नाअ् काङको ताइकोङ चान भाइका हिना, हाइपालिपानु नाअ् बुङ येसु ख्रिस्टता खाङधुरि पाखेना। आबा परमेस्वर कालाउ केलाइहेङ मुक्ति पिका येसु ख्रिस्ट नासेहेङ आनुग्रह कालाउ सान्ति प्याको।

तितस 2:13

कालाउ केलाइ आस पाका दिनाको दामा खाङतेङ हिनाखे: जेदोङ दिना येसु ख्रिस्ट, जाइ केलाइको माहान परमेस्वर मुक्ति दाता हि, वा ताइको गोताङ महिमा दोफाङ इदोइ प्रिथिबिता ल्वाङ।

३ युहन्‍ना 1:4

जेलाउ बुङ का हिङघा कि नेलाइ जाइ काङको चान-चामिन्दिगेलाइ भाइका हिसुना, परमेस्वर केलाइहेङ जातिङकोङ तिङपाका दामाता ताइको जिबन जियाइतेङ हिनाहि, इङको काथाहोइ कासेहेङ आरु हेन्जा आनन्दित पाखे।