2 तिमोथि 1:12 - Dhimal NT

¹² ओदोङ सुसमाचार प्राचार पालिको भाअ्सिङ का झ्यालखानाता कस्ट भोगिलि गोइतेङ हिघा। कालाउ बुङ का मालेदेरखा, हाइपालिपानु का ख्रिस्टहेङ नाल्खा जाइ ह्रुता का भोरोसा बुङ ताअ्का हिघा। कालाउ कासेहेङ इदोइ निसित हि, कि परमेस्वर कासेहेङ जिम्मा पिका काथाहेङ ख्रिस्ट ताइमिङ आरोङ घुरितेङ मालोपा धाउ इङको काथा जोगाइतेङ ताअ्ताङ।

धिमाल

¹² इदोइभाअ्‌सिङ का इदोइ काथागेलाइता तु: भोगेदोङखा। कालाउ का इदोइता मालेदेरखा हाइदोनु का हासुता खान्‍धुर पाका हिघा इङको का गेखा। परमेस्‍वर कासेहेङ जिमा लागाइका काथाहेङ वा दोङ ख्रिस्‍ट मालोपाधाउ जोगाइतेङ ताअ्‌तावा। इदोइता का ढुक हिघा।

2 तिमोथि 1:12 Iomraidhean Croise

मत्‍ति 12:21

कालाउ वाको ह्रुता गोताङ गैर-यहुदिगेलाइ खाङधुरि पावा।

मत्‍ति 24:36

इङको काथागेलाइ हिदोइ सोमोइ कालाउ हिदोइ दिना जेनाङ या हासुहेङ बुङ थाहा मान्थु, ना ते स्वर्गदुतगेलाइहेङ का चानहेङ बुङ थाहा मान्थु, आबाहेङ खिनिङ इङको दिना कालाउ सोमोइ थाहा हि।

मत्‍ति 7:22

न्यायको दिनाता हेन्जा द्‍याङगेलाइ कासेहेङ द्वावा, प्रभु-प्रभु, हाइ केलाइ नाङकोङ मिङता आगमबानि मादोअ्न्हाहि रो? कालाउ नाङकोङ मिङता केलाइ इङको भुत-आत्मागेलाइ माओल्लापानाहि रो? कालाउ नाङकोङ मिङता इस्तुङ भारबुसाइका कामगेलाइ मापानाहि रो?

लुका 10:12

का नेलाइहेङ दोअ्खा, न्यायको दिना इङको सहरता द्‍याङगेलाइको बेथा सोदोम सहरको द्‍याङगेलाइको खान्तेङ झन सहिलि मादोअ्का जेनावा।

लुका 23:46

येसु बार्का गालाहोइ ह्रिकाइतेङ दोअ्हि, हे आबा, का काङको आत्मा नाङको खुरता पिदोङखा। इङको झोको दोअ्तेङ वा ताइको प्रान लाअ्हि।

युहन्‍ना 17:15

इम्बालाइहेङ नाअ् सुमिङसो चुम्पुवाको दोअ्तेङ का प्रार्थाना मापाखा, भरु इम्बालाइहेङ साइतानसो जोगाइतेङ तापिसु।

युहन्‍ना 6:44

कासेहेङ दिङगिल्का आबा परमेस्वर का दोफा लोलि मन मापिनु हासु बुङ काङकोता लोलि माद्वाङ, कालाउ काङकोता लोका जतिहेङ का सुमिङको आन्त्यको दिनाता सिकासो सिन्हु पाङका।

साल्न्हाका चात्या 13:46

पावल कालाउ बार्नाबास साहास पातेङ दोअ्हि, “परमेस्वरको बचन लाम्फा नेलाइहेङ हिङपालि आवस्यक हिघाहि। कालाउ बुङ नेलाइ हिङलि माकिसुन्हा। कालाउ नेलाइ ताइमिहेङ दोङ आनान्त जिबनको भाअ्सिङ योग्यको माठानिसुन्हा, ओदोङ भाअ्सिङ केलाइ एला गैर-यहुदिगेलाइकोता हानाङ।

साल्न्हाका चात्या 13:50

कालाउ यहुदि आगुवागेलाइ पावल कालाउ बार्नाबासको बिरोधता बार्का इस्तरको भक्त बेबालाइ कालाउ सहरको मुलि-मुलि वाबालाइहेङ उस्काइहि, कालाउ इम्बालाइ पावल कालाउ बार्नाबासहेङ ताइको सिमानासो बाहार ओल्लापाहि।

साल्न्हाका चात्या 21:13

कालाउ पावल दोअ्हि, “नेलाइ हाइ पालि एसापा खारतेङ काङको मनहेङ तुपापिसुखेना? हाइपालिपानु का यरुसेलेमता जिङन्हालि खिनिङ माको, कालाउ प्रभु येसुको भाअ्सिङ सिलि तियार हिघा।”

साल्न्हाका चात्या 7:59

जेसाङ ओबालाइ स्तिफनहेङ उन्ठुइहोइ तोतेङ हिघाहि, वा प्रार्थाना पाकाताङ हिघाहि कालाउ वा दोअ्हि, “प्रभु येसु काङको आत्माहेङ ग्रहन पापि।”

साल्न्हाका चात्या 9:16

हाइपालिपानु द्‍याङगेलाइहेङ काङको बिसोइता दोअ्काता वा हेथे कस्ट भोगिलि गोयाङ, इङको का वासेहेङ तिङपाङका।”

रोमि 1:16

कालाउ का येसु ख्रिस्टको सुसमाचारता गर्ब पाङका। हाइपालिपानु खाङधुरि पाका झाराङको मुक्तिको भाअ्सिङ इदोइ परमेस्वरको सरबुङ हि, लाम्फा यहुदिगेलाइहेङ कालाउ गैर-यहुदिगेलाइको भाअ्सिङ बुङ हि।

रोमि 9:33

जेसाङ धर्मसास्तरता लेखेका हि, “खाङसु, का यरुसेलेमता एनोङ उन्ठुइ ताअ्ताङका, जेदोङता द्‍याङगेलाइ ठुनिन्चातेङ थोबिन्हावा, कालाउ एनोङ चट्टान जाइता इम्बालाइ लोनावा, कालाउ वाकोता भोरोसा ताअ्का हासु बुङ लेदेरलि मागोइयाङ।”

1 कोरिन्थि 1:8

केलाइको येसु ख्रिस्टको लोका दिनाता नेलाइहेङ हाइ दोङ मादुसिका जेनाको दोअ्तेङ परमेस्वर नेलाइहेङ खाङधुरिता बल्लियाका बानाइयाङ।

1 कोरिन्थि 3:13

गोताङ द्‍याङको रेम्का मारेम्का काम परमेस्वर न्याय पाका दिनाता जाचिन्हाङ, हाइपालिपानु इङको दिना इम्बालाइको पाका काम हिसिका हि, मेता ह्वातेङ जाचियाङ।

फिलिप्पि 1:20

काङको एकदम इच्छा कालाउ आस इदोइ दोङ हि, कि का लेदेरलि मागोइयाङका। कालाउ का हानिका सोमोइता दोअ्का भाइपाङ ख्रिस्टको बारेता दोअ्लि साहास जेनाङ। चाहे का बान्चियाको माकुनु सियाको, का काङको गोताङ जिबनहोइ ख्रिस्टहेङ लागातार आदार पाङका।

फिलिप्पि 3:10

का ख्रिस्टहेङ खिनिङ माको कालाउ परमेस्वर जाइ वासेहेङ सिकासो सिन्चाल पाहि वाको सरबुङहेङ गिलि भोखा। का येसुको कस्टको भागेदार जेङलि भोखा कालाउ वाको सिकाता वाको भाइपाङ भाइलि खाङखा।

फिलिप्पि 3:21

वा, जेदोङ सरबुङ पाहासो गोताङ काथाहेङ वाको आधिनता चुमालि दोखे, ओदोङ सरबुङहोइ वा केलाइको कमजोर जिउहेङ ताइकोङ महिमाको जिउ भाइपाङ भाङगाइपिखे।

फिलिप्पि 3:8

इङको झोको खिनिङ माको, का येसु ख्रिस्ट प्रभुहेङ नाल्लि भोखा, जेदोङ गोताङ काथा खान्तेङ माहान हि, का गोताङ काथागेलाइहेङ बेकार थानिखा। कालाउ ख्रिस्टको भाअ्सिङ गोताङ काथागेलाइ लाअ्का हिघा, कालाउ इङको गोताङहेङ फोहोरगेलाइ भाइपा सम्झिखा, कालाउकि का पुरा रुपहोइ ख्रिस्टको जेङलि द्वाको।

1 थेस्लोनिकि 2:16

इम्बालाइ केलाइहेङ गैर-यहुदिगेलाइ दोफा मुक्तिको काथा दोअ्लि मापिहि। एसापा इम्बालाइ पापता पाप रुमभाइतेङ हानिखे जेलाउ थेकापा परमेस्वर इम्बालाइहेङ आम्तिमता दन्ड माप्याङ। कालाउ न्हुसो पाक्का बुङ परमेस्वर इम्बालाइ दोफा चेर तामपाका हि कालाउ दन्ड पिलि लागाइका हि।

1 थेस्लोनिकि 5:4

कालाउ खान्धुराइ ओनेगेलाइ, नेलाइ इदोइ दुस्ट सुमिङको माको, ओदोङ भाअ्सिङ प्रभु लोका दिना नेलाइकोता चोर लोका भाइपा आचानाक ल्वाङ।

1तिमोथि 6:20

तिमोथि, परमेस्वर नासेहेङ जेदोङ सुम्पिका हि, इङको रेम्फासो पाअ्‌। कालाउ हेथेते द्‍याङगेलाइ सुमिङको ब्यर्थको काथा जाइहेङ इम्बालाइ “ग्यान” दोअ्खे, इन्सिका धाताइका काथागेलाइसो फारापा हिसु।

2 तिमोथि 1:14

परमेस्वर पिका सत्ये सिक्स्याहेङ जोगाइतेङ ताअ्सु, कालाउ पबित्तरो आत्मा नासेहेङ इङको सिक्स्या जोगाइतेङ ताअ्लि साघाइयाङ, जेदोङ पबित्तरो आत्मा केलाइ दोफा हिखे।

2 तिमोथि 1:16

प्रभु आन्सिफरसको जाहानहेङ क्रिपा पाको दोअ्तेङ का प्रार्थाना पाखा। हाइपालिपानु ओन्सिफरस का कस्टता हिलाउ भेतिलि लोहि कालाउ हेन्जाङ खेप साघाइहि। कालाउ कासेहेङ झ्यालखानाता भेतिलि लोलि बुङ मालेदेर हि।

2 तिमोथि 1:18

प्रभु आन्सिफोरसहेङ न्याको दिनाता माहान क्रिपा तिङपाको। नासेहेङ रेम्फा थाहा हि, कि एफिसस सहरता वा कासेहेङ हेन्जाङ प्रकारसो साघाइका हिघाहि।

2 तिमोथि 1:8

ओदोङ भाअ्सिङ केलाइको प्रभु येसु ख्रिस्टको बारेता द्‍याङगेलाइहेङ साक्सि पिलि मालेदेरसु। कालाउ का कैदता हिघा दोअ्तेङ बुङ मालेदेरसु, भरु परमेस्वर नेलाइहेङ पिका सरबुङ प्रयोग पालि गोइखे, कालाउ सुसमाचारको भाअ्सिङ काङको दुखता झ्वाइका जेङसु।

2 तिमोथि 2:9

कालाउ ओदोङ सुसमाचार हिङपाकानाङ का आपाराधि कोनिङ कस्ट भोगितेङ हिघा। इङको झोको खिनिङ माको आपाराधि कोनिङ झिन्झिरिहोइ धेउनातेङ झ्यालखानाता परिका हिघा। कालाउ द्‍याङगेलाइहेङ परमेस्वरको बचन प्राचार पालि हिदोइ बुङ काथाहोइ रोकिलि माद्वावा।

2 तिमोथि 4:8

एला प्रभु कासेहेङ एनोङ इनाम प्याङ, जेदोङ चाहि काङको आसल पाका कामको इनाम हि। ठिकसो न्याय पाका प्रभु दोङ कासेहेङ इङको इनाम प्याङ जेलाउ वा आरोङ ल्वाङ। कालाउ का खिनिङ माको, कालाउ वाको लोका दामा खाङका झाराङहेङ इङको इनाम प्याङ।

तितस 3:8

इदोइ भनाइ सत्ये हि, जेदोङ एलाङ खिनिङ का नासेहेङ दोअ्का हिघा, का भोखा कि जेलाउ नाअ् खान्धुराइगेलाइहेङ धिरपाखेना इदोइ काथागेलाइता जोर पिसु, कालाउकि जाइ परमेस्वरता खाङधुरि ताअ्का हि ताइमिहेङ रेम्का काम पालि मन लागाइलि द्वाको। हाइपालिपानु इदोइ सिक्स्यागेलाइ गोताङ द्‍याङगेलाइको भाअ्सिङ रेम्का कालाउ फाइदा जनक बुङ हि।

हिब्रु 12:2

केलाइको खाङधुरि सुरु पाका कालाउ सिद्द बानाइका येसुहेङ खाङतेङ ह्याइने, वा दोङ भबिस्यता निङका आनान्दको भाअ्सिङ आपामानहेङ हाइ दोङ भाइपा माथानिसिङ क्रुसको कस्ट भोगिहि कालाउ परमेस्वरको सिङहासनको दाम्पाहा भारि झाउका साम्मानको थामेता बिराजमान हितेङ हि।

हिब्रु 2:18

हाइपालिपानु वा कस्ट कालाउ जाच भोगिहि, वा दोङ जाचता परिका गोताङ द्‍याङगेलाइहेङ साघाइलि गिखे।

हिब्रु 7:25

ओदोङ भाअ्सिङ येसु पाहासो परमेस्वरको भेरपा लोकालाइहेङ वा जेलाउ बुङ उद्दार पालि द्वाङ, हाइपालिपानु इम्बालाइको भाअ्सिङ मध्येस्ताको प्रार्थाना चढाइलि वा जेलाउ बुङ सिन्हुतेङ हिखे।

1पतरुस 1:5

कालाउ नेलाइको खाङधुरि पाहासोङ, परमेस्वर ताइको सरबुङ पाहासो नेलाइहेङ बान्चिपाङ, जेलाउ थेकापा नेलाइ साइतानको सरबुङसो पुरा मालान्हास्वाना। कालाउ ख्रिस्ट लोका दिनाता या पुरा जेनावा।

1पतरुस 4:16

कालाउ हासु बुङ ख्रिस्टतियन जेङका को कारन दुख भोगिखे पानुते वा मालेदेराको, भरु ख्रिस्टियान जेङका कारन वा परमेस्वरहेङ धन्यबाद प्याको।

1पतरुस 4:19

ओदोङ भाअ्सिङ जाइ परमेस्वर गोइका आन्सार दुख भोगिखे, वा इम्बालाइहेङ बानाइका परमेस्वरता भोरोसा ताअ्तेङ हिलि गोइखे। परमेस्वर जेलाउ बुङ ताइमि प्रतिग्या पाका काथा पुरा पालि गोइखे, ओदोङ भाअ्सिङ रेम्का काम पातेङ हिसु।

यहुदा 1:24

परमेस्वर नेलाइहेङ बान्चिपालि द्वाङ कालाउकि नेलाइ पापता जिबन जियाइलिको भाअ्सिङ धोकाता मापरिसु। वा महिमित परमेस्वर नेलाइहेङ निस्कलङ कालाउ आनान्दहोइ भरिका बानाइलि नेलाइहेङ ताइमिकोता घुरिपातेङ चुमालि द्वाङ।