2 तिमोथि 1:1 - Dhimal NT

¹ का पावल इदोइ पात्तारा लेखेदोङखा। परमेस्वर कासेहेङ ख्रिस्ट येसुको एमि छाल्न्हाका चात्याको रुपता चुनिहि, कालाउकि का येसु ख्रिस्टता खाङधुरिको माध्यामसो लोका आनान्त जिबन पिका प्रतिग्या परमेस्वर पाका सन्देसहेङ प्राचार पालि द्वाको।

धिमाल

¹ परमेस्‍वरको लाल्‍साहोइ ख्रिस्‍ट इसुता हिका ज्‍यानको कबोलको बारेता हिङपालिको भाअ्‌सिङ का पावल ख्रिस्‍टको साल्‍तेङ दिङगिल्‍का जेङका।

2 तिमोथि 1:1 Iomraidhean Croise

युहन्‍ना 10:28

इम्बालाइहेङ का आनान्त जिबन पिखा। कालाउ इम्बालाइ हेलाउ बुङ नास माजेनाङ, कालाउ हासु बुङ इम्बालाइहेङ काङकोसो घिङतेङ चुम्पुलि माद्वाङ।

युहन्‍ना 17:3

कालाउ आनान्त जिबन इदोइ दोङ कि द्‍याङगेलाइ नासेहेङ एमि खिनिङ सत्ये परमेस्वर दोअ्तेङ नाल्लि द्वाको, कालाउ कासेहेङ येसु ख्रिस्ट जाइ नाअ् दोङ दिङगिल्का हि दोअ्तेङ इम्बालाइ नाल्लि द्वाको।

युहन्‍ना 5:24

जातिङ भारि का नेलाइहेङ दोअ्खा, जाइ काङको बचन हिङखे कालाउ कासेहेङ दिङगिल्काहेङ खाङधुरि पाखे, उङको दोफा आनान्त जिबन हि। ओबालाइहेङ दन्ड माप्याङ कालाउ इम्बालाइ आनान्त कालको सिकासो बान्चियाङ कालाउ लाम्फासोङ नावा जिबनता दुल्लि दोका हि।

युहन्‍ना 6:40

हाइपालिपानु काङको आबा परमेस्वरको इच्छा इदोइ दोङ हि, कि का चानहेङ खाङका कालाउ का ह्रुता खाङधुरि पाका झाराङ आनान्त जिबन निनाको, कालाउ का वासेहेङ आन्त्यको दिनाता सिकासो सिन्हु पाङका।

युहन्‍ना 6:54

काङको जिउ चाअ्का कालाउ काङको हिति आम्कालाइ दोफा आनान्त जिबन हि, कालाउ आन्ताको दिनाता का वासेहेङ सिकालाइसो सिन्हु पाङका।

रोमि 1:1

का पावल येसु ख्रिस्टको दास हिघा, कालाउ परमेस्वर कासेहेङ ताइको साल्न्हाका चात्या जेङलि छाल्हि, कालाउ झाराङ द्‍याङगेलाइहेङ परमेस्वरको सुसमाचार प्राचार पालिको भाअ्सिङ खेङहि।

रोमि 5:21

जेलाउ गोताङ द्‍याङगेलाइ पाप पाहि कालाउ उङको गोताङ सिहि, एन्साङ पातेङ येसु ख्रिस्ट केलाइको प्रभुसो परमेस्वरको आनुग्रहहोइ इम्बालाइहेङ धर्मि बानाइतेङ आनान्त जिबन प्याङ।

रोमि 6:23

हाइपालिपानु पापको परिनाम चाहि सिका दोङ, कालाउ परमेस्वरको पिका बरदान चाहि ख्रिस्ट येसु केलाइको प्रभुता आनान्त जिबन दोङ।

1 कोरिन्थि 1:1

का, पावल इदोइ पात्तारा लेखेदोङखा। का येसु ख्रिस्टको छाल्न्हाका चात्या जेङलिको भाअ्सिङ परमेस्वरको इच्छासो काइन्हाका हिघा। कालाउ का इता केलाइको दोफाङको खान्धुराइ ओने सोस्थेनस दोफा हिघा।

2 कोरिन्थि 1:1

का, पावल केलाइको खान्धुराइ ओने तिमोथि दोफाङ इदोइ पात्तारा लेखेदोङखा, का परमेस्वरको इच्छा पाहासो येसु ख्रिस्टको छाल्न्हाका चात्या हिघा, का इदोइ पात्तारा कोरिन्थि सहरता हिका परमेस्वरको मन्डलिहेङ, कालाउ गोताङ आखैया प्रदेसता हिका झाराङ पबित्तरो जनगेलाइहेङ लेखेदोङखा।

2 कोरिन्थि 1:20

हाइपालिपानु परमेस्वरको गोताङ प्रतिग्यागेलाइ ख्रिस्टता पुरा जेङखे। ओदोङ भाअ्सिङ परमेस्वरको महिमाको भाअ्सिङ केलाइ ख्रिस्ट पाहासो “आमेन” दोअ्नाखे।

गलाति 3:26

ओदोङ भाअ्सिङ नेलाइ झाराङ झना येसु ख्रिस्टता खाङधुरि पानाङ परमेस्वरको सान्तान जेङसुन्हा।

गलाति 3:28

ओदोङ भाअ्सिङ एला येसु ख्रिस्टता यहुदि कालाउ गैर-यहुदि, बान्धाइति कालाउ लाअ्न्हाका द्‍याङको माझाता हिदोइ बुङ फरक मान्थु। कालाउ वाबाल कालाउ बेबालता बुङ हिदोइ बुङ फरक मान्थु। हाइपालिपानु येसु ख्रिस्टता केलाइ झाराङ ए-सामान हिनाहि।

एफिसि 3:6

इङको म्होनाका रहस्य चाहि या हि: कि केलाइको ख्रिस्ट दोफाको सम्बन्धको कारन, गैर-यहुदिगेलाइ जाइ येसु ख्रिस्टता हि, इम्बालाइ बुङ सुसमाचार पाहासो यहुदिगेलाइ भाइपा परमेस्वरको आसिसगेलाइ निनावा। कालाउ गैर-यहुदिगेलाइ बुङ एनोङ दोङ जिउको आङगगेलाइ कालाउ परमेस्वरको पाका प्रतिग्याको भागिदार जेङका हि।

1तिमोथि 6:19

एसा पातेङ इम्बालाइ स्वर्गता ताइको भबिस्यको भाअ्सिङ रेम्का कामगेलाइ खाजाना भाइपा जोम्पावा, जेदोङ इम्बालाइको भाअ्सिङ भबिस्यता बल्लियाका जोग भाइका जेनावा, कालाउकि इम्बालाइ पाक्का ह्याको इम्बालाइ जेलाउ बुङ सत्ये जिबन निनावा।

2 तिमोथि 1:10

कालाउ एला परमेस्वर ताइको चान येसु ख्रिस्टहेङ दिङगिल्तेङ ताइको आनुग्रह तिङपाका हि। वा दोङ सिका सरबुङहेङ नासा पाहि कालाउ केलाइहेङ सुसमाचार पाहासो आनान्त जिबनको दामा तिङपाहि।

2 तिमोथि 1:13

का नासेहेङ पिका गोताङ सत्ये सिक्स्यागेलाइ नमुना भाइपाङ जोगाइतेङ ताअ्सु। खाङधुरि कालाउ प्रेम दोफा या पासु, हाइपालिपानु नेलाइ येसु ख्रिस्ट दोफा ए जेङतेङ हिसुन्हा।

2 तिमोथि 1:9

परमेस्वर केलाइहेङ बान्चिपाहि कालाउ पबित्तरो जिबन जियाइलि काइहि। केलाइ रेम्का काम पाकानाङ काइका माको, भरु ताइको योजाना कालाउ आनुग्रहहोइ परमेस्वर केलाइहेङ बान्चिपाहि। जेदोङ आनुग्रह वा येसु ख्रिस्ट पाहासो सुमिङहेङ सिरजाइका खान्तेङ लाम्फा पिका हिघाहि।

2 तिमोथि 2:1

ओदोङ भाअ्सिङ तिमोथि जाइ नाअ् काङको ताइकोङ चान भाइका हिना, लागातार ताइमिहेङ बल्लियाका बानाइ इदोइ गितेङ, कि परमेस्वर नासेहेङ आनुग्रह पिका हि जेदोङ चाहि येसु ख्रिस्ट पाहासो खिनिङ लोखे।

2 तिमोथि 2:10

ओदोङ भाअ्सिङ परमेस्वर चुनिका इङको झाराङ द्‍याङगेलाइको भालाइको भाअ्सिङ का एसापा गोताङ दुख सहियाङका, कालाउकि इम्बालाइ येसु ख्रिस्टता खाङधुरि पातेङ मुक्ति कालाउ आनान्त आदार निनाको।

2 तिमोथि 2:3

येसु ख्रिस्ट आसल सिपालाइ कोनिङ दुखगेलाइता का दोफा झ्वाइ।

2 तिमोथि 3:15

नाअ् जामालसोङ पबित्तरो धर्मसास्तरको काथागेलाइ धिरका हिना। इदोइ धर्मसास्तर दोङ नासेहेङ इदोइ बुझिलि साघाइयाङ कि येसु ख्रिस्टता खाङधुरि पानाङ परमेस्वर नासेहेङ बान्चि पावा।

तितस 1:2

एसापा इम्बालाइ परमेस्वर दोफा आनान्त जिबनको आस पाखे। हाइपालिपानु हेलाउ बुङ माधाताइका परमेस्वर, सुमिङ सिरजाइका खान्तेङ लाम्फा दोङ ताइको द्‍याङगेलाइहेङ आनान्त जिबन प्याङका दोअ्तेङ प्रतिग्या पाका हिघाहि।

तितस 1:4

का इदोइ पात्तारा तितसहेङ लेखेदोङखा, नाअ् काङको ताइकोङ चान भाइका हिना, हाइपालिपानु नाअ् बुङ येसु ख्रिस्टता खाङधुरि पाखेना। आबा परमेस्वर कालाउ केलाइहेङ मुक्ति पिका येसु ख्रिस्ट नासेहेङ आनुग्रह कालाउ सान्ति प्याको।

हिब्रु 9:15

ओदोङ भाअ्सिङ ख्रिस्ट द्‍याङगेलाइ दोफा नावा कारार धेउका हि, कालाउकि परमेस्वर पाहासो काइन्हाका द्‍याङगेलाइ वाको पाका प्रतिग्यासो आनान्तको भाअ्सिङ आसिस निङलि द्वाको। एसा बुङ जेङलि द्वाङ कि, हाइपालिपानु इम्बालाइ लाङ कारारता हिलाउ पाका पापको दन्डसो स्वतन्तरो पालिको भाअ्सिङ ख्रिस्ट सिहि।

१ युहन्‍ना 2:25

परमेस्वर केलाइहेङ प्रतिग्या पाका हि, कि वा केलाइहेङ आनान्त जिबन प्याङ।