2 थेस्लोनिकि 3:5 - Dhimal NT

⁵ परमेस्वर नेलाइहेङ हेथे प्रेम पाखे ख्रिस्ट नेलाइहेङ देखाल पापियाङ, कालाउ कस्ट सहिलि दोका बानाइलि द्वाको जेसाङ ख्रिस्ट ताइमिङ कस्ट बुङ सहिहि।

धिमाल

⁵ परमेस्‍वर नेलाइहेङ पाका माया रो ख्रिस्‍टको सहेका सरबङ गेलिको भाअ्‌सिङ नेलाइ प्रभुसोङ थोङगिलन्‍हाका जेङसु।

2 थेस्लोनिकि 3:5 Iomraidhean Croise

रोमि 5:5

आसहोइ केलाइहेङ हेलाउ बुङ निरास मापा पाखे, हाइपालिपानु परमेस्वर केलाइहेङ पिका पबित्तरो आत्मासो परमेस्वरको प्रेम केलाइको ह्रदयता भरिका हि।

रोमि 8:28

केलाइ गिनाखे, कि वासेहेङ प्रेम पाकालाइ कालाउ वाको उदेस्य आन्सार चुनिकालाइको भाअ्सिङ गोताङ काथाता परमेस्वर भलाइ दोङ पाखे।

1 कोरिन्थि 8:3

कालाउ हासु बुङ परमेस्वरहेङ प्रेम पाखा दोअ्खे पानु, उङको द्‍याङहेङ परमेस्वर नाल्खे।

गलाति 5:22

कालाउ पबित्तरो आत्मा केलाइ लिता उब्जाइ पाका गुनगेलाइ इदोइ दोङ हि: प्रेम, आनान्द, सान्ति, धैर्य, दाया, भालाइ, खाङधुरि योग्य,

1 थेस्लोनिकि 1:10

कालाउ इम्बालाइ दोअ्खे नेलाइ हेसा वाको चान स्वर्गसो आरोङ ल्वाङ दोअ्तेङ नेलाइ दामा खाङतेङ हिसुना, जाइहेङ परमेस्वर सिकासो आरोङ सिन्हु पाका हि, येसु जाइ केलाइहेङ परमेस्वरसो लोलि तोम्का चेरचुङसो बान्चि पावा।

1 थेस्लोनिकि 1:3

जेलाउ केलाइ आबा परमेस्वर दोफा प्रार्थाना पानाखे, केलाइ प्रभु येसु ख्रिस्ट नेलाइको खाङधुरिसो पाका काम, नेलाइ खान्धुराइगेलाइहेङ पाका प्रेम कालाउ साघाइ कालाउ नेलाइको थाङका परिस्रोम, कालाउ नेलाइ प्रभु येसु ख्रिस्ट आरोङ ल्वाङ दोअ्का आसता धर्य पातेङ लागातार फोम पानाखे।

1 थेस्लोनिकि 3:11

केलाइ प्रार्थाना पाङ कि केलाइको आबा परमेस्वर कालाउ प्रभु येसु ख्रिस्ट नेलाइकोता लोका दामा हेअ्प्यावाको।

2 तिमोथि 4:8

एला प्रभु कासेहेङ एनोङ इनाम प्याङ, जेदोङ चाहि काङको आसल पाका कामको इनाम हि। ठिकसो न्याय पाका प्रभु दोङ कासेहेङ इङको इनाम प्याङ जेलाउ वा आरोङ ल्वाङ। कालाउ का खिनिङ माको, कालाउ वाको लोका दामा खाङका झाराङहेङ इङको इनाम प्याङ।

तितस 2:13

कालाउ केलाइ आस पाका दिनाको दामा खाङतेङ हिनाखे: जेदोङ दिना येसु ख्रिस्ट, जाइ केलाइको माहान परमेस्वर मुक्ति दाता हि, वा ताइको गोताङ महिमा दोफाङ इदोइ प्रिथिबिता ल्वाङ।

हिब्रु 9:28

एसा पासोङ हेन्जा द्‍याङगेलाइको पाप ल्होपातेङ चुम्पुलिको भाअ्सिङ ख्रिस्ट ताइमिहेङ एखे भोग पिहि, कालाउ वा आरोङ ल्वाङ, इङको बेला ताइमिहेङ पापको भोगको भाअ्सिङ माको, भरु वाको लोका दामा खाङतेङ हिकालाइहेङ बान्चिपालिको भाअ्सिङ ल्वाङ।

याकुब 2:5

काङको आनाउ खान्धुराइ ओनेगेलाइ, हिङसु, हाइ परमेस्वर सुमिङको नजरता गरिबगेलाइहेङ खाङधुरिता धनि बानाइतेङ इङको राइजिको उत्तराधिकारि जेङलिको भाअ्सिङ मासाल्हि रो? इदोइ दोङ राइजिको उत्तराधिकारि बानाइलि वासेहेङ प्रेम पाकालाइहेङ वा प्रतिग्या पाका माको रो?

1पतरुस 4:1

ओदोङ भाअ्सिङ ख्रिस्ट इदोइ प्रिथिबिता हिलाउ दुख भोगिहि, कालाउ नेलाइ बुङ वा भाइपा बिचार ताअ्तेङ दुख भोगिलि तियार हिलि गोइखे। हाइपालिपानु जेसापा नेलाइ ख्रिस्टको भाअ्सिङ दुख भोगिलि इच्छा पासुखेना पानु, नेलाइ पाप पालि लाअ्लि निर्नय पाका हिसुना।

२ पत्‍रुस 3:12

नेलाइ इङको दिनाको आस पालाउ, जेलाउ परमेस्वर सुमिङको न्याय पालि ल्वाङ, इङको दिना धेमाङ लोलिको भाअ्सिङ मार्फा कोसिस पासु। इङको दिना मे जोलाइन्हाङ कालाउ आकासहेङ नासा पाङ, कालाउ मेको दाल्दालाइकाहोइ आकासता हिका गोताङ आनेमानेगेलाइ गालिपापियावा।

१ युहन्‍ना 4:19

केलाइ परमेस्वरहेङ प्रेम पानाखे कालाउ एमिसो-भेनेङहेङ प्रेम पानाखे, हाइपालिपानु लाम्फा परमेस्वर केलाइहेङ प्रेम पाहि।

प्रकास 1:9

का युहान्‍ना, नाङको दोफाङ खान्धुराइ, नेलाइ येसुता हिकागेलाइ झाराङ परमेस्वरको सासनको सहभागि जेङस्वाना, कालाउ केलाइ झाराङ दुख-कस्ट भोगिन्हाखे कालाउ येसुको भाअ्सिङ धैर्य दोफा सहिलि बुङ गोइखे। परमेस्वरको बचन कालाउ येसु ख्रिस्टको साक्सि दोअ्नाङ का पत्मोस दोअ्का टापुता हिघा।

प्रकास 13:10

जेदोङ द्‍याङ झ्यालखानाता परिलि गोइका हि, वा जातिङकोङ झ्यालखानाता परियाङ, कालाउ जाइ तरवारहोइ सेअ्न्हालि गोयाङ, वा जातिङकोङ तरवारहोइ सेअ्न्हाङ। ओदोङ भाअ्सिङ परमेस्वरको द्‍याङगेलाइ कस्टगेलाइको सोमोइता धैर्यता ताअ्लि गोइखे कालाउ परमेस्वरता जेलाउ बुङ भोरोसा पातेङ हिलि गोइखे।