2 थेस्लोनिकि 3:1 - Dhimal NT

¹ खान्धुराइ ओनेगेलाइ, आखिरता केलाइको भाअ्सिङ प्रार्थाना पाअ्पिसु, कालाउ प्रभुको बचन धेमाङ द्‍यापाहाङ फाइलाइयाको कालाउ द्‍याङगेलाइ साम्मान पालि द्वाको जेसाङ नेलाइ बुङ साम्मान पाका हिघासुखेना।

धिमाल

¹ आखिरता दादाओने बाइओनेगेलाइ, केलाइको भाअ्‌सिङ पुकार पापिसु, एसा पानु नेलाइको माझाता हिकाभाइपाङ प्रभुको रेम्‍काबानाल चारबितिङ मारफाङ चारचाराइतेङ याको मान ज्‍यावा।

2 थेस्लोनिकि 3:1 Iomraidhean Croise

मत्‍ति 9:38

प्रभु सेकाको गिह्रि, वासेहेङ प्रार्थाना पाअ्‌, कालाउ सेका जोम्पालि हेन्जा खेतालागेलाइ दिङगिल प्यावा।”

लुका 10:2

कालाउ येसु इम्बालाइहेङ दोअ्हि, “जेसाङ मिलिङगेलाइता हेन्जा बालि हि, एन्साङ दोङ हेन्जा द्‍याङगेलाइ हि जाइ परमेस्वरको बचन हिङलि मन पाखे। कालाउ परमेस्वरको सासनको बारेता दोअ्लि द्‍याङगेलाइ आतुइसा हि। प्रभु सेकाको गिह्रि, वासेहेङ प्रार्थाना पाअ्‌, कालाउ सेका जोम्पालि हेन्जा खेतालागेलाइ दिङगिल प्यावा।”

साल्न्हाका चात्या 12:24

कालाउ परमेस्वरको बचन द्‍यापाहाङ चार-बिराइतेङ हानिहि कालाउ खान्धुराइगेलाइको सङख्यागेलाइ बुङ लागातार बाढेकाताङ हानिहि।

साल्न्हाका चात्या 19:20

एसापा प्रभुको बचन सरबुङसाइका रुपता फाइलाइकाताङ कालाउ बाढेकाताङ हानिहि।

साल्न्हाका चात्या 6:7

एसापा परमेस्वरको बचन बाढेकाताङ हानिहि, कालाउ यरुसेलेमता चात्यागेलाइको सङख्या हेन्जाङ बदेहि। कालाउ हेन्जा यहुदि पुजारिगेलाइ बुङ येसु ख्रिस्टको खाङधुरिको सन्देसहेङ सुइकार पाहि।

रोमि 15:30

खान्धुराइ ओनेगेलाइ, केलाइको प्रभु येसु ख्रिस्ट कालाउ पबित्तरो आत्माको प्रेम पाहा काङको भाअ्सिङ परमेस्वर दोफा बारम्बार प्रार्थाना पालि का दोफा झ्वाइनासु, दोअ्तेङ का नेलाइहेङ सेउपाखा।

1 कोरिन्थि 16:9

हाइपालिपानु बिरोध पाकालाइ द्‍याङ हिलाउ बुङ इता प्रभुको काम पालि कासेहेङ बार्का माउका मिलिका हि।

2 कोरिन्थि 1:11

कालाउ नेलाइ बुङ मिलितेङ प्रार्थाना पाहासो केलाइहेङ साघाइ दोङ सुखेना एसापा प्रार्थाना पालाउ केलाइको भाअ्सिङ चढाइका हेन्जाङ द्‍याङगेलाइको प्रार्थानागेलाइको उत्तरता केलाइहेङ प्राप्ता जेङका आनुग्रहको भाअ्सिङ परमेस्वरहेङ केलाइको भाअ्सिङ धन्यबाद चढाइन्हाखे।

2 कोरिन्थि 13:11

आम्तिमता खान्धुराइ ओनेगेलाइ, एला बिदा पिसु, सिद्द जेङलि कोसिस पासु। ताइको लक्स्य ताअ्सु, काङको सुझाब हिङसु सान्तिता हिसु, कालाउ सान्ति कालाउ प्रेमको परमेस्वर नेलाइ दोफा ह्यावा।

कलस्सि 4:3

केलाइको भाअ्सिङ बुङ प्रार्थाना पासु, कालाउकि ख्रिस्टको इङको रहस्यको सुसमाचार प्राचार पालि परमेस्वर केलाइहेङ दामा खोलि पाप्याको, जाइको भाअ्सिङ का झ्याल्खानाता हिघा।

1 थेस्लोनिकि 1:5

हाइपालिपानु केलाइ येसु ख्रिस्टको बिसोइता सुसमाचारको काथागेलाइता खिनिङ माको, कालाउ पबित्तरो आत्माको सरबुङसो या सत्ये हि दोअ्तेङ पुरा निसित दोफाङ लोका हि। नेलाइ दोफा हिलाउ केलाइको जिबन हिसिका हिघाहि नेलाइ गिसुखेना।

1 थेस्लोनिकि 1:8

हाइपालिपानु नेलाइ पाहासो परमेस्वरको बचन म्यासिडोनिया प्रदेसता कालाउ आखैया प्रदेसता खिनिङ हिङपाका माको, कालाउ जेता बुङ केलाइ हानिनाखे द्‍याङगेलाइ परमेस्वरता नेलाइको खाङधुरिको बारेता दोअ्का केलाइ हिङन्हाखे। ओदोङ भाअ्सिङ केलाइ आरु हासुहेङ बुङ नेलाइको बिसोइता हाइ दोङ दोअ्लि मागोइयाङ।

1 थेस्लोनिकि 2:1

खान्धुराइ ओनेगेलाइ, नेलाइ दोफा केलाइको भेतेका फाइदा जेङका काथा नेलाइ ताइमिहेङ दोङ थाहा हि।

1 थेस्लोनिकि 2:13

ओदोङ भाअ्सिङ केलाइ बुङ परमेस्वरहेङ धन्यबाद पिनाखे, कि नेलाइ केलाइसो हिङका बचन जातिङकोङ परमेस्वरसो लोका बचन दोङ हि, इङको नेलाइ द्‍याङगेलाइसो लोका बचन भाइका माको, कालाउ परमेस्वरसो लोका बचन कोनिङ ग्रहन पासुन्हा, कालाउ इङको परमेस्वरको बचन एला नेलाइ ख्रिस्टता खाङधुरि पाकालाइता काम पातेङ हि।

1 थेस्लोनिकि 4:1

आखिरिता खान्धुराइ ओनेगेलाइ, प्रभु येसुता केलाइ नेलाइहेङ आनुरोध पानाखे कि परमेस्वरहेङ मन परिका जिबन जियाइसु, जेसाङ केलाइ नेलाइहेङ धिरपाका हिनाहि, कालाउ एन्सा बुङ पादोङ सुखेना कालाउ केलाइ आझाइ हाउसा पिनाखे कि इदोइ खान्तेङ आसल पासु।

1 थेस्लोनिकि 5:17

जेलाउ बुङ प्रार्थाना पातेङ हिसु।

1 थेस्लोनिकि 5:25

गोताङ खान्धुराइ ओनेगेलाइ केलाइको भाअ्सिङ बुङ प्रार्थाना पापिसु।

2 तिमोथि 2:9

कालाउ ओदोङ सुसमाचार हिङपाकानाङ का आपाराधि कोनिङ कस्ट भोगितेङ हिघा। इङको झोको खिनिङ माको आपाराधि कोनिङ झिन्झिरिहोइ धेउनातेङ झ्यालखानाता परिका हिघा। कालाउ द्‍याङगेलाइहेङ परमेस्वरको बचन प्राचार पालि हिदोइ बुङ काथाहोइ रोकिलि माद्वावा।