2 थेस्लोनिकि 2:8 - Dhimal NT

⁸ कालाउ न्हुसो इङको दुस्ट द्‍याङ देखाल जेनावा। कालाउ आरोङ न्हुसो जेलाउ प्रभु येसु ल्वाङ, वा इङको दुस्ट द्‍याङहेङ ताइको नुइसो ओल्लेका आदेसहोइ कालाउ वाको लोलि तोम्का महिमाहोइ इङकोहेङ सेअ्तावा।

धिमाल

⁸ इङकोन्‍हुअ्‌सो नियम मामानेका देखाल ज्‍यावा, प्रभु इसु ख्रिस्‍टको नुइको हुसिहोइ रो वा लोलाउ ताइको जोल्‍का सरबङहोइ इङकोहेङ मुअ्‌पावा।

2 थेस्लोनिकि 2:8 Iomraidhean Croise

मत्‍ति 13:19

जेलाउ हासु बुङ परमेस्वरको सासनको सुसमाचार हिनावा, कालाउ बुङ माबुझियावा, कालाउ साइतान लावा, कालाउ वाको मनता जेदोङ बिन्हाकासो घिङतेङ चुम्पावा। दामा भारि बिन्हाका चालाइ चाहि इङको दोङ हि।

मत्‍ति 13:38

मिलिङ चाहि सुमिङको द्‍याङगेलाइ हि, रेम्का चालाइ चाहि परमेस्वरको सासनको द्‍याङगेलाइ हि, कालाउ सामा चाहि साइतानको द्‍याङगेलाइ हि।

मत्‍ति 16:27

ताइ आबाको महिमा दोफाङ का द्‍याङको चान ताइ स्वर्गदुतगेलाइ दोफा ल्वाङ। एन्सालाउ द्‍याङको चान गोताङ द्‍याङगेलाइहेङ ताइको काम आन्सारको इनामगेलाइ प्यावा।

मत्‍ति 16:28

जातिङ भारि का नेलाइहेङ दोअ्खा, “इता जाअ्तेङ हिकालाइ मध्ये हेथेते का द्‍याङको चान ताइको सासनता लोतेङ हिका मातिङपा भरि मासियाङ।”

1 कोरिन्थि 1:28

कालाउ परमेस्वर उङको द्‍याङगेलाइहेङ साल्हि जाइहेङ सुमिङको द्‍याङगेलाइ तुच्स थानिहि कालाउ निच द्‍याङ कालाउ इता थेकापा कि काम मालागिका द्‍याङगेलाइहेङ बुङ परमेस्वर छाल्हि।

2 थेस्लोनिकि 2:3

हासु बुङ नेलाइहेङ प्रभु येसु लोका बिसोइता माझुकिपाको। हाइपालिपानु जेलाउ थेकापा प्रभु येसु माल्वाङ एन्सालाउ इसिका सोमोइ ल्वाङ जेलाउ हेन्जाङ द्‍याङगेलाइ परमेस्वरको बिरोधता हानावा। कालाउ इङको दुस्ट द्‍याङ तिनाङ जाइहेङ परमेस्वर नरकता मानासापा धाउ इङको दिना माल्वाङ।

1तिमोथि 6:14

का नासेहेङ या आदेस पिदोङखा, कि प्रभु येसु ख्रिस्ट आरोङ मालोपा धाउ नाअ् परमेस्वरसो निङका आग्याहेङ रेम्फा माने कालाउकि हासु बुङ नासेहेङ दुसिलि मानिनाको।

2 तिमोथि 1:10

कालाउ एला परमेस्वर ताइको चान येसु ख्रिस्टहेङ दिङगिल्तेङ ताइको आनुग्रह तिङपाका हि। वा दोङ सिका सरबुङहेङ नासा पाहि कालाउ केलाइहेङ सुसमाचार पाहासो आनान्त जिबनको दामा तिङपाहि।

2 तिमोथि 4:1

जेलाउ येसु ख्रिस्ट राजा भाइपाङ सासन पालि ल्वाङ, कालाउ वा सिन्हुका कालाउ सिकालाइको न्याय पावा। ओदोङ भाअ्सिङ परमेस्वर कालाउ ख्रिस्टको साक्सिको रुपता का नासेहेङ थाङका आदेस प्याङका।

2 तिमोथि 4:8

एला प्रभु कासेहेङ एनोङ इनाम प्याङ, जेदोङ चाहि काङको आसल पाका कामको इनाम हि। ठिकसो न्याय पाका प्रभु दोङ कासेहेङ इङको इनाम प्याङ जेलाउ वा आरोङ ल्वाङ। कालाउ का खिनिङ माको, कालाउ वाको लोका दामा खाङका झाराङहेङ इङको इनाम प्याङ।

तितस 2:13

कालाउ केलाइ आस पाका दिनाको दामा खाङतेङ हिनाखे: जेदोङ दिना येसु ख्रिस्ट, जाइ केलाइको माहान परमेस्वर मुक्ति दाता हि, वा ताइको गोताङ महिमा दोफाङ इदोइ प्रिथिबिता ल्वाङ।

हिब्रु 10:27

भरु इम्बालाइ थिकाताङ परमेस्वरको न्यायको भाअ्सिङ ह्रुम्तेङ हिलि गोइखे कालाउ इम्बालाइ वाको सतुरु जेङका कारन दाल्दालाइका मेता भस्म जेनावा।

१ युहन्‍ना 2:13

नेलाइ जाइ नावा खान्धुराइगेलाइ भाइकाङ हिसुन्हा, का नेलाइको भाअ्सिङ लेखेदोङखा, हाइपालिपानु लाम्फासोङ दोङ हिका येसु ख्रिस्टहेङ नेलाइ नाल्सुखेना। नावा खान्धुराइगेलाइ, का नेलाइको भाअ्सिङ लेखेदोङखा, हाइपालिपानु नेलाइ इङको साइतानहेङ जितिका हिसुन्हा। काङको म्हुइका जामाललाइ भाइकाङ का नेलाइको भाअ्सिङ लेखेदोङखा, हाइपालिपानु नेलाइ आबा परमेस्वरहेङ नाल्का हिसुन्हा।

१ युहन्‍ना 3:12

आदमको चान कयिन भाइपा माजेङ, जाइ साइतानसो हिघाहि। वा ताइको ओनेहेङ सेअ्हि। वा ताइको ओनेहेङ हाइ पालि सेअ्हि? हाइपालिपानु वाको ताइको कामगेलाइ दुस्ट हिघाहि, कालाउ वाको ओनेको कामगेलाइ चाहि परमेस्वरको आगाता आसल हिघाहि।

१ युहन्‍ना 5:18

परमेस्वरको सान्तान हासु बुङ पाप पातेङ माहिखे, हाइपालिपानु परमेस्वरको चान येसु वासेहेङ सामाराइतेङ ताअ्खे, कालाउ साइतान बुङ वासेहेङ मासाइखे।

प्रकास 1:16

वाको ताइको दाम्पाहा खुरहोइ न्हि लोङ फुरुगेलाइ रिम्तेङ ताअ्का हिघाहि, कालाउ वाको नुइसो न्हे धार हिका चुका कात्ति ओल्लेका हिघाहि। वाको ह्राइ थाअ्साइतेङ जोल्तेङ हिघाहि जेसाङ आधा दिनाता सोना चिल्कातेङ हिघाहि।

प्रकास 13:5

परमेस्वर राक्सेसहेङ आनुमति पिहि कालाउकि वा ताइको खाबाराको बारेता घमन्ड पालि द्वाको। कालाउ परमेस्वरको आपामान पालि द्वाको। परमेस्वर राक्सेसहेङ न्हे कुरि न्हे माइना थेकापा थुनिहि।

प्रकास 19:15

वाको नुइसो एनोङ धार हिका कात्ति लोहि वा गोताङ रास्टगेलाइहेङ हारिपावा। झाराङ द्‍याङ जाइ वाको खाबाराहेङ मामानिखे, वा ओबालाइहेङ थाङका साजाइ प्याङ। वा दाखरस एनोङ खारासो झोतेङ हिका भाइका परमेस्वर, सरबुङसाइकाको थिलि गोइका चेरचुङको क्रोडहोइ लाअ्प्याङ।

प्रकास 2:16

ओदोङ भाअ्सिङ पाप पालि लाअ्सु परमेस्वर भारि घुरिसु, जेसापा नेलाइ इङको पालि मालाअ्सुन्हा पानु, का धेमाङ ल्वाङका कालाउ इङको धाताइका सिक्स्या पिकालाइको बिरोधता का काङको नुइसो ओल्लेका कात्तिहोइ जुदियाङका जेदोङ काङको बचन हि।

प्रकास 20:10

कालाउ न्हुसो साइतानहेङ रिमाङ, जाइ प्रिथिबिता हिका द्‍याङगेलाइहेङ धोका पिका हिघाहि। साइतानहेङ गन्धकको मेता थाइगिल्प्याङ, इङको मे जेदोङ ताल भाइका बारका ह्याङ। राक्सेस कालाउ धातुवा आगमबक्तागेलाइहेङ लाम्फाङ दोङ थाइगिल्पिका हिघाहि। कालाउ इन्ता नितिम न्हिसिन जेलाउलाउ बुङ इम्बालाइ मेता कस्ट भोगियावा।