2 थेस्लोनिकि 2:7 - Dhimal NT

⁷ हाइपालिपानु इङको दुस्ट द्‍याङको सरबुङ सुमिङता सिकापा काम पातेङ हि, कालाउ इन्ता एमि हि जाइ इङको दुस्ट द्‍याङको सरबुङहेङ रोकितेङ ताअ्का हि। कालाउ जेलाउ थेकापा इङको दुस्ट द्‍याङहेङ दामासो मालाअ्पावा एन्सालाउ थेकापा वा रोकितेङ ह्यावा।

धिमाल

⁷ हाइपानु नियम मासाअ्‌का ताइको सरबङको काम लिअ्‌तालिअ्‌ताङ सुरु पालिदोका हि। कालाउ इङकोहेङ थामेतेङ ताअ्‌का सरबङ मालाअ्‌न्‍हापाधाउ याको आसाति कामगेलाइ बाहार मातिन्‍हावा।

2 थेस्लोनिकि 2:7 Iomraidhean Croise

साल्न्हाका चात्या 20:29

हाइपालिपानु कासेहेङ थाहा हि, कि का हानिलि दोतेङ न्हुसो धातुवा सिक्स्यकगेलाइ नेलाइको माझाता ल्वावा कालाउ खान्धुराइगेलाइहेङ बार्का हान्ति पावा। कालाउ इम्बालाइको भेडागेलाइहेङ सेअ्का थिलि गोइका स्याइलेगेलाइ भाइका जेनावा।

2 थेस्लोनिकि 2:6

इङको दुस्ट द्‍याङ एला थेकापा देखाल जेङका मान्थु, हाइपालिपानु इङकोहेङ हाइ दोङ काथाहोइ खोराइतेङ ताअ्का हि। इदोइ नेलाइ गिसुखेना, जेलाउ परमेस्वरको नियुक्त पाका सोमोइ लोखे, कालाउ इङको दुस्ट द्‍याङ देखाल जेनावा।

1तिमोथि 3:16

हिदोइ बुङ साङखा माकोसिङ केलाइ मानिन्हाखे, कि केलाइको खाङधुरिको रहस्य हेन्जाङ माहान हि: ख्रिस्ट एमि द्‍याङको रुपता देखाल जेङहि, वा पबित्तरो आत्मासो परमेस्वरको चान साबित जेङहि, स्वर्गदुतगेलाइ वासेहेङ तिङहि, गोताङ सारभिगेलाइता वाको बारेता सुसमाचार हिङपाहि, सुमिङको गोताङ द्‍याङगेलाइ वाको ह्रुता खाङधुरि पाहि, कालाउ परमेस्वर वासेहेङ महिमाको स्वर्गता चुम्पुहि।

१ युहन्‍ना 2:18

नेलाइ जाइ काङको भाअ्सिङ जामाललाइ भाइकाङ हिसुना, का नेलाइहेङ दोअ्खा कि, इदोइ सुमिङको आम्तिम दिनागेलाइ हि। ख्रिस्ट बिरोधि लोतेङ हि दोअ्का नेलाइ हिङकाङ हिसुना। एला हेन्जाङ ख्रिस्ट बिरोधि लोका हि। ओदोङ भाअ्सिङ केलाइ गिनाखे, कि सुमिङको आम्तिम दिनागेलाइ इदोइ दोङ हि।

१ युहन्‍ना 4:3

कालाउ येसुहेङ द्‍याङ जेङतेङ लोका हि दोअ्तेङ सुइकार मापाका गोताङ आत्मागेलाइ परमेस्वरसो माको, कालाउ इङको ख्रिस्ट बिरोधिको आत्मा हि, जाइको बिसोइता इङको लोखे दोअ्का नेलाइ हिङका हिसुना। एला इङको इदोइ सुमिङता लोलि दोका हि।

प्रकास 17:5

वाको कापालता, म्होन्हाका को आर्था ताअ्का एनोङ मिङ इसिका लेखेका हिघाहि, “का माहान सहर बेबिलोन हिघा। का गोताङ वेस्यागेलाइको आमाइ हिघा कालाउ सुमिङता हिका गोताङ द्‍याङगेलाइहेङ का सिद्रिका कामगेलाइ पापाका।”

प्रकास 17:7

इङको सोमोइ, इङको स्वर्गदुत कासेहेङ दोअ्हि, “माभाङभाङसु! का नासेहेङ उङको बेबालको कालाउ इङको राक्सेसको जाइको न्हि लोङ पुरिङ कालाउ तेलोङ दाङ हिघाहि, वाको म्होनाका आर्था बाताइयाङका। इङको बेबाल राक्सेसको ह्रुता योम्तेङ हिघाहि।