2 थेस्लोनिकि 2:16 - Dhimal NT

¹⁶ केलाइ येसु ख्रिस्ट कालाउ आबा परमेस्वरहेङ प्रार्थाना पानाखे जाइ दोङ केलाइहेङ प्रेम पाहि, कालाउ वा ताइको आनुग्रहसो केलाइहेङ आनान्तको हाउसाइ कालाउ निसित आस पिहि।

धिमाल

¹⁶ केलाइको प्रभु इसु ख्रिस्‍ट रो परमेस्‍वर आबा केलाइहेङ माया पाहि। कालाउ वाको निगाहासो हेअ्‌लाउ मादोका हाउसा रो रेम्‍का आस प्‍याको।

2 थेस्लोनिकि 2:16 Iomraidhean Croise

लुका 16:25

कालाउ आब्राहाम वासेहेङ दोअ्हि, ओइ चान, फोम पाअ्‌ लाम्फा नाअ् हेसा जिबन बितिपातेङ हिघाखेना? नाङको दोफा रेम-रेम्का हेन्जा आनेमानेगेलाइ हिघाहि, कालाउ लाजरस दोफा गोताङ मारेम्का-मारेम्का आमेनेगेलाइ खिनिङ हिघाहि, एला वा इता सुखता सान्तिता हि, कालाउ नाअ् चाहि कस्ट निङतेङ हिना।

युहन्‍ना 13:1

निस्तार पार्बाको खान्तेङ लाम्फा येसु ताइमिङ सुमिङसो लाअ्तेङ आबाकोता घुरिका सोमोइ लोलि तोम्का दोअ्का काथा येसुहेङ थाहा हिघाहि। वा दोङ सुमिङता हिका ताइमिहेङ लेसारा पिताइकालाइहेङ प्रेम पाघाखे कालाउ ओबालाइहेङ पुरा प्रेम पातेङ हि।

युहन्‍ना 15:13

हिदोइ बुङ द्‍याङ ताइको सानाइतिगेलाइहेङ मायारु पाखा दोअ्तेङ तिङपालिको भाअ्सिङ ताइमि सिपिलि खान्तेङ बारका प्रेम आरु हाइ दोङ मान्थु।

युहन्‍ना 15:9

जेसाङ आबा कासेहेङ प्रेम पाका हि, एन्साङ पातेङ का बुङ नेलाइहेङ प्रेम पाका हिघा। नेलाइ बुङ का दोफा काङको प्रेमता हितेङ हिसु।

युहन्‍ना 16:22

एसापा दोङ एला नेलाइहेङ सोकते जेङखे, कालाउ का आरोङ नेलाइहेङ खानाङका, कालाउ नेलाइ लेङचास्वाना, कालाउ नेलाइको लेङचाका हासु बुङ घिङतेङ चुम्पुलि माद्वाङ।

युहन्‍ना 3:16

“हाइपालिपानु परमेस्वर सुमिङको द्‍याङगेलाइहेङ इसिका प्रेम पाहि, कालाउ वा दोङ ताइको एमि खिनिङ चान पिहि। कालाउकि वासेहेङ खाङधुरि पाकालाइ हासु बुङ नास माज्याको, भरु वा दोङ आनान्त जिबन निनाको।

युहन्‍ना 4:14

कालाउ जाइ-जाइ काङको पिका चि आम्खे उङको हेलाउ बुङ चि आम्लि माकिताङ। जेदोङ चिका प्याङका, इङको चि वासेहेङ आनान्त जिबनको भाअ्सिङ मुर्तेङ हिका चिको मुहान जेनाङ।”

साल्न्हाका चात्या 15:11

एसा पालि ठिक माको केलाइ खाङधुरि पान्हाखे, कि ओबालाइ भाइपाङ केलाइ बुङ प्रभु येसुको आनुग्रहसो मुक्ति निङका हिनाहि, मोसाको व्यवस्था आग्या केम्नाङ माको।”

साल्न्हाका चात्या 18:27

जेलाउ आपोल्लोस आखैया प्रदेसता हानिलि खाङघाखे, खान्धुराइ ओनेगेलाइ वासेहेङ इन्ता हानिलि हाउसाइ पाहि। कालाउ इन्ताको चात्यागेलाइ वासेहेङ सुइकार पाको दोअ्तेङ हाउसाइ पाअ्तेङ पात्तारा लेखेहि। कालाउ आपोल्लोस आखैया प्रदेसता थुकातेङ प्रभुको आनुग्रहहोइ खाङधुरि पाकालाइहेङ हेन्जा साघाइहि।

रोमि 1:7

का या पात्तारा रोम सहरता हिका गोताङ खान्धुराइगेलाइहेङ लेखेदोङखा, जाइहेङ परमेस्वर प्रेम पाखे कालाउ ताइको पबित्तरो जन जेङलि काइका हि। नेलाइहेङ केलाइको आबा परमेस्वर कालाउ प्रभु येसु ख्रिस्ट आनुग्रह कालाउ सान्ति प्याको।

रोमि 4:16

ओदोङ भाअ्सिङ प्रतिग्या परमेस्वर ह्रुताको खाङधुरिता निर्भर पाखे, कालाउकि परमेस्वरको प्रतिग्या वाको आनुग्रहता पाक्का ह्याको। या प्रतिग्या आब्राहामको हारागुटियागेलाइहेङ खिनिङ माको, जाइ दोफा व्यवस्था हि। कालाउ आब्राहामको भाइका खाङधुरि पाका झाराङको भाअ्सिङ दोङ हि, हाइपालिपानु आब्राहाम केलाइ झाराङको आबा पुर्खा दोङ हि।

रोमि 4:4

एला काम पाका जेदोङ ज्याला निङखे इङको दान माको भरु इङको वाको निङका होक हि।

रोमि 5:8

कालाउ परमेस्वर केलाइको भाअ्सिङ वाको प्रेम इदोइताङ तिङपाखे, कि केलाइ पापि हिलाउ दोङ ख्रिस्ट केलाइको भाअ्सिङ सिपिहि।

एफिसि 5:2

बोगेलाइको भाअ्सिङ प्रेममय जिबन बितिपासु, जेसाङ ख्रिस्ट बुङ केलाइहेङ प्रेम पाहि, कालाउ वा केलाइको पापको भाअ्सिङ ताइमिहेङ भोगको रुपता चढाइका हि। कालाउ परमेस्वर खुसि जेङहि, हाइपालिपानु बलिदान वाको भाअ्सिङ ताअ्का मालामालाका बासाना भाइका हिघाहि।

एफिसि 5:25

ओइ के गेलाइ, ताइको बे हेङ प्रेम पासु, जेसाङ ख्रिस्ट मन्डलिहेङ प्रेम पाखे। कालाउ ख्रिस्ट मन्डलिको भाअ्सिङ ताइको जिबन पिहि।

कलस्सि 1:23

जेसापा नेलाइ ताइको खाङधुरिता दिगो कालाउ बल्लियाका जेङतेङ कालाउ नेलाइ हिङका सुसमाचारको आस माअ्लासुन्हा पानु, इदोइ दोङ इङको सुसमाचार हि, जाइ सुमिङता गोताङ द्‍याङगेलाइहेङ प्राचार पाका हि। कालाउ जाइको का पावल सुसमाचार प्राचार पालि सेवक जेङघा।

कलस्सि 1:5

नेलाइ इङको पासुखेना हाइपालिपानु नेलाइको आस स्वर्गता ताअ्का काथाता हि। जेदोङको येसु ख्रिस्टको सत्ये सन्देसको बिसोइता नेलाइ लाम्फाङ सुसमाचार हिङका हिसुना।

1 थेस्लोनिकि 1:3

जेलाउ केलाइ आबा परमेस्वर दोफा प्रार्थाना पानाखे, केलाइ प्रभु येसु ख्रिस्ट नेलाइको खाङधुरिसो पाका काम, नेलाइ खान्धुराइगेलाइहेङ पाका प्रेम कालाउ साघाइ कालाउ नेलाइको थाङका परिस्रोम, कालाउ नेलाइ प्रभु येसु ख्रिस्ट आरोङ ल्वाङ दोअ्का आसता धर्य पातेङ लागातार फोम पानाखे।

1 थेस्लोनिकि 3:11

केलाइ प्रार्थाना पाङ कि केलाइको आबा परमेस्वर कालाउ प्रभु येसु ख्रिस्ट नेलाइकोता लोका दामा हेअ्प्यावाको।

2 थेस्लोनिकि 2:13

प्रभुको प्रेम पाका खान्धुराइ ओनेगेलाइ, नेलाइको भाअ्सिङ केलाइ परमेस्वरता जेलाउ बुङ धन्यबाद पिनाखे, हाइपालिपानु परमेस्वर नेलाइहेङ बान्चिपालिको भाअ्सिङ सुमिङहेङ सिरजाइका खान्तेङ लाम्फा छाल्हि। वा दोङ पबित्तरो आत्माको काम पाहासो नेलाइहेङ पबित्तरो बानाइहि, कालाउ येसु ख्रिस्टको सत्येको सन्देसहेङ खाङधुरि पानाङ नेलाइहेङ बान्चिपाहि।

तितस 1:2

एसापा इम्बालाइ परमेस्वर दोफा आनान्त जिबनको आस पाखे। हाइपालिपानु हेलाउ बुङ माधाताइका परमेस्वर, सुमिङ सिरजाइका खान्तेङ लाम्फा दोङ ताइको द्‍याङगेलाइहेङ आनान्त जिबन प्याङका दोअ्तेङ प्रतिग्या पाका हिघाहि।

तितस 2:13

कालाउ केलाइ आस पाका दिनाको दामा खाङतेङ हिनाखे: जेदोङ दिना येसु ख्रिस्ट, जाइ केलाइको माहान परमेस्वर मुक्ति दाता हि, वा ताइको गोताङ महिमा दोफाङ इदोइ प्रिथिबिता ल्वाङ।

हिब्रु 7:19

हाइपालिपानु मोसाको व्यवस्थाहोइ ते हाइ दोङ सिद्द पालि मादोहि, कालाउ केलाइ दोफा एमि बार्का आसल आस हि, कालाउ केलाइको भाअ्सिङ इङको आस येसु ख्रिस्ट दोङ हि। जाइ केलाइहेङ परमेस्वरको भेरपाङ थुका पापुखे।

१ युहन्‍ना 3:16

एसा पासोङ प्रेम हाइ वाला केलाइ थाहा गिनाखे, कि येसु ख्रिस्ट दोङ केलाइको भाअ्सिङ सिपिहि। ओदोङ भाअ्सिङ केलाइ बुङ आरु खान्धुराइगेलाइको भाअ्सिङ सिलि गोइलाउ बुङ तियार हिलि गोइखे।

प्रकास 1:5

कालाउ येसु ख्रिस्टसो, जाइ परमेस्वरको सत्येता खाङधुरि योग्यता देखाल पापियाङ। वा दोङ हि जाइ सिका न्हुसो आरोङ सिन्हु पाहि, कालाउ वा इदोइ सुमिङको गोताङ राजागेलाइको सासक हि। कालाउ येसु ख्रिस्ट केलाइहेङ मायारु पाखे कालाउ वाको हितिहोइ केलाइहेङ केलाइको पापगेलाइसो बान्चिपाखे। वा केलाइहेङ एनोङ जाति बानाइहि जाइ दोफा परमेस्वर ओबालाइको राजाको रुपता हिका हि। कालाउ वा केलाइहेङ वाको आबा परमेस्वरको भाअ्सिङ पुजारिगेलाइ बानाइहि। वा दोङ जेलाउलाउको भाअ्सिङ साम्मान कालाउ खाबारा गोताङ सोमोइ निङलि गोयाङ। आमेन।

प्रकास 22:5

इन्ता आरोङ हेलाउ बुङ माबेलातावा, इङको सहरता हिका गोताङ द्‍याङगेलाइहेङ ताइको दामा तिङपालिको भाअ्सिङ गेसा जोलाइलि आवस्यकता मागोइयाङ। ना ते इम्बालाइहेङ प्राकास पिलि सान्हे गोइखे। हाइपालिपानु परमेस्वर एमि हि जाइ गोताङ द्‍याङगेलाइहेङ फाइसालामका पिखे। कालाउ इन्ता हिका द्‍याङगेलाइ जेलाउलाउ बुङ सासन पावा।

प्रकास 3:9

उङको द्‍याङगेलाइ जाइ साइतानको एनोङ समुहको सदस्यगेलाइ दोङ हि इम्बालाइ दाबि पाखे कि ओबालाइ यहुदिगेलाइ हि, कालाउ इम्बालाइ जातिङको यहुदि माको कालाउ इम्बालाइ धाताइखे। का इम्बालाइहेङ चुमाङका कालाउ नेलाइको खोकोइता सेउपालि लागाइयाङका कालाउ का नेलाइहेङ मायारु पाखा दोअ्का इम्बालाइ थाहा निनाको।