2 थेस्लोनिकि 1:6 - Dhimal NT

⁶ हाइपालिपानु परमेस्वर जेलाउ बुङ न्याय पुर्बक न्याय पाखे, वा दोङ नेलाइहेङ दुख पिकागेलाइहेङ दुख पिखे।

धिमाल

⁶ परमेस्‍वर हासुहेङ बुङ पछेपात मापासिङ निया पावा, नेलाइहेङ तु: पिकालाइहेङ वा तु: प्‍यावा।

2 थेस्लोनिकि 1:6 Iomraidhean Croise

कलस्सि 3:25

जाइ गोल्ति पातेङ हिखे वासेहेङ परमेस्वर दन्ड प्यावा, हाइपालिपानु परमेस्वर झाराङहेङ ए साम्मान ब्यभाहार पाखे।

हिब्रु 6:10

जेसाङ नेलाइ आसल कामगेलाइ पाका हिसुना कालाउ एला परमेस्वरको मिङता परमेस्वरको द्‍याङगेलाइको भाअ्सिङ प्रेम दोफाङ सेवाको काम पाकाताङ हिसुना, परमेस्वर नेलाइहेङ मानिल्याङ। हाइपालिपानु वा धर्मि हि।

प्रकास 11:18

जेदोङ द्‍यायाङगेलाइ नासेहेङ खाङधुरि मापाखे, इम्बालाइ हेन्जा चेर ताम्पाका हि, हाइपालिपानु एला नाङको चेर इम्बालाइता ह्रुता लोका सोमोइ लोका हि, कालाउ नाअ् सिका द्‍यायाङगेलाइको न्याय पाका सोमोइ लोलि दोका हि। एला या सोमोइ बुङ हि जेलाउ नाअ् परमेस्वरको बक्तागेलाइहेङ जाइ नाङको सेवा पाखे नाअ् वासेहेङ पुरुस्कार प्याना, कालाउ नाङको झाराङ द्‍याङगेलाइहेङ जाइ नासेहेङ थिखे। कालाउ जेदोङ द्‍याङगेलाइ जाइ हुइका हि कालाउ जाइ बल्लियाका हि। ओदोङ सोमोइ नाअ् झाराङहेङ नासापाना जाइ सुमिङहेङ हान्ति चुमाखे।”

प्रकास 15:4

“हे प्रभु, नासेहेङ झाराङ द्‍याङगेलाइ थिखे, कालाउ झाराङ नाङको मिङको साम्मान पाखे, हाइपालिपानु नाअ् खिनिङ पबित्तरो परमेस्वर हिना। गोताङ सारभिको गोताङ द्‍याङगेलाइ नाङकोता लोखे कालाउ नाङको आराधाना पाखे, हाइपालिपानु नाङको धार्मिक कामगेलाइ झाराङ गिखे।”

प्रकास 18:20

नेलाइ झाराङ जाइ स्वर्गता हिसुखेना, परमेस्वरको गोताङ द्‍याङगेलाइ, छाल्न्हाका चात्यागेलाइ, कालाउ परमेस्वरको बक्तागेलाइ, नेलाइ बेबिलोन सहरता जेदोङ जेङहि इङको भाअ्सिङ झाराङ हेन्जा खुसि मानाइसु। हाइपालिपानु परमेस्वर बेबिलोन सहरहेङ साजाइ प्याङ जेदोङ दुस्ट काम नेलाइ दोफा पाहि।”

प्रकास 18:24

परमेस्वर बेबिलोन सहरहेङ साजाइ पिहि हाइपालिपानु वासेहेङ परमेस्वरको बक्तागेलाइहेङ, कालाउ परमेस्वरको गोताङ द्‍याङगेलाइहेङ कालाउ गोताङ सुमिङको द्‍याङगेलाइहेङ सेअ्का दुसिका हिघाहि।”

प्रकास 19:2

वाको बाखानाइ पासु! हाइपालिपानु वाको गोताङ न्याय सत्ये हि कालाउ ठिक हि। वा इङको बारका सहरहेङ साजाइ पिहि जाइ मिङ चलिका बेस्या भाइका हि। हाइपालिपानु वा सुमिङता हिका द्‍याङगेलाइहेङ पाप पालि उसकाइहि। परमेस्वर वासेहेङ घुरिपातेङ तिरिपिहि हाइपालिपानु वाको बान्धाइतिगेलाइहेङ सेअ्हि।”

प्रकास 6:10

कालाउ इम्बालाइ एसा दोअ्काताङ बारका गालाहोइ परमेस्वरहेङ दोअ्हि, “ओइ पबित्तरो कालाउ सत्ये प्रभु, हाइ पालि नाअ् प्रिथिबिता हिका इङको दुस्ट द्‍याङगेलाइहेङ साजाइ पिलि इदोइ झोको बेलोम्पा थेकापा ह्रुम्खेना? केलाइ नासेहेङ बिन्ति पानाखे कि केलाइहेङ सेअ्का द्‍याङको इसिका ब्यभारको भाअ्सिङ नाअ् वासेहेङ बदला पि।”