2 थेस्लोनिकि 1:4 - Dhimal NT

⁴ ओदोङ भाअ्सिङ इदोइ झोको, कि नेलाइ ह्रुता जाइ लागेका गोताङ साताइन्हाका, कालाउ कस्टगेलाइता बुङ माअ्थिसिङ नेलाइ बल्लियाका जेङतेङ हिकाता नेलाइको खाङधुरिको भाअ्सिङ परमेस्वरको मन्डलिगेलाइको माझाता केलाइ हेन्जाङ गर्ब पानाखे।

धिमाल

⁴ इदोइभाअ्‌सिङ नेलाइहेङ बोमि सान्‍ताइका रो तु: पिलाउ बुङ नेलाइको सहेका सरबङ रो खान्‍धुर हिनाङसिङ परमेस्‍वरको बो मन्‍डलिगेलाइता बुङ तुजुक पातेङ नेलाइको बारेता केलाइ धुइलि द्‍वाङ।

2 थेस्लोनिकि 1:4 Iomraidhean Croise

रोमि 12:12

नेलाइको निङका आसता आनान्द पासु, कस्टगेलाइता धर्य पासु कालाउ लागातार प्रार्थाना पातेङ हिसु।

रोमि 2:7

परमेस्वर इम्बालाइहेङ आनान्त जिबन प्याङ जाइ धर्य दोफाङ रेम्का काम पाखे, कालाउकि वा महिमा, इज्‍जत कालाउ आनान्त जिबन निनाको।

1 कोरिन्थि 7:17

का दोअ्तेङ हिका काथागेलाइको निचोड इदोइ दोङ हि कि, परमेस्वर झाराङहेङ जिसकाङ आवस्थाता काइका हिघाहि, इम्बालाइ उसकाङ आवस्थाता जिबन जियाइयाको। का गोताङ मन्डलिगेलाइता धिरपाका सिक्स्या इदोइ दोङ हि।

2 कोरिन्थि 12:10

ओदोङ भाअ्सिङ ख्रिस्टको भाअ्सिङ, कमजोरिगेलाइता, बादनामिगेलाइता, आपथ्यारोगेलाइता, साताइन्हाकागेलाइता, आपदगेलाइता का सन्तुस्ति ह्याङका, हाइपालिपानु जेलाउ का कमजोरि हिखा कालाउ वा कासेहेङ बल्लियाका बानाइखे।

2 कोरिन्थि 7:14

हाइपालिपानु तितसको आगाता नेलाइको बारेता का हाइ दोङ घमन्ड पाका हिघाखा पानु, नेलाइ कासेहेङ निरास पाका मान्थु सुन्हा, भरु जेसाङ केलाइ नेलाइहेङ दोअ्का गोताङ सत्ये हिघाहि, एन्साङ दोङ तितसको आगाता केलाइको पाका घमन्ड सत्ये थोहोरिका हि।

2 कोरिन्थि 7:4

नेलाइता काङको बार्का भरोसा हि, नेलाइ ह्रुता का हेन्जा गर्ब पाखा। का नेलाइको सान्तावानाहोइ पोङघातेङ हिघा, कालाउ केलाइको गोताङ कस्टता का ओसारापाङ आनान्द हिघा।

2 कोरिन्थि 9:2

हाइपालिपानु का नेलाइको पिका उत्सुकता गिखा, का याको बिसोइता म्यासिडोनिया प्रदेसको खान्धुराइगेलाइको आगाता गर्ब पाकाताङ दोअ्का हिघाखा, कि आनेबारेसो आखैया प्रदेसता द्‍याङगेलाइ तियार पातेङ हि, नेलाइको जोसहोइ इम्बालाइ मध्ये हेन्जाङ जोसोहेङ तोङपाका हि।

2 कोरिन्थि 9:4

जेसापा म्यासिडोनिया प्रदेसता आधिमि खान्धुराइगेलाइ काङको दोफा लोहि, कालाउ नेलाइ दोफा ताका तियार हिका मानिङहि पानु केलाइ खाङधुरि योग्यता पाहासो केलाइ लेदेरयाङ, कालाउ नेलाइ बुङ झन हेन्जा लेदेरता परिस्वाना, हाइपालिपानु केलाइ नेलाइ ह्रुता बार्का भोरोसाता ताअ्का हिघान्हाहि।

1 थेस्लोनिकि 1:3

जेलाउ केलाइ आबा परमेस्वर दोफा प्रार्थाना पानाखे, केलाइ प्रभु येसु ख्रिस्ट नेलाइको खाङधुरिसो पाका काम, नेलाइ खान्धुराइगेलाइहेङ पाका प्रेम कालाउ साघाइ कालाउ नेलाइको थाङका परिस्रोम, कालाउ नेलाइ प्रभु येसु ख्रिस्ट आरोङ ल्वाङ दोअ्का आसता धर्य पातेङ लागातार फोम पानाखे।

1 थेस्लोनिकि 2:14

हाइपालिपानु खान्धुराइ ओनेगेलाइ, नेलाइ बुङ ख्रिस्ट येसुता यहुदिया जिल्लाता हिका परमेस्वरको मन्डलिगेलाइ भाइपाङ साताइन्हाका हिसुन्हा। हाइपालिपानु यहुदिया जिल्लाको मन्डलिगेलाइ ताइकोङ द्‍याङगेलाइसो दुख कस्ट भोगिहि, एन्साङ पातेङ नेलाइ ताइकोङ यहुदिगेलाइसो दुख कस्ट भोगेका हिघासुन्हा।

1 थेस्लोनिकि 2:19

जेलाउ केलाइको प्रभु येसु ख्रिस्ट आरोङ लावा, इङको बेला वाको आगाता केलाइको आस, आनान्द माकुनु गर्वको मुकुट नेलाइ दोङ हिसुना।

2 थेस्लोनिकि 3:5

परमेस्वर नेलाइहेङ हेथे प्रेम पाखे ख्रिस्ट नेलाइहेङ देखाल पापियाङ, कालाउ कस्ट सहिलि दोका बानाइलि द्वाको जेसाङ ख्रिस्ट ताइमिङ कस्ट बुङ सहिहि।

हिब्रु 10:36

एला नेलाइ धैर्य हिलि गोइस्वाना, कालाउकि नेलाइ लागातार परमेस्वरको इच्छा आन्सार काम पालि दोसु। कालाउ खिनिङ नेलाइ परमेस्वरको प्रतिग्या पाका गोताङ काथा निङस्वाना।

हिब्रु 6:15

आब्राहाम सुकापा ह्रुम्तेङ परमेस्वरको पाका प्रतिग्याको काथा पुरा पालि ह्रुम्हि कालाउ वा इङको निङहि।

याकुब 5:11

खाङसु, धिरोज पाकागेलाइहेङ केलाइ धन्यको दोअ्न्हाखे। नेलाइ आय्युब मिङ हिका द्‍याङको धिरोजको बारेता हिङका हिसुना, कालाउ प्रभुको बारेता हिङका हिसुना, कि प्रभु हिसिका करुनामय कालाउ दायालु हि।

२ पत्‍रुस 1:6

नेलाइ ग्यानि जेङतेङ खिनिङ जिबन जियाइलि माको, कालाउ नेलाइ ताइमिङ सयमि जेङलि गोइखे, नेलाइ ताइमि खिनिङ सयमि जेङलि माको, कालाउ नेलाइ दुखता बुङ धर्य जेङतेङ हिलि गोइखे। नेलाइ धर्य जेङतेङ हिलि खिनिङ माको, कालाउ नेलाइ परमेस्वरहेङ लेङचापाका जिबन बुङ जियाइलि गोइखे।

प्रकास 14:12

ओदोङ भाअ्सिङ इदोइ बुझिलि जरुरि हि कि परमेस्वरको द्‍याङगेलाइ गोताङ कस्टगेलाइ बुङ सहिलि गोइखे। ओबालाइ परमेस्वरको आग्यागेलाइ केमावा कालाउ येसुता खाङधुरि पालि मालातावा।