2 थेस्लोनिकि 1:3 - Dhimal NT

³ खान्धुराइ ओनेगेलाइ, नेलाइको भाअ्सिङ परमेस्वरहेङ जेलाउ बुङ धन्यबाद पिनाखे। एन्सा पालि केलाइहेङ ठिक हि, हाइपालिपानु नेलाइको खाङधुरि येसु ख्रिस्टता बाढेतेङ हानिका हि। कालाउ नेलाइको प्रेम बुङ एमिसो-भेनेङ दोफा झन बाढेतेङ हि।

धिमाल

³ दादाओने बाइओनेनेलाइ, नेलाइको भाअ्‌सिङ परमेस्‍वरहेङ दिनाङ च्‍याबास चार्‍हाइन्‍हाखे। हाइपानु नेलाइको खान्‍धुर हेन्‍जाङ बार्‍हेदोङखे रो एमि भेनेङदोफा नेलाइ झाराङको माया बुङ बार्‍हेदोङखे।

2 थेस्लोनिकि 1:3 Iomraidhean Croise

लुका 15:32

कालाउ केलाइ झाराङ लेङचाइने कालाउ भोज चाइने हाइपालिपानु नाङको इदोइ ओने सिका भाइका हिघाहि, कालाउ एला वा बान्चितेङ घुरितेङ लोका भाइका हि, वा राम्का हिघाहि, कालाउ एला वासेहेङ निङका हिनाहि।’”

लुका 17:5

छाल्का चात्यागेलाइ प्रभु येसुहेङ दोअ्हि, “केलाइको खाङधुरि बाढेपापि।”

युहन्‍ना 15:2

गोताङ डालेङ जाइ काङको दोफा तेअ्का हिखे कालाउ फल मासेपाखे पानु इङकोहेङ वा पाल्पिखे। कालाउ जाइ फल पिखे इङकोहेङ वा धाइखे कालाउकि आरोङ हेन्जा फल सेपाको दोअ्तेङ।

रोमि 1:8

झाराङ खान्तेङ लाम्फा का काङको परमेस्वर येसु ख्रिस्ट पाहासो दोङ नेलाइ झाराङको भाअ्सिङ धन्यबाद पिखा, हाइपालिपानु नेलाइ येसु ख्रिस्टता खाङधुरि पाका काथा गोताङ थामेता द्‍याङगेलाइ काथा पातेङ हि।

1 कोरिन्थि 1:4

का परमेस्वरहेङ जेलाउ बुङ धन्यबाद प्याङका हाइपालिपानु वाको नुगामारि आनुग्रह पाहासो नेलाइहेङ हेन्जा आसिस पिहि। जेलाउसो नेलाइ येसु ख्रिस्टता खाङधुरि पासुन्हा।

2 कोरिन्थि 10:15

केलाइको भाअ्सिङ परमेस्वर दोअ्का सिमा कालामतेङ बोमिगेलाइको परिस्रोमता गर्ब मापाङ, भरु केलाइको आस या हि, कि नेलाइको खाङधुरि बाढेतेङ हानिलाउ केलाइ नेलाइको वरिपोरि हेन्जाङ द्‍याङगेलाइता थुकालि द्वाङ।

एफिसि 5:20

केलाइको परमप्रभु येसु ख्रिस्ट पाका गोताङ कामको भाअ्सिङ जेलाउलाउ बुङ केलाइको आबा परमेस्वरहेङ धन्यबाद पिसु।

फिलिप्पि 1:7

नेलाइ झाराङको भाअ्सिङ का इसिका बिचार पालि ठिक हि, हाइपालिपानु का नेलाइ झाराङहेङ हेन्जा प्रेम पाखा, हाइपालिपानु का कैदि हिलाउ नेलाइ सुसमाचारको सुरिक्स्या कालाउ इदोइहेङ सत्ये प्रमानित पाका या न्हेनोङ दोङ कामता काङको दोफा परमेस्वरको आनुग्रहता झ्वाइनाका हिसुना।

फिलिप्पि 1:9

का प्रार्थाना पाङका, कि परमेस्वरको ग्यान कालाउ बिबेकता ता-ताइमिको भाअ्सिङ नेलाइको प्रेम झन बाढेकाताङ हानाको,

1 थेस्लोनिकि 3:12

केलाइ प्रार्थाना पाङ कि जेसाङ केलाइ नेलाइहेङ प्रेम पानाखे, एन्साङ दोङ प्रभु नेलाइहेङ बुङ एमिसो-भेनेङ दोफा कालाउ गोताङ द्‍याङगेलाइ दोफा प्रेमता आझाइ बाढेपाको।

1 थेस्लोनिकि 3:6

कालाउ तिमोथि नेलाइसो एलाङ खिनिङ घुरितेङ थुकालि लोका हि, कालाउ नेलाइको खाङधुरि कालाउ प्रेमको बानाल केलाइहेङ हिङपाहि। नेलाइ केलाइहेङ जेलाउ बुङ फोम पासुखेना कालाउ केलाइहेङ भेतिलि बार्का इच्छा पासुखेना दोअ्का काथा केलाइहेङ दोअ्हि। केलाइ बुङ नेलाइहेङ ओसाङ भाइपा भेतिलि चाहाना पानाखे।

1 थेस्लोनिकि 3:9

कालाउ नेलाइकोङ कारनसो केलाइ केलाइको परमेस्वरको आगाता लेङचाका हिनाहि, कालाउ याको भाअ्सिङ केलाइ परमेस्वरहेङ जेथे धन्यबाद पिलाउ बुङ आतुइसा जेङखे।

1 थेस्लोनिकि 4:1

आखिरिता खान्धुराइ ओनेगेलाइ, प्रभु येसुता केलाइ नेलाइहेङ आनुरोध पानाखे कि परमेस्वरहेङ मन परिका जिबन जियाइसु, जेसाङ केलाइ नेलाइहेङ धिरपाका हिनाहि, कालाउ एन्सा बुङ पादोङ सुखेना कालाउ केलाइ आझाइ हाउसा पिनाखे कि इदोइ खान्तेङ आसल पासु।

2 थेस्लोनिकि 2:1

खान्धुराइ ओनेगेलाइ, केलाइको प्रभु येसु ख्रिस्ट आरोङ ल्वाङ कालाउ वासेहेङ भेतिलि केलाइ ए दोफाङ जोम्तेङ हिका बिसोइता केलाइ नेलाइहेङ हाइ दोङ दोअ्लि हि।

2 थेस्लोनिकि 2:13

प्रभुको प्रेम पाका खान्धुराइ ओनेगेलाइ, नेलाइको भाअ्सिङ केलाइ परमेस्वरता जेलाउ बुङ धन्यबाद पिनाखे, हाइपालिपानु परमेस्वर नेलाइहेङ बान्चिपालिको भाअ्सिङ सुमिङहेङ सिरजाइका खान्तेङ लाम्फा छाल्हि। वा दोङ पबित्तरो आत्माको काम पाहासो नेलाइहेङ पबित्तरो बानाइहि, कालाउ येसु ख्रिस्टको सत्येको सन्देसहेङ खाङधुरि पानाङ नेलाइहेङ बान्चिपाहि।

1पतरुस 1:22

हाइपालिपानु नेलाइ सत्ये पालन पातेङ सुद्द जेङका हिसुना, एला नेलाइ ताइको दोफाङको खान्धुराइगेलाइहेङ चोखो प्रेम पासु। कालाउ एमिसो भेनेङहेङ ताइको ह्रदयको लिता सोङ प्रेम पातेङ हिसु।

२ पत्‍रुस 1:13

कासेहेङ थाहा हि कि का मासिपा धाउ नेलाइ दोफा प्राय इङको काथागेलाइको बारेता दोअ्तेङ हिलि उचित हि, कालाउकि नेलाइ इङको काथागेलाइ मानिल्सु।

२ पत्‍रुस 3:18

कालाउ नेलाइ लागातार केलाइको प्रभु कालाउ मुक्ति दाता येसु ख्रिस्टको आनुग्रह हेन्जा खान्तेङ हेन्जा आनुभब पातेङ हिलि गोइखे, कालाउ वाको बारेता नेलाइको बुझिकाता बाराकाताङ हानिलि गोइखे। वासेहेङ एला कालाउ जेलाउलाउ बुङ बाखिन ह्याको। आमेन।