2 थेस्लोनिकि 1:11 - Dhimal NT

¹¹ ओदोङ भाअ्सिङ एसाङ दोङ केलाइ नेलाइ झाराङको भाअ्सिङ जेलाउलाउ बुङ प्रार्थाना पातेङ ह्याङ, कालाउकि केलाइको परमेस्वर नेलाइहेङ काइतेङ ताइको योग्यको बानाइयाको, जाइको भाअ्सिङ नेलाइहेङ काइका हि, कालाउ वाको सरबुङसो गोताङ रेम्का काम पाका इच्छा कालाउ खाङधुरि योग्य कामगेलाइ पालि साघाइयाको।

धिमाल

¹¹ इदोइभाअ्‌सिङ केलाइ नेलाइ झाराङको भाअ्‌सिङ दिनाङ पुकार बुङ पान्‍हाखे। केलाइको परमेस्‍वर नेलाइहेङ वाको काइकाको लाएक बान्‍हायाको, गोताङ रेम्‍का धेय रो खान्‍धुरको कामहेङ वाको सरबङसो पोङघा पालि साहेता पाको।

2 थेस्लोनिकि 1:11 Iomraidhean Croise

मर्कुस 4:28

मिलिङ ताइमिङ चालाइ योपाखे हाइपालिपानु मिलिङ, लाम्फा तुपा, इन्तासो सिसा कालाउ सिसाहेङ मिङपाखे।

लुका 12:32

नेलाइ म्हुइका भेडाको हुलगेलाइ भाइका जेङ, माअ्थिसु, हाइपालिपानु नेलाइको भाअ्सिङ आबा परमेस्वर नेलाइहेङ सासन पिलि लेङचाखे।

रोमि 1:9

का गोताङ हृदयहोइ वाको चानको सुसमाचारको बिसोइता द्‍याङगेलाइहेङ प्राचार पाखा, कालाउ परमेस्वर काङको साक्सि हि, कि का लागातार काङको प्रार्थानाता नेलाइहेङ फोम पाखा।

रोमि 11:29

हाइपालिपानु परमेस्वर ताइमिङ पिका बरदानगेलाइ आरोङ माह्रुखे कालाउ काइलि दोकालाइहेङ हेलाउ बुङ मालाखे।

रोमि 15:14

खान्धुराइ ओनेगेलाइ, कासेहेङ निसित हि, कि नेलाइ ताइमि बुङ भलाइहोइ पोङघाका हिसुना, कालाउ नेलाइहेङ थाहा हि कि हाइ पालि गोइखे, कालाउ नेलाइ एमिसो-भेनेङहेङ सिक्स्या पिलि दोअ्स्वाना।

रोमि 8:30

जाइ-जाइहेङ वा लाम्फासोङ चुनिहि, इम्बालाइहेङ वा काइहि, कालाउ जाइ-जाइहेङ वा काइहि, इम्बालाइहेङ वा धर्मि बुङ बानाइहि, कालाउ जाइ-जाइहेङ वा धर्मि बानाइहि, इम्बालाइ दोफा ताइको महिमा बुङ बाखाराइहि।

1 कोरिन्थि 1:8

केलाइको येसु ख्रिस्टको लोका दिनाता नेलाइहेङ हाइ दोङ मादुसिका जेनाको दोअ्तेङ परमेस्वर नेलाइहेङ खाङधुरिता बल्लियाका बानाइयाङ।

एफिसि 1:16

का जेलाउ बुङ नेलाइको भाअ्सिङ परमेस्वरहेङ धन्यबाद पितेङ ह्याङका, कालाउ काङको प्रार्थानाता का नेलाइहेङ फोम पातेङ हिखा।

एफिसि 1:5

परमेस्वर केलाइहेङ प्रेम पाकानाङ येसु ख्रिस्ट पाहासो केलाइहेङ ताइको सान्तान जेङलि लाम्फोरतिसोङ निर्नय पाका हिघाहि। कालाउ परमेस्वर इदोइ ताइकोङ खुसि कालाउ इच्छा आन्सार पाका हिघाहि।

एफिसि 1:9

परमेस्वर ताइको योजाना आन्सार पाहि, कालाउ केलाइहेङ म्होन्हाका योजाना तिङपाहि, जेदोङ वा लाम्फाङ ख्रिस्ट पाहासो पुरा पालि योजाना पाका हिघाहि।

फिलिप्पि 1:6

का इदोइ काथाता पुरा खाङधुरि पाखा, कि परमेस्वर नेलाइकोता जेदोङ आसल काम सुरु पाहि, इङको वासेहेङ दोङ जेलाउ येसु ख्रिस्ट आरोङ ल्वाङ कालाउ पुरा पावा।

फिलिप्पि 2:13

हाइपालिपानु परमेस्वर नेलाइकोता काम पादोङखे, जेदोङ कामहोइ वासेहेङ लेङचापाखे इङको काम पाका इच्छा कालाउ सरबुङ नेलाइहेङ वा दोङ पिखे।

फिलिप्पि 3:14

का स्वर्गको इनाम निङलिको भाअ्सिङ ल्क्स्य भारि हानिदोङखा इङको पुरुस्कार चाहि परमेस्वर कासेहेङ स्वर्गता काइका हि, हाइपालिपानु येसु ख्रिस्ट काङको भाअ्सिङ सिपिहि।

1 थेस्लोनिकि 1:3

जेलाउ केलाइ आबा परमेस्वर दोफा प्रार्थाना पानाखे, केलाइ प्रभु येसु ख्रिस्ट नेलाइको खाङधुरिसो पाका काम, नेलाइ खान्धुराइगेलाइहेङ पाका प्रेम कालाउ साघाइ कालाउ नेलाइको थाङका परिस्रोम, कालाउ नेलाइ प्रभु येसु ख्रिस्ट आरोङ ल्वाङ दोअ्का आसता धर्य पातेङ लागातार फोम पानाखे।

2 थेस्लोनिकि 1:5

कालाउ परमेस्वर इदोइ सान्ताइन्हाका को प्रयोग ताइको न्याय तिङपालि कालाउ नेलाइहेङ परमेस्वरको सासनको भाअ्सिङ योग्य बानाइलि प्रयोग पावा, जाइको भाअ्सिङ नेलाइ दुख भोगितेङ हिसुना।

2 थेस्लोनिकि 2:14

केलाइ नेलाइहेङ प्राचार पाका सुसमाचार पाहासो परमेस्वर नेलाइहेङ उद्दारको भाअ्सिङ काइहि। कालाउकि नेलाइ प्रभु येसु ख्रिस्टको साम्मानता झ्वाइनालि दोसु।

हिब्रु 12:2

केलाइको खाङधुरि सुरु पाका कालाउ सिद्द बानाइका येसुहेङ खाङतेङ ह्याइने, वा दोङ भबिस्यता निङका आनान्दको भाअ्सिङ आपामानहेङ हाइ दोङ भाइपा माथानिसिङ क्रुसको कस्ट भोगिहि कालाउ परमेस्वरको सिङहासनको दाम्पाहा भारि झाउका साम्मानको थामेता बिराजमान हितेङ हि।

हिब्रु 3:1

ओदोङ भाअ्सिङ परमेस्वर वाको दोफा स्वर्गता झ्वाइनालि काइका खान्धुराइ ओनेगेलाइ दोङ हिसुना, येसुता मन लागाइसु जाइ केलाइको भाअ्सिङ परमेस्वरको दुत कालाउ प्राधान पुजारि जेङका हि।

1पतरुस 5:10

परमेस्वर, जाइ पुर्न रुपता आनुग्रहकारि हि केलाइको ख्रिस्ट येसु दोफाको सम्बन्धको कारन ताइको आनान्त महिमाता केलाइहेङ हकदार जेङलि काइका हि। नेलाइ कोम्हा सोमोइ थेकापा कस्ट भोगितेङ परमेस्वर नेलाइहेङ आसल बानाइयाङ कालाउकि नेलाइता हिदोइ बुङ गल्ति माज्याको कालाउ वा नेलाइको ह्रदयहेङ बल्लियाका बानाइयाङ कालाउ इस्थिर जेङलिको भाअ्सिङ वाकोता खाङधुरि पाका बानाइयाङ।

प्रकास 3:4

कालाउ नेलाइको माझाता सार्दिस सहरता आधिमि द्‍याङगेलाइ हि, जाइ पापगेलाइसो आसुद्द जेङका मान्थु। इम्बालाइ का दोफा जे:का धाबा होङतेङ हिगिल्लावा हाइपालिपानु इम्बालाइ योग्यको हि।

प्रकास 5:10

कालाउ नाअ् ओबालाइहेङ राजागेलाइ कालाउ पुजारिगेलाइ बानाइन्हा, जाइ केलाइको प्रभु परमेस्वरको सेवाको काम पाखे, कालाउ इम्बालाइ प्रिथिबिता राजागेलाइ भाइपा सासन पावा।”