२ पत्‍रुस 3:2 - Dhimal NT

² का एसा पाखा, हाइपालिपानु परमेस्वरको पबित्तरो बक्तागेलाइ हेन्जा सोमोइ लाम्फा धुइका बचन कालाउ केलाइको प्रभु येसु ख्रिस्ट, केलाइको मुक्ति दाताको सिक्स्याहेङ नेलाइ फोम पासुना दोअ्का का चाहिखा, जेदोङ नेलाइकोता लोका साल्न्हाका चात्यागेलाइ नेलाइहेङ धिरपाका हिघाहि।

धिमाल

² लाङफोरतिको पहरता पुनित आगाधुइकालाइ दोअ्‌का काथा रो नेलाइको प्रेरितगेलाइसो पिका प्रभु रो छुटकारा पिकाको हुकुमहेङ नेलाइ फोम पासु।

२ पत्‍रुस 3:2 Iomraidhean Croise

लुका 1:70

हेन्जाङ लाम्फा परमेस्वर ताइको पबित्तरो बक्तागेलाइ पाहासो दोअ्हि,

लुका 24:27

कालाउ येसु मोसाको व्यवस्थासो चुम्तेङ गोताङ परमेस्वरको बक्तागेलाइसो धर्मसास्तरता ताइको बारेता दोअ्का काथागेलाइ इम्बालाइहेङ बुझाइपिहि।

लुका 24:44

कालाउ येसु ओबालाइहेङ दोअ्हि, जेलाउ का नेलाइ दोफा हिघाखा का हाइ दोअ्घा इङको फोम पासु। का दोअ्घा, मोसाको व्यवस्थाता, परमेस्वरको बक्तागेलाइको पुस्तकता कालाउ भजन सङग्रहता काङको बिसोइता लेखेका गोताङ काथा पुरा जेनाको।

साल्न्हाका चात्या 10:43

गोताङ परमेस्वरको बक्तागेलाइ येसुको साक्सि पिका हि, कि ख्रिस्ट क्रुस्टता जेदोङ पाहि वाको ह्रुता खाङधुरि पाका झाराङ वाको मिङसो पापको स्यामा निनावा।”

साल्न्हाका चात्या 28:23

उङको यहुदिगेलाइ पावलको भाअ्सिङ एनोङ दिना साल्हि, इङको दिना हेन्जा द्‍याङगेलाइ पावलहेङ देराता भेतिहि। कालाउ पावल इम्बालाइहेङ ह्रिमासो बेलापा थेकापा परमेस्वरको सासनको बिसोइता कालाउ मोसाको व्यवस्था कालाउ परमेस्वरको बक्तागेलाइ लेखेका कितापगेलाइसो बुझि पाहि। कालाउ इम्बालाइहेङ येसुको खाङधुरिता चुमालि कोसिस पाहि।

साल्न्हाका चात्या 3:18

कालाउ ख्रिस्ट दुख भोगिलि कालाउ सेअ्न्हालि गोयाङ दोअ्तेङ गोताङ परमेस्वरको बक्तापाहासो हेन्जा लाम्फा दोअ्लि दोअ्का हिघाहि। एसापा परमेस्वर आगमबानि पुरा पाहि।

साल्न्हाका चात्या 3:21

कालाउ येसु स्वर्गताङ हिलि आवस्यक हि, एन्सालाउ थेकापा परमेस्वर ताइमिङ बानाइका गोताङ आनेमानेगेलाइ नावा बानाइ प्याङ। हेन्जा सोमोइ लाम्फा परमेस्वर उङको ताइको पबित्तरो बक्तागेलाइ पाहासो इङको बाचा पाका हिघाहि।

गलाति 6:2

एमिसो-भेनेङको दुखता साघाइलि गोइखे, एन्सा पान्हाहि पानु केलाइ ख्रिस्टको व्यवस्थाहेङ केम्न्हाखे।

एफिसि 2:20

नेलाइ बुङ छाल्न्हाका चात्यागेलाइ कालाउ परमेस्वरको बक्तागेलाइ योम्पाका जगता बानाइका साअ् भाइका हिसुन्हा। कालाउ जगको मुलि उन्ठुइ चाहि येसु ख्रिस्ट ताइमिङ हि।

एफिसि 3:5

बितिका सोमोइता, परमेस्वर द्‍याङगेलाइहेङ इङको म्होनाका सत्येता देखाल पापिका मान्थुघाखे, कालाउ एला पबित्तरो आत्माहोइ इङको म्होनाका रहस्य वाको पबित्तरो छाल्न्हाका चात्यागेलाइहेङ कालाउ परमेस्वरको बक्तागेलाइहेङ देखाल पापिका हि।

1तिमोथि 6:14

का नासेहेङ या आदेस पिदोङखा, कि प्रभु येसु ख्रिस्ट आरोङ मालोपा धाउ नाअ् परमेस्वरसो निङका आग्याहेङ रेम्फा माने कालाउकि हासु बुङ नासेहेङ दुसिलि मानिनाको।

२ पत्‍रुस 2:21

काङको दोअ्लि खाङका माने या हि कि, ख्रिस्टहेङ हेलाउ बुङ सुइकार मापाका द्‍याङगेलाइ खान्तेङ ख्रिस्टहेङ लाअ्का द्‍याङगेलाइहेङ परमेस्वर थाङका दन्ड पिखे। जेसापा इम्बालाइहेङ धर्मि जिबन बिताइलिको माने हाइ हि दोअ्तेङ हेलाउ बुङ थाहा मान्थुका नु आसल जेङधाङ। एला इम्बालाइहेङ थाहा हि कि हाइ आसल हि, कालाउ साल्न्हाका चात्यागेलाइ इम्बालाइहेङ धिर्पाका परमेस्वरको बचन इन्कार पाका हि।

२ पत्‍रुस 3:15

इदोइ बारेता सोचिसु, केलाइको प्रभु धर्य हि, हाइपालिपानु वा नेलाइहेङ लोका न्यायसो बान्चिलि कालाउ खाअ्लि माउका पिदोङखे। केलाइको आनाउ खान्धुराइ ओने पावलहेङ बुङ परमेस्वरसो पिका बुद्दिहेङ प्रयोग पातेङ इदोइ काथा नेलाइहेङ एनोङ पात्ताराता लेखेका हिघाहि।

२ पत्‍रुस 3:16

वा खान्धुराइगेलाइहेङ लेखेका ताइको गोताङ पात्तारागेलाइता, वा ओदोङ काथागेलाइ लेखेहि जेदोङ वा नेलाइहेङ लेखेहि। कालाउ वा ताइको पात्तारागेलाइता लेखेका आधे-आधे काथागेलाइ बुझिलि आप्थायारो हि। जाइ आधिमि द्‍याङगेलाइ रेम्फासो धिरका मान्थु कालाउ जाइ खाङधुरिता इस्थिर मान्थु, इम्बालाइ धर्मसास्तरता हिका आरु भागहेङ गलत तरिकाहोइ बाख्या पाका भाइपा इम्बालाइ इदोङ कथिन काथागेलाइको ब्याख्या गलत तरिकाहोइ पाखे। एन्सा पातेङ इम्बालाइ ताइमिङ परमेस्वरहेङ नासा पालि लागाइखे।

१ युहन्‍ना 4:6

केलाइते परमेस्वरको द्‍याङगेलाइ हिनाहि। जाइ परमेस्वरहेङ नाल्खे वा केलाइको धिरपाका सिक्स्या हिङखे, कालाउ जाइ परमेस्वरको माको वा केलाइको धिरपाका सिक्स्या बुङ माहिङ पिखे। इदोइ पाहासो केलाइ सत्ये धुइका आत्मा कालाउ धाताइका आत्माहेङ नाल्लि दोनाखे।

यहुदा 1:17

कालाउ आनाउ सानाइतिगेलाइ, नेलाइ चाहि केलाइको प्रभु येसु ख्रिस्टको छाल्का चात्यागेलाइ आन्चा दोङ दोअ्का काथागेलाइ फोम पासु।

प्रकास 19:10

जेलाउ का इदोइ हिङघा, काङको दोफा काथा पातेङ हिघाहि का वाको आगाता तुघुरघा, हाइपालिपानु का वाको आराधाना पालि हानिदोङघाखा। कालाउ वा कासेहेङ दोअ्हि, “काङको आराधाना मापासु। नाअ् सिरिप परमेस्वरको आराधाना पालि गोइखे। हाइपालिपानु, का बुङ नाङको कालाउ नाङको दोफा खान्धुराइ पाका सेवक हिघा। नेलाइ झाराङ भाइपा का बुङ इदोइ वा हृुता सुइकार पाका हिघा कि येसु दोङ प्रभु हि। हाइपालिपानु इङको पबित्तरो आत्मा दोङ हि जाइ परमेस्वरको द्‍याङगेलाइ येसुहेङ देखाल पाका सत्ये काथाको घोसाना पालिको भाअ्सिङ साघाइखे।”