२ पत्‍रुस 3:18 - Dhimal NT

¹⁸ कालाउ नेलाइ लागातार केलाइको प्रभु कालाउ मुक्ति दाता येसु ख्रिस्टको आनुग्रह हेन्जा खान्तेङ हेन्जा आनुभब पातेङ हिलि गोइखे, कालाउ वाको बारेता नेलाइको बुझिकाता बाराकाताङ हानिलि गोइखे। वासेहेङ एला कालाउ जेलाउलाउ बुङ बाखिन ह्याको। आमेन।

धिमाल

¹⁸ कालाउ केलाइको प्रभु रो छुटकारापिका इसु ख्रिस्‍टको निगाहा रो आकिलता बार्‍हेतेङ हानेसु। वासेहेङ एला रो दिनादिनाङ प्रताप ज्‍याको। आमेन।

२ पत्‍रुस 3:18 Iomraidhean Croise

मत्‍ति 28:20

का नेलाइहेङ आग्या पिका गोताङ काथागेलाइ पालि इम्बालाइहेङ धिरपासु। खाङसु, का युगको दोका थेकापा नेलाइ दोफा का ह्याङका।”

मत्‍ति 6:13

केलाइहेङ बार्का जाचिकाता माताअ्पि। कालाउ केलाइहेङ साइतानसो जोगाइ। हाइपालिपानु सासन, पराक्रम कालाउ महिमा जेलाउलाउको भाअ्सिङ नाङको दोङ। आमेन।

युहन्‍ना 17:3

कालाउ आनान्त जिबन इदोइ दोङ कि द्‍याङगेलाइ नासेहेङ एमि खिनिङ सत्ये परमेस्वर दोअ्तेङ नाल्लि द्वाको, कालाउ कासेहेङ येसु ख्रिस्ट जाइ नाअ् दोङ दिङगिल्का हि दोअ्तेङ इम्बालाइ नाल्लि द्वाको।

युहन्‍ना 5:23

हाइपालिपानु जेसाङ गोताङ द्‍याङगेलाइ आदार पाखे, एन्साङ दोङ इम्बालाइ का चानको आदार पाको। जेसापा हासु बुङ कासेहेङ आदार मापाखे पानु वा कासेहेङ दिङगिल्का आबा परमेस्वरहेङ बुङ आदार मापाखे।

रोमि 11:36

हाइपालिपानु गोताङ आमेने परमेस्वर पाहासो लोखे, कालाउ वा दोङ गोताङ आमेने बानाइका हि, कालाउ गोताङ आमेने वाकोङ भाअ्सिङ दोङ हि। वासेहेङ दोङ जेलाउलाउ बुङ महिमा ह्याको! आमेन।

2 कोरिन्थि 4:6

हाइपालिपानु परमेस्वर दोअ्हि, “कितिकितिकासो फाइसालामका चिल्काताको।” कालाउ ओदोङ परमेस्वर केलाइको ह्रदयता फाइसालामकाता भाइका केलाइहेङ फोम पाहि, कालाउकि केलाइ परमेस्वरको महिमाहोइ येसु ख्रिस्टता देखाल जेङका तिङलि द्वाको।

एफिसि 1:17

का परमेस्वर दोफा प्रार्थाना पाखा, कि केलाइको प्रभु येसु ख्रिस्टको महिमाको आबा नेलाइहेङ आत्मिक बुद्दि कालाउ ग्यान प्याको कालाउ वासेहेङ बुङ परमेस्वर हासु दोअ्तेङ बुझिलि ग्यान प्याको।

एफिसि 4:15

भरु प्रेमहोइ सत्ये नुइ धुइकाताङ, कालाउ केलाइ ख्रिस्ट भाइपा गोताङ काथाता परिपक्क जेनाइने, जाइ चाहि ताइको जिउ मन्डलिको पुरिङ हि।

फिलिप्पि 3:8

इङको झोको खिनिङ माको, का येसु ख्रिस्ट प्रभुहेङ नाल्लि भोखा, जेदोङ गोताङ काथा खान्तेङ माहान हि, का गोताङ काथागेलाइहेङ बेकार थानिखा। कालाउ ख्रिस्टको भाअ्सिङ गोताङ काथागेलाइ लाअ्का हिघा, कालाउ इङको गोताङहेङ फोहोरगेलाइ भाइपा सम्झिखा, कालाउकि का पुरा रुपहोइ ख्रिस्टको जेङलि द्वाको।

कलस्सि 1:10

केलाइ प्रार्थाना पानाखे, कालाउकि नेलाइ प्रभुहेङ आदार पिका कालाउ हाउसाइपाका जिबन जियाइलि दोसु, कालाउ नेलाइ लागातार आसल कामगेलाइ पासु, आरुको भाअ्सिङ भलाइ पालि दोसु। कालाउकि नेलाइ परमेस्वरहेङ आझाइ रेम्फासो गिलि दोसु।

कलस्सि 3:10

परमेस्वर एला नेलाइहेङ नावा द्‍याङ बानाइका हि, कालाउ वा नेलाइहेङ आझै हेन्जा ताइमिङ कोनिङ बानाइदोङखे। कालाउकि नेलाइ वासेहेङ आझै रेम्फासो बुझिलि दोसु।

2 थेस्लोनिकि 1:3

खान्धुराइ ओनेगेलाइ, नेलाइको भाअ्सिङ परमेस्वरहेङ जेलाउ बुङ धन्यबाद पिनाखे। एन्सा पालि केलाइहेङ ठिक हि, हाइपालिपानु नेलाइको खाङधुरि येसु ख्रिस्टता बाढेतेङ हानिका हि। कालाउ नेलाइको प्रेम बुङ एमिसो-भेनेङ दोफा झन बाढेतेङ हि।

2 तिमोथि 4:18

कालाउ प्रभु कासेहेङ गोताङ खाल्को मारेम्का कामगेलाइसो जोगेपावा, कालाउ वा कासेहेङ जोगाइतेङ ताइको स्वर्गको सासनता चुम्पावा। वाको महिमा जेलाउलाउ बुङ ज्याको। आमेन।

1पतरुस 2:2

जेसाङ भरखङ जोलोम जेङका जामाललाइ ताइको आमाइको सुद्द दुधे भोखे, नेलाइ परमेस्वरको बचन धिरलि भोलि गोइखे, कालाउकि नेलाइ आत्मिक रुपता परिपक्क जेङलि दोसु। कालाउ आम्तिमता परमेस्वर नेलाइहेङ इदोइ सुमिङको खाराका आमेनेगेलाइसो पुरा रुपता बान्चि पावा।

२ पत्‍रुस 1:11

कालाउ दोफाङ परमेस्वर नेलाइहेङ येसु ख्रिस्ट हिका राइजिता भब्य स्‍वागत पाङ, जाइ केलाइको प्रभु कालाउ मुक्ति दाता हिका हि, वा इन्ता जेलाउलाउको भाअ्सिङ राजा जेङतेङ राइजि पाङ।

२ पत्‍रुस 1:2

का प्रार्थाना पाखा कि, परमेस्वर कालाउ येसु ख्रिस्ट केलाइको प्रभुको ग्यानता, नेलाइ बाढेकाताङ हानिलाउ परमेस्वर नेलाइहेङ हेन्जा खाङतेङ हेन्जा आनुग्रह कालाउ सान्ति प्याको।

२ पत्‍रुस 1:3

केलाइ परमेस्वरहेङ नाल्कानाङ वा केलाइहेङ वाको दोफा हिका इङको सरबुङ पिका हि। ओदोङ भाअ्सिङ केलाइ वासेहेङ लेङचापाका जिबन जियाइलि गोइका गोताङ काथा हि। वाको ताइकोङ पुर्न कालाउ महिमा पुर्न चरित्तरोको कारन वा केलाइहेङ ताइकोङ द्‍याङ जेङलि छाल्का हि।

२ पत्‍रुस 1:8

जेसापा नेलाइ एसापा दोङ हेन्जा खान्तेङ हेन्जा ताइको जिबन जियाइसुन्हा पानु, कालाउ नेलाइ केलाइको प्रभु येसु ख्रिस्टको भाअ्सिङ काम लागिका कालाउ फल सेपाका भाइपा जेङस्वाना।

२ पत्‍रुस 2:20

जेलाउ द्‍याङगेलाइ येसु ख्रिस्टहेङ ताइको प्रभु कालाउ मुक्ति दाता दोअ्तेङ नाल्तेङ सुमिङको दुस्टसो खाअ्खे। कालाउ एला इम्बालाइ आरोङ मारेम्का काम पालि झ्वाइन्हाका हि कालाउ इङको मारेम्का काथागेलाइहोइ एला इम्बालाइ ख्रिस्टहेङ आसुइकार पाका इम्बालाइको न्हुसोको आबास्था खान्धुराइ जेङलि लाम्फाको खान्तेङ आझाइ झन खाराब जेङखे।

यहुदा 1:25

वा एमि खिनिङ परमेस्वर हि, कालाउ केलाइको प्रभु येसु ख्रिस्ट केलाइको भाअ्सिङ पाका काम पाहासो दोङ मुक्ति पिका हि। येसु ख्रिस्ट केलाइको प्रभु द्‍याङगेलाइहेङ आदार कालाउ बाखानाइ पिका बानाइयाको। इम्बालाइ या बुझिलि द्वाको कि वाको दोफा लाम्फासोङ नानि कालाउ जेलाउलाउको भाअ्सिङ सरबुङ कालाउ खाबारा हि। आमेन।