२ पत्‍रुस 3:16 - Dhimal NT

¹⁶ वा खान्धुराइगेलाइहेङ लेखेका ताइको गोताङ पात्तारागेलाइता, वा ओदोङ काथागेलाइ लेखेहि जेदोङ वा नेलाइहेङ लेखेहि। कालाउ वा ताइको पात्तारागेलाइता लेखेका आधे-आधे काथागेलाइ बुझिलि आप्थायारो हि। जाइ आधिमि द्‍याङगेलाइ रेम्फासो धिरका मान्थु कालाउ जाइ खाङधुरिता इस्थिर मान्थु, इम्बालाइ धर्मसास्तरता हिका आरु भागहेङ गलत तरिकाहोइ बाख्या पाका भाइपा इम्बालाइ इदोङ कथिन काथागेलाइको ब्याख्या गलत तरिकाहोइ पाखे। एन्सा पातेङ इम्बालाइ ताइमिङ परमेस्वरहेङ नासा पालि लागाइखे।

धिमाल

¹⁶ वाको गोताङ चिथिगेलाइता बुङ वा इदोइ काथागेलाइ बाखान पाका हि। इङकोता हिदिङहिदिङ काथागेलाइ गेलि मुसकिल हि। काथा माबुझिका रो खान्‍धुरता लुरमान्‍थुका द्‍याङगेलाइ इदोइ काथागेलाइहेङ बो धरम किताबगेलाइहेङ भाइपाङ उल्‍टापाल्‍ति पाखे रो ताइकोङ बिगार चुमाखे।

२ पत्‍रुस 3:16 Iomraidhean Croise

मत्‍ति 15:3

येसु ओबालाइहेङ जोबाफ पिहि, नेलाइ बुङ हाइ पालि ताइको मुन्धुमको भाअ्सिङ परमेस्वरको आग्या बिगिरपासुखेना?

मत्‍ति 15:6

एसा दोङ नेलाइ व्यवस्थाको भाअ्सिङ परमेस्वरको आदेसहेङ एपाहा खेङसुखेना।

मत्‍ति 22:29

येसु इम्बालाइहेङ जोबाफ पितेङ दोअ्हि, नेलाइ गलत हिसुना हाइपालिपानु नेलाइ मागिसुखेना कि परमेस्वरको धर्मसास्तरता हाइ दोअ्खे, कालाउ ना ते परमेस्वरको सरबुङको बारेता बुझिका हिसुना?

फिलिप्पि 3:19

बिनास इम्बालाइको आन्त्य हि, इम्बालाइ ताइको जिउको इच्छा पुरा पालि खिनिङ जियाइखे, इम्बालाइ ताइको लेदेरका को कामता हाउसा पाखे, कालाउ इम्बालाइ लागातार सुमिङको काथागेलाइको बारेता सोचिखे।

हिब्रु 5:11

केलाइ याको बारेता नेलाइहेङ दोअ्लि गोइका काथा हेन्जा हि, कालाउ ओदोङ काथागेलाइको बारेता बाख्या पालि हेन्जा मुसकिल हि। हाइपालिपानु नेलाइ परमेस्वरको बचन धिरलि आल्थिका हिसुना।

याकुब 1:8

हाइपालिपानु न्हेनोङ मन हिका द्‍याङको वाको गोताङ आनिबानिता आस्थिर हिखे।

1पतरुस 1:1

इदोइ पात्तारा येसु ख्रिस्टको साल्न्हाका चात्या पतरुससो हि। या पात्तारा परमेस्वरको चुनिका द्‍याङगेलाइको भाअ्सिङ लेखेका हि, जाइ परदेसि भाइपाङ जेङतेङ पोनट्स राइजि, गलातिया इलाका, कापाडोकिया, एसिया प्रदेस कालाउ बिथिनिया प्रदेसको भेनेङ-भेनेङ सहरगेलाइता हिखे।

1पतरुस 2:8

कालाउ आरोङ धर्मसास्तरता लेखेका हि, इदोइ उन्ठुइ द्‍याङगेलाइहेङ भोनोइता थुन्हा पावा, इदोइ एनोङ उन्ठुइ हि, “जाइ नेलाइहेङ थुन्हा पावा।” इम्बालाइ एन्सा थुन्हावा, हाइपालिपानु इम्बालाइ परमेस्वरको बचन केम्लिसो इन्कार पाखे। इदोइ दोङ परमेस्वर इम्बालाइको भाअ्सिङ परमेस्वरको योजाना पाका हि।

२ पत्‍रुस 2:1

हेन्जाङ सोमोइ लाम्फा इस्राएल सारभिको द्‍याङगेलाइको माझाता धातुवा आगमबक्तागेलाइ बुङ हिघाहि, एन्साङ दोङ नेलाइको माझाता बुङ धातुवा सिक्स्कगेलाइ बुङ ह्याङ। इम्बालाइ सिकापा नेलाइको मन्डलिता दुल्लावा कालाउ नेलाइहेङ परमेस्वरको बारेता बिनासकारि धाताइका सिक्स्यागेलाइ दोअ्तावा। इम्बालाइ ख्रिस्टहेङ ताइको प्रभुको रुपता इन्कार पावा, जाइ नेलाइहेङ पापगेलाइसो स्वतन्तर पाहि। हाइपालिपानु इम्बालाइ एन्सा पाखे, इम्बालाइ ताइमिङता नासाका चुमाखे।

२ पत्‍रुस 2:14

इम्बालाइ ताइमि खाङका गोताङ बेजान दोफा कासिबिरि पालि भोखे। इम्बालाइ पाप पालि दाउ भोलि हेलाउ बुङ मालाखे। इम्बालाइ उङको द्‍याङगेलाइहेङ धोका पिखे, जाइ ख्रिस्टहेङ पुरा रुपहोइ खाङधुरि मापाखे कालाउ इम्बालाइहेङ पापता थोङखे। हाइपालिपानु इम्बालाइको हेन्जा काथागेलाइको बाढेका इच्छाको कारन, परमेस्वर इम्बालाइहेङ साजाइ प्याङ।

२ पत्‍रुस 3:14

ओदोङ भाअ्सिङ आनाउगेलाइ, नेलाइ इदोङ काथागेलाइ जेङका आस पाकाताङ पाका कारन परमेस्वरहेङ लेङचापालि, पबित्तरो कालाउ मादुसिका जिबन जियाइसु कालाउ एमिसो-भेनेङ दोफा सान्तिसो हिसु।

२ पत्‍रुस 3:2

का एसा पाखा, हाइपालिपानु परमेस्वरको पबित्तरो बक्तागेलाइ हेन्जा सोमोइ लाम्फा धुइका बचन कालाउ केलाइको प्रभु येसु ख्रिस्ट, केलाइको मुक्ति दाताको सिक्स्याहेङ नेलाइ फोम पासुना दोअ्का का चाहिखा, जेदोङ नेलाइकोता लोका साल्न्हाका चात्यागेलाइ नेलाइहेङ धिरपाका हिघाहि।

यहुदा 1:4

का इदोइ लेखेदोङखा हाइपालिपानु आधिमि द्‍याङगेलाइ नेलाइको मन्डलिता नेलाइ दोफा झ्वाइनाका हि, जाइ येसु ख्रिस्टता खान्धुराइ जेङका तिङपाखे। इम्बालाइ परमेस्वरको आदार मापाखे कालाउ इम्बालाइ गलत धिरपाखे कि, हाइपालिपानु परमेस्वर ताइको आनुग्रह पाहासो केलाइको पाप स्यामा पाखे। केलाइ आनाइतिक जिबन बितिपालि द्वाङ। इम्बालाइ येसु ख्रिस्टहेङ इन्कार पाखे, जाइ केलाइको एमि खिनिङ ग्रिहि कालाउ प्रभु हि, हेन्जा सोमोइ लाम्फा, धर्मसास्तर दोअ्खे कि परमेस्वर इन्सिका द्‍याङगेलाइहेङ साजाइ प्याङ।