२ पत्‍रुस 3:15 - Dhimal NT

¹⁵ इदोइ बारेता सोचिसु, केलाइको प्रभु धर्य हि, हाइपालिपानु वा नेलाइहेङ लोका न्यायसो बान्चिलि कालाउ खाअ्लि माउका पिदोङखे। केलाइको आनाउ खान्धुराइ ओने पावलहेङ बुङ परमेस्वरसो पिका बुद्दिहेङ प्रयोग पातेङ इदोइ काथा नेलाइहेङ एनोङ पात्ताराता लेखेका हिघाहि।

धिमाल

¹⁵ केलाइको प्रभुको धिरताहेङ छुटकाराभाइपाङ फोमपासु। केलाइको मोन्‍दाताका, ओने पावल बुङ वासेहेङ पिन्‍हाका आकिलआन्‍सार नेलाइहेङ इदोङ काथा लेखेहि।

२ पत्‍रुस 3:15 Iomraidhean Croise

लुका 21:15

हाइपालिपानु का नेलाइहेङ इसिका काथागेलाइ घुरिपालि बुद्दि प्याङका, कि नेलाइको बिरोधिगेलाइको नुइ तुपापियाङका।

साल्न्हाका चात्या 15:25

ओदोङ भाअ्सिङ केलाइ झाराङ एमत जेङतेङ आधिमि द्‍याङगेलाइहेङ चुनिका निर्नय पानाहि। कालाउ इम्बालाइहेङ केलाइको आनाउ ओने पावल कालाउ बार्नाबास दोफा नेलाइकोता दिङगिल्लि केलाइहेङ उचित लागिहि।

साल्न्हाका चात्या 7:10

परमेस्वर योसेफहेङ वाको गोताङ कस्टगेलाइसो लाअ्पातेङ मिस्रो सारभिको राजा फारोहोको आगाता वासेहेङ क्रिपा पाहि, कालाउ बुद्दि पिहि। कालाउ राजा फारोहो योसेफहेङ मिस्रो सारभि कालाउ वाको गोताङ दरबारको हाकिम बानाइहि।

साल्न्हाका चात्या 9:17

कालाउ हननिया हानितेङ इङको साअ् लिता दुल्हि जेता साउल हिघाहि, वा ताइको खुर साउलकोता ताअ्हि कालाउ दोअ्हि, “ओने साउल, जेदोङ प्रभु येसु नाअ् लोलाउ दामाता नाङकोता देखाल जेङका हिघाहि, वा दोङ कासेहेङ नाङकोता दिङगिल्का हि, कालाउकि नाअ् आरोङ मिसियाँ तिङलि द्वाको कालाउ पबित्तरो आत्माता पोङघातेङ हि।”

रोमि 2:4

परमेस्वरको क्रिपा नासेहेङ पाप पालिसो लाअ्पावा कालाउ परमेस्वर भारि घुरिपावा दोअ्का थाहा निङतेङ, हाइ नाअ् वाको दाया, सहनसिलता कालाउ धैर्यताहेङ तुच्छ थानिखेना?

1 कोरिन्थि 12:8

परमेस्वर पबित्तरो आत्मासो आधिमिहेङ बुद्दिको काथा दोअ्का, आधिमिहेङ ओदोङ पबित्तरो आत्माहोइ ग्यानको काथा दोअ्का बरदानगेलाइ पिखे।

1 कोरिन्थि 2:13

जेदोङ काथा केलाइ धुइनाखे, इङको काथागेलाइ द्‍याङको बुद्दिहोइ धिर्पाका काथा माको, कालाउ पबित्तरो आत्माहोइ धिर्पाका काथागेलाइ दोङ दोअ्नाखे कालाउ पबित्तरो आत्मासोङ इङको आत्मिक काथागेलाइको आर्था बुझाइ पानाखे।

1 कोरिन्थि 3:10

परमेस्वर पिका बरदान आन्सार साअ् धाम्का सिपालु मिस्तिरि भाइपाङ का साअ्को जग योम्पाघा, कालाउ बोगेलाइ चाहि इङको ह्रुता साअ् धाम्काताङ हानिखे। इङको ह्रुता साअ् धाम्का गोताङ द्‍याङ हेसा धाम्लि गोइका हि दोअ्तेङ रेम्फा बिचार पाको।

एफिसि 3:3

परमेस्वर कासेहेङ वाको म्होनाका योजाना देखाल पिका हि, जाइको बारेता का लाम्फा दोङ आधे काथा लेखेलि दोका हिघा।

1तिमोथि 1:16

कालाउ येसु ख्रिस्ट कासेहेङ क्रिपा तिङपाहि, कि का पापिगेलाइ मध्येसो हेन्जा पापि हिलाउ बुङ स्यामा पितेङ तिङपाहि कि, वा ओसारापाङ सहनसिल हि। कालाउकि का न्हुसो वाको ह्रुता खाङधुरि पातेङ आनान्त जिबन निङकागेलाइको भाअ्सिङ का एनोङ उधाहरन जेङलि द्वाको।

याकुब 1:5

कालाउ जेसापा नेलाइसो हासुहेङ बुङ बुद्दिको खाचो हिनु उद्दार चित्ताहोइ मादुसिका परमेस्वर दोफा वा ह्रेकाको, कालाउ वा वासेहेङ इङको प्यावा।

याकुब 3:17

कालाउ जेदोङ बुद्दि परमेस्वरसो लोखे इङको लाम्फाङ सुद्द हिखे, कालाउ इङको सान्तिप्रिय, मोनोइ, मिलिका, दायाहोइ कालाउ रेम्का कामहोइ भरिका, पक्स्य पात मान्थुका कालाउ छल माकोसिङ हिखे।

1पतरुस 3:20

इदोइ ते इङको आत्मागेलाइ हिघाहि, जाइ हेन्जाङ सोमोइ लाम्फा परमेस्वरको आग्या माकेम्हि। जेलाउ नुहा ताइको जाहाज बानाइदोङघाहि, कालाउ द्‍याङगेलाइ पक्स्य पात पाङ कि दोअ्तेङ परमेस्वर धर्य पातेङ ह्रुतेङ हिघाहि। कालाउ येए झनाहेङ खिनिङ थिलि गोइका बानेसो बान्चिपाहि।

२ पत्‍रुस 3:2

का एसा पाखा, हाइपालिपानु परमेस्वरको पबित्तरो बक्तागेलाइ हेन्जा सोमोइ लाम्फा धुइका बचन कालाउ केलाइको प्रभु येसु ख्रिस्ट, केलाइको मुक्ति दाताको सिक्स्याहेङ नेलाइ फोम पासुना दोअ्का का चाहिखा, जेदोङ नेलाइकोता लोका साल्न्हाका चात्यागेलाइ नेलाइहेङ धिरपाका हिघाहि।

२ पत्‍रुस 3:9

आधिमि द्‍याङगेलाइ सोचिखे कि प्रभु ताइको धुरितेङ लोका प्रतिग्या पुरा लेद्रा पादोङखे। कालाउ प्रभु इङको तरिकाहोइ लेद्रा मापाखे। भरु वा नेलाइ दोफा धैर्य जेङतेङ हि। हाइपालिपानु वा हासुहेङ बुङ नासा पालि माचाहिखे। कालाउ झाराङ ताइको मनता बदिलिका कालाउ परमेस्वरता घुरितेङ लोका चाहिखे।