२ पत्‍रुस 2:9 - Dhimal NT

⁹ प्रभु इदोइ गोताङ कामगेलाइ पाकानाङ, या होइ इदोइ तिङपाखे कि वा धर्मि द्‍याङगेलाइहेङ ओबालाइको कस्टसो जोगाइलि कालाउ न्यायको दिना थेकापा दुस्ट द्‍याङगेलाइहेङ लागातार साजाइ पिलि गिखे।

धिमाल

⁹ एसापा ताइको चाकरगेलाइहेङ आपतको दिनाता जोगाइतेङ तअ्‌लि रो दुरजनगेलाइहेङ साजाइ पिलि नियाको दिनाथिकापा ताअ्‌लि प्रभु गेखे।

२ पत्‍रुस 2:9 Iomraidhean Croise

मत्‍ति 10:15

नेलाइहेङ का जातिङ भारि दोअ्खा, न्यायको दिनाता इम्बालाइको बेथा सोदोम सहरको कालाउ गमोराको खान्तेङ सहिलि दोका जेनाङ।

मत्‍ति 6:13

केलाइहेङ बार्का जाचिकाता माताअ्पि। कालाउ केलाइहेङ साइतानसो जोगाइ। हाइपालिपानु सासन, पराक्रम कालाउ महिमा जेलाउलाउको भाअ्सिङ नाङको दोङ। आमेन।

रोमि 2:5

कालाउ नेलाइ ताइको ह्रदयहोइ थाङ पातेङ पाप पालि लाअ्तेङ परमेस्वर भारि घुरिलि माभोसुन्हा। ओदोङ भाअ्सिङ जेलाउ परमेस्वर द्‍याङगेलाइको न्याय पाङ, कालाउ वा ताइको चेरचुङ तिङपातेङ नेलाइहेङ आझाइ थाङका दन्ड प्याङ।

1 कोरिन्थि 10:13

द्‍याङगेलाइहेङ आइ लागिका जाच बाहेक आरु जाचता नेलाइ परिका मान्थु सुन्हा। कालाउ परमेस्वर खाङधुरि योग्य हि, वा केलाइ सहिलि दोका खान्तेङ हेन्जा जाचता परिलि माप्याङ, जेलाउ केलाइ जाचता परिन्हाखे, वा केलाइहेङ जेलाउ बुङ खाअ्का दामा बुङ प्यावा। कालाउकि केलाइ इदोङ सहिलि द्वाको।

2 तिमोथि 3:12

परमेस्वरहेङ खुसि बानाइलि भोका कालाउ येसु ख्रिस्टता खाङधुरि पाका झाराङहेङ साताइयाङ।

तितस 2:14

केलाइहेङ पापको सरबुङसो बान्चिपालि कालाउ पबित्तरो बानाइलि येसु ख्रिस्ट ताइमिहेङ बलिदान पिहि, कालाउकि केलाइ वाकोङ द्‍याङ जेङलि द्वाको। कालाउ आसल कामगेलाइ पालि द्वाको।

२ पत्‍रुस 2:4

स्वर्गदुतगेलाइ पाप पालाउ परमेस्वर ओबालाइहेङ दन्ड पिलिसो मारोकिहि, कालाउ इङको दुतगेलाइहेङ नरकता थाइगिल्पिहि, जेता न्यायको दिना थेकापा ह्रुम्लिको भाअ्सिङ इम्बालाइहेङ दाकिलकिलकाता झिन्झिरिहोइ धेउतेङ ताअ्खे, कालाउ न्यायको दिनाता इम्बालाइ निङलि गोइका दन्ड निनावा।

२ पत्‍रुस 3:7

जेसाङ परमेस्वर प्रिथिबिहेङ सिरजिलि आग्या पाहि, एन्साङ दोङ वा आकास कालाउ प्रिथिबिहेङ मेता माओपा थेकापा इङकोहेङ हिलि आग्या पाका हिघाहि। वाको आग्या माकिका द्‍याङगेलाइहेङ वा न्याय कालाउ नासा पालिको भाअ्सिङ जोगाइतेङ ताअ्का हि।

यहुदा 1:6

नेलाइ उङको स्वर्गदुतगेलाइको बारेता बुङ सोचिलि गोइखे जाइ परमेस्वर इम्बालाइहेङ पिका खाबाराता सन्तुस्ति मान्थुघाखे, कालाउ स्वर्गता हिका थामेहेङ इम्बालाइ लाअ्हि। परमेस्वर इङको दुतगेलाइहेङ आनान्तको झिन्झिरिहोइ धेउतेङ कितिकितिकाता ताअ्का हि, जेता वा इम्बालाइहेङ इङको माहान दिनाको भाअसिङ ताअ्का हि, जेलाउ वा इम्बालाइहेङ आनान्त दन्ड प्याङ।

प्रकास 3:10

कस्ट भोगिलाउ नाअ् धर्य ताअ्तेङ काङको सन्देसहेङ आनुसरन पाअ्‌, ओदोङ भाअ्सिङ का नासेहेङ जाचिकाको सोमोइसोङ नासेहेङ बान्चि पाङका। इदोइ जाचिकाको सोमोइ इदोइ सुमिङको गोताङ द्‍याङगेलाइता ल्वाङ।