२ पत्‍रुस 2:7 - Dhimal NT

⁷ कालाउ सदोमहेङ नासा पालि लाम्फा वा लोतहेङ जोगेपाहि, जाइ एमि धर्मि द्‍याङ हिघाहि, लोत सहर लाअ्तेङ हानिहि कालाउ परमेस्वर वासेहेङ बान्चिपाहि। लोत हेन्जा चिन्ताता हिघाहि, हाइपालिपानु सदोम सहरको द्‍याङगेलाइ हिदोइ बुङ व्यवस्था माकेम्हि कालाउ लेदेर लुका कामगेलाइ पाहि।

धिमाल

⁷ वा दुरजनगेलाइको लेदेरपाका मारेम्‍का कामसो दिकदार जेङका धरमाति लोतहेङ बान्‍चिपाहि।

२ पत्‍रुस 2:7 Iomraidhean Croise

1 कोरिन्थि 10:13

द्‍याङगेलाइहेङ आइ लागिका जाच बाहेक आरु जाचता नेलाइ परिका मान्थु सुन्हा। कालाउ परमेस्वर खाङधुरि योग्य हि, वा केलाइ सहिलि दोका खान्तेङ हेन्जा जाचता परिलि माप्याङ, जेलाउ केलाइ जाचता परिन्हाखे, वा केलाइहेङ जेलाउ बुङ खाअ्का दामा बुङ प्यावा। कालाउकि केलाइ इदोङ सहिलि द्वाको।

२ पत्‍रुस 2:18

इम्बालाइ उङको द्‍याङगेलाइहेङ लोभ्याइपाखे जाइ भरखङ खान्धुराइ जेङका हि कालाउ दुस्ट द्‍याङगेलाइको पाका काम पालि लाअ्का हि। इम्बालाइ इम्बालाइको पापि मानिमुइ स्वभाबहोइ खाराब कामगेलाइ पालि तोङपातेङ इम्बालाइहेङ पापको लोभता फासाइपाखे।

२ पत्‍रुस 2:2

ताइमि खान्धुराइ हिघा दोअ्का हेन्जाङ इदोङ धाताइका सिक्स्यकगेलाइको आनैतिक्ता काथाको आनुसरन पाखे, ओदोङ भाअ्सिङ खाङधुरि मापाका बो द्‍याङगेलाइ सत्ये दामाको बारेता बिरोध पावा।

२ पत्‍रुस 3:17

ओदोङ भाअ्सिङ काङको आनाउ सानाइतिगेलाइ, नेलाइहेङ लाम्फा दोङ थाहा हि कि इदोङ काथागेलाइ जेनाङ। ओदोङ भाअसिङ चङख हिसु नियम मामानिका द्‍याङगेलाइ नेलाइहेङ धाताइतेङ माआवाइ तुपाको। जेसापा नेलाइ इम्बालाइको आनुसरन पासुना पानु, नेलाइ सत्ये काथाता खाङधुरि पालि लाअ्स्वाना।

यहुदा 1:4

का इदोइ लेखेदोङखा हाइपालिपानु आधिमि द्‍याङगेलाइ नेलाइको मन्डलिता नेलाइ दोफा झ्वाइनाका हि, जाइ येसु ख्रिस्टता खान्धुराइ जेङका तिङपाखे। इम्बालाइ परमेस्वरको आदार मापाखे कालाउ इम्बालाइ गलत धिरपाखे कि, हाइपालिपानु परमेस्वर ताइको आनुग्रह पाहासो केलाइको पाप स्यामा पाखे। केलाइ आनाइतिक जिबन बितिपालि द्वाङ। इम्बालाइ येसु ख्रिस्टहेङ इन्कार पाखे, जाइ केलाइको एमि खिनिङ ग्रिहि कालाउ प्रभु हि, हेन्जा सोमोइ लाम्फा, धर्मसास्तर दोअ्खे कि परमेस्वर इन्सिका द्‍याङगेलाइहेङ साजाइ प्याङ।