२ पत्रुस 2:3 - Dhimal NT3 इदोङ सिक्स्यकगेलाइ चिचाहा जेनावा, कालाउ नेलाइसो ताका निङलिको भाअ्सिङ नेलाइहेङ दन्त्य काथागेलाइ हिङपातेङ इम्बालाइ नेलाइहेङ धोका प्यावा। परमेस्वर इम्बालाइहेङ साजाइ प्याङ दोअ्तेङ हेन्जाङ लाम्फा दोङ निर्नय पालि दोका हि कालाउ वा इङको पालि तियार हि। वा निसित इम्बालाइहेङ नासा पाङ। Faic an caibideilधिमाल3 लोभलालचता वालातेङ इङको असत मास्टरगेलाइ काथा बान्हाइतेङ दोङ नेलाइसो लाभ र्हुकावा। कालाउ एम्बालाइको दारको काथाता लाम्फा दोङ निया जेङलिदोका हि रो जातिङकोङ एम्बालाइ मुअ्तावा। Faic an caibideil |
२ पत्रुस 2:3
43 Iomraidhean Croise
जेसाङ लाखुरिया ताइको भेडाहेङ सामाराइखे, नेलाइ बुङ झाराङहेङ सामाराइलि गोइस्वाना, जाइहेङ परमेस्वरको नेलाइको जिम्माता पिका हि। इङको ताइकोङ इच्छाहोइ पासु, हाइपालिपानु इङको दोङ परमेस्वर नेलाइ पाका चाहिखे। इङको कामहेङ करकापहोइ मापासु। इङको काम ताका निङलिको भाअसिङ मापासु, कालाउ परमेस्वर कालाउ द्याङगेलाइको सेवा पालि इच्छाहोइ या पासु।
हेन्जाङ सोमोइ लाम्फा इस्राएल सारभिको द्याङगेलाइको माझाता धातुवा आगमबक्तागेलाइ बुङ हिघाहि, एन्साङ दोङ नेलाइको माझाता बुङ धातुवा सिक्स्कगेलाइ बुङ ह्याङ। इम्बालाइ सिकापा नेलाइको मन्डलिता दुल्लावा कालाउ नेलाइहेङ परमेस्वरको बारेता बिनासकारि धाताइका सिक्स्यागेलाइ दोअ्तावा। इम्बालाइ ख्रिस्टहेङ ताइको प्रभुको रुपता इन्कार पावा, जाइ नेलाइहेङ पापगेलाइसो स्वतन्तर पाहि। हाइपालिपानु इम्बालाइ एन्सा पाखे, इम्बालाइ ताइमिङता नासाका चुमाखे।
नेलाइको भाअ्सिङ हेथे थिलि गोइका हि, नेलाइ आदमको चान कयिनको भाइपा ताइको जिबन मारेम्का तरिकाहोइ जियाइका हिसुना, जाइ ताइको ओनेहेङ मारा पाका हिघाहि। हाइपालिपानु वा डाहाहोइ पोङघाका हिघाहि, ओदोङ भाअ्सिङ परमेस्वर वाको ओनेको भोग सुइकार हि, कालाउ वाको भोग चाहि मासुइकार हि। इम्बालाइ हातारहोइ इङकोङ गल्ति पाका हि, जेदोङ बालाम ताका निङलिको भाअ्सिङ बो द्याङगेलाइहेङ पाप पालि लागाइका हिघाहि। जेसाङ कोरह ताइको बिद्रोहको कारन नासाका हिघाहि, उङको द्याङगेलाइ प्रभुको बिरोधता बिद्रोह पाकाको कारन नासातावा।
का इदोइ लेखेदोङखा हाइपालिपानु आधिमि द्याङगेलाइ नेलाइको मन्डलिता नेलाइ दोफा झ्वाइनाका हि, जाइ येसु ख्रिस्टता खान्धुराइ जेङका तिङपाखे। इम्बालाइ परमेस्वरको आदार मापाखे कालाउ इम्बालाइ गलत धिरपाखे कि, हाइपालिपानु परमेस्वर ताइको आनुग्रह पाहासो केलाइको पाप स्यामा पाखे। केलाइ आनाइतिक जिबन बितिपालि द्वाङ। इम्बालाइ येसु ख्रिस्टहेङ इन्कार पाखे, जाइ केलाइको एमि खिनिङ ग्रिहि कालाउ प्रभु हि, हेन्जा सोमोइ लाम्फा, धर्मसास्तर दोअ्खे कि परमेस्वर इन्सिका द्याङगेलाइहेङ साजाइ प्याङ।
इदोङ इस्राएललिगेलाइ कालाउ स्वर्गदुतगेलाइ भाइपाङ सोदोम कालाउ गमोरा सहरगेलाइता कालाउ इङको भेरपाको सहरगेलाइता हिका, द्याङगेलाइहेङ जेङका काथा फोम पासु। द्याङगेलाइ आनाइतिक जेङका हिघाहि कालाउ गोताङ खाल्को कासिबिरिहोइ भरिका हिघाहि। ओदोङ भाअ्सिङ परमेस्वर इम्बालाइहेङ मेता दुहि। इम्बालाइ दोफा हिका काथा धाताइका सिक्स्यकगेलाइको भाअ्सिङ चेताउनि जेङका हि कि, इम्बालाइहेङ आनान्त थेकापा मेता साजाइ प्याङ।
Sanasan