२ पत्‍रुस 2:18 - Dhimal NT

¹⁸ इम्बालाइ उङको द्‍याङगेलाइहेङ लोभ्याइपाखे जाइ भरखङ खान्धुराइ जेङका हि कालाउ दुस्ट द्‍याङगेलाइको पाका काम पालि लाअ्का हि। इम्बालाइ इम्बालाइको पापि मानिमुइ स्वभाबहोइ खाराब कामगेलाइ पालि तोङपातेङ इम्बालाइहेङ पापको लोभता फासाइपाखे।

धिमाल

¹⁸ एम्‍बालाइ तुजुक रो निरबुदि काथागेलाइ पाखे। कालाउ जिउहेङ लालचपाका कामगेलाइ तिङपातेङ असतसो घुरिकालाइहेङ बुङ फासेपाखे।

२ पत्‍रुस 2:18 Iomraidhean Croise

साल्न्हाका चात्या 2:40

पतरुस इम्बालाइहेङ आरु हेन्जा काथागेलाइसो साक्सि पिहि, कालाउ एसा दोअ्तेङ आर्ति पिहि, ताइमिहेङ नेलाइ इदोइ दुस्ट पुस्तासो बान्चिपासु।

साल्न्हाका चात्या 8:9

इङको सहरता सिमोन मिङ हिका एमि द्‍याङ हिघाहि। वा लाम्फासोङ जादु पातेङ सामारिया जिल्लाको द्‍याङगेलाइहेङ भारभुसाइका बानाइका हिघाहि, कालाउ वा ताइमिङ हेन्जा बार्का हिघा दोअ्तेङ दाबि पाघाखे।

रोमि 13:13

केलाइ कितिकितिकाता माको भरु नितिमा रेम्का काम पाका द्‍याङगेलाइ भाइपा ब्यभार पाइने। मोज्मज्जा पालि, आम्लि, कासिबिरि पालि, आखेका काम पालि, चेरसुका कालाउ बोमिको मि तु पालि लाअ्ताइने।

एफिसि 4:17

ओदोङ भाअ्सिङ प्रभुको पिका खाबारासो का या दोअ्खा, कि परमेस्वरहेङ मानाल्का द्‍याङगेलाइ कोनिङ उदेस्य मान्थुका जिबन माजियाइने।

2 थेस्लोनिकि 2:4

वा दोङ परमेस्वरको बिरोध पाखे, कालाउ द्‍याङगेलाइ पुजिका गोताङ आनेमानेगेलाइको बिरोध पाखे, कालाउ इङको खान्तेङ ताइमिहेङ बारका सम्झिखे, इता थेकापा कि ताइमिहेङ परमेस्वर दोङ हिघा दोअ्तेङ झाराङहेङ दोअ्खे, कालाउ इङको दुस्ट द्‍याङ परमेस्वरको मुन्दिरता हिखे।

याकुब 5:5

नेलाइ इदोइ प्रिथिबिको सुख-बिलास कालाउ मोज्माज्जाता मस्त रामाइतेङ हिसुना। इसिका पातेङ नेलाइ इङको गुपुसगेलाइ भाइका दोङ हिसुना, जाइहेङ चाअ्लिको भाअ्सिङ सेअ्लि खान्तेङ लाम्फा तोइका बानाइखे। इङको गुपुसगेलाइ भाइपा नेलाइहेङ बुङ थाहा मान्थु कि नेलाइको न्याय भेरपाङ हि।

२ पत्‍रुस 1:4

कालाउ वाको महिमा कालाउ भलाइको कारन वा केलाइहेङ हेन्जा बार्का कालाउ आनमोल प्रतिग्यागेलाइ पिका हि, इदोइ बरदानगेलाइ प्रयोग पातेङ केलाइ इदोइ सुमिङको खाराब इच्छागेलाइसो जोगिलि द्वाङ, जाइ केलाइहेङ हान्ति पाखे, कालाउ परमेस्वरको ताइकोङ स्वभाबता झ्वाइनालि द्वाङ।

२ पत्‍रुस 2:14

इम्बालाइ ताइमि खाङका गोताङ बेजान दोफा कासिबिरि पालि भोखे। इम्बालाइ पाप पालि दाउ भोलि हेलाउ बुङ मालाखे। इम्बालाइ उङको द्‍याङगेलाइहेङ धोका पिखे, जाइ ख्रिस्टहेङ पुरा रुपहोइ खाङधुरि मापाखे कालाउ इम्बालाइहेङ पापता थोङखे। हाइपालिपानु इम्बालाइको हेन्जा काथागेलाइको बाढेका इच्छाको कारन, परमेस्वर इम्बालाइहेङ साजाइ प्याङ।

२ पत्‍रुस 2:2

ताइमि खान्धुराइ हिघा दोअ्का हेन्जाङ इदोङ धाताइका सिक्स्यकगेलाइको आनैतिक्ता काथाको आनुसरन पाखे, ओदोङ भाअ्सिङ खाङधुरि मापाका बो द्‍याङगेलाइ सत्ये दामाको बारेता बिरोध पावा।

२ पत्‍रुस 2:20

जेलाउ द्‍याङगेलाइ येसु ख्रिस्टहेङ ताइको प्रभु कालाउ मुक्ति दाता दोअ्तेङ नाल्तेङ सुमिङको दुस्टसो खाअ्खे। कालाउ एला इम्बालाइ आरोङ मारेम्का काम पालि झ्वाइन्हाका हि कालाउ इङको मारेम्का काथागेलाइहोइ एला इम्बालाइ ख्रिस्टहेङ आसुइकार पाका इम्बालाइको न्हुसोको आबास्था खान्धुराइ जेङलि लाम्फाको खान्तेङ आझाइ झन खाराब जेङखे।

२ पत्‍रुस 2:7

कालाउ सदोमहेङ नासा पालि लाम्फा वा लोतहेङ जोगेपाहि, जाइ एमि धर्मि द्‍याङ हिघाहि, लोत सहर लाअ्तेङ हानिहि कालाउ परमेस्वर वासेहेङ बान्चिपाहि। लोत हेन्जा चिन्ताता हिघाहि, हाइपालिपानु सदोम सहरको द्‍याङगेलाइ हिदोइ बुङ व्यवस्था माकेम्हि कालाउ लेदेर लुका कामगेलाइ पाहि।

२ पत्‍रुस 3:17

ओदोङ भाअ्सिङ काङको आनाउ सानाइतिगेलाइ, नेलाइहेङ लाम्फा दोङ थाहा हि कि इदोङ काथागेलाइ जेनाङ। ओदोङ भाअसिङ चङख हिसु नियम मामानिका द्‍याङगेलाइ नेलाइहेङ धाताइतेङ माआवाइ तुपाको। जेसापा नेलाइ इम्बालाइको आनुसरन पासुना पानु, नेलाइ सत्ये काथाता खाङधुरि पालि लाअ्स्वाना।

यहुदा 1:13

जेसाङ समुन्द्रको बल्लियाका उलाउ-उल्लाउका छाल्कागेलाइहोइ नाका चिहोइ थोसिको फिज भाइका चुमाखे, इङको द्‍याङगेलाइ लेदेर लुका कामगेलाइ पाखे। जेसाङ आधे फुरुगेलाइ दामा आवाइगिल्का हिखे कालाउ इङकोगेलाइता भर परिलि मादोखे, एन्साङ दोङ नेलाइ उङको द्‍याङगेलाइहेङ पिताइलि माएल। ओदोङ भाअ्सिङ जेलाउलाउको भाअ्सिङ कितिकितिकाता परमेस्वर इम्बालाइको भाअ्सिङ ए थामे ताअ्का हि, जेता हिदोइ बुङ थाअ्साइका मान्थुखे।

प्रकास 13:11

कालाउ न्हुसो, का आरोङ एनोङ राक्सेसहेङ प्रिथिबिसो बाहार ओल्लेतेङ हिका तिङघा। वाको बुङ थुमाको भाइका न्हेनोङ दाङगेलाइ हिघाहि। कालाउ जेलाउ वा नुइ धुइहि, वाको गाला बारका आजिङगरको भाइपाङ हिघाहि।