२ पत्‍रुस 2:10 - Dhimal NT

¹⁰ वा पाक्का दोङ उङको धातुवा सिक्स्यकगेलाइहेङ दन्ड प्याङ, जाइ ताइको दुस्ट, लेदेर लुका इच्छा आन्सार काम पाखे, कालाउ इम्बालाइ ह्रुता परमेस्वरको खाबाराता हिका इन्कार पाखे। इम्बालाइ जिद्दि कालाउ आहङकारि हिखे, इम्बालाइ स्वर्गता हिका महिमित प्रानिगेलाइको बारेता आपामान पालि माथिखे।

धिमाल

¹⁰ खासपातेङ एम्‍बालाइहेङ, जाइ अपुनित पाका कामातुरता वालातेङहिखे रो परमेस्‍वरको खाबाराहेङ आनादर पाखे। एबालाइ अजिर, तुजुकि हिखे रो सादेलचरगेलाइको इजत बुङ मापाखे। भुरुङ उल्‍ताङ बादनामि पाखे।

२ पत्‍रुस 2:10 Iomraidhean Croise

लुका 11:25

जेलाउ वा इन्सिका थामे हिसो बुङ मानिङलाउ लाम्फाको हिका द्‍याङकोता हानाङका दोअ्तेङ वा घुरिखे। इन्ता लोलाउ उङको द्‍याङको जिबन एनोङ साफा साअ् भाइका निङखे।

लुका 19:14

कालाउ ताइको सारभिता हिका आरु द्‍याङगेलाइ वासेहेङ मन्दा माताघाहि। कालाउ इम्बालाइ आधे ताइको सुसमाचार पिगिल्कालाइ एसा दोअ्लि दिङगिल्हि, केलाइ इदोइ द्‍याङहेङ राजा बानाइलि मन्दा मातानाखे।

साल्न्हाका चात्या 23:5

पावल दोअ्हि, “ओइ ओनेगेलाइ, कासेहेङ थाहा मान्थुघाखे, कि वा प्राधान पुजारि हि। हाइपालिपानु धर्मसास्तरता लेखेका हि, ‘नाअ् ताइको द्‍याङगेलाइको आगुवाको बिसोइता आखेका काथागेलाइ पालि माएल।’”

रोमि 8:1

ओदोङ भाअ्सिङ, एला ख्रिस्ट येसु दोफा हिकालाइहेङ परमेस्वर मादुसिताङ।

1 कोरिन्थि 6:9

दुस्ट द्‍याङगेलाइ परमेस्वरको सासनता दुल्लि मानिनाङ दोअ्का काथा नेलाइहेङ थाहा दोङ हि। हासु बुङ नेलाइहेङ धोका मापियाको, छाडा काम पाका द्‍याङगेलाइ, मुर्ति पुजा पाकालाइ, कासिबिरिगेलाइ, बेजान दोफा बेजान जिम्कालाइ, वाबाल दोफा वाबाल जिम्कालाइ,

2 कोरिन्थि 10:3

हाइपालिपानु केलाइ इदोइ सुमिङता हिनाखे, कालाउ बुङ इदोइ सुमिङको द्‍याङगेलाइ भाइपाङ केलाइ ताइको सतुरु दोफा धुम मापानाखे।

एफिसि 4:19

हाइपालिपानु इम्बालाइ एला मालेदेरखे, इम्बालाइ मारेम्का काम भारि ताइको मन लागाइका हि, इम्बालाइ गोताङ खाल्को मारेम्का काम पाखे कालाउ इम्बालाइ आझाइ हेन्जा पालि भोखे।

एफिसि 5:5

हाइपालिपानु नेलाइहेङ थाहा दोङ हि, कि हिदोइ बुङ कासिबिरि पाका, आसुद्द द्‍याङ, माकुनु चिचा द्‍याङ ख्रिस्ट कालाउ परमेस्वरको सासनको भागिदार माजेङखे। हाइपालिपानु चिचा पालि चाहि मुर्ति पुजिका भाइका हि, जाइ सुमिङको आनेमानेको आराधाना पाखे।

कलस्सि 3:5

ओदोङ भाअ्सिङ नेलाइ ताइको पुर्ना पापमय स्वभाबहेङ लाअ्सु जिसिकाङ: इदोइ गोताङ खाल्को कासिबिरि, आसुद्दता, कामुकता, आखेका इच्छा, दिलि, जेदोङ मुर्ति पुजा भाइका दोङ हि।

1 थेस्लोनिकि 4:7

हाइपालिपानु परमेस्वर केलाइहेङ आपबित्तरो जिबन माको, भरु पबित्तरो जिबन जियाइलि काइका हि।

2 तिमोथि 3:2

हाइपालिपानु द्‍याङगेलाइ ताइमिहेङ खिनिङ माया पाका, धनको लोभ पाका, आहाङकारि, घमन्डि, ताइमिहेङ बार्का फोम पाका, आरु द्‍याङगेलाइहेङ निन्दा पाका, ताइको आमाइ-आबाको आग्या माकेम्का, आरुको गुन मातिङका कालाउ आपबित्तरो हिखे।

तितस 1:7

हाइपालिपानु मन्डलिको आगुवा परमेस्वरको कामको जिम्मा ह्रुका हिखे, ओदोङ भाअ्सिङ वाकोता हिदोइ बुङ दुसिका हिलि माएल। वा ताइकोङ काथाता जिद्दि पाका, धेमाङ चेर ताम्पाका, गोरा चि आमका, बल दिका कालाउ ताकाको लोभ मापाका द्‍याङ हिलि गोइखे।

हिब्रु 13:4

झाराङको माझाता बिहु चाहि आदारनिय ह्याको, कालाउ एमिसो-भेनेङ दोफा जेलाउ बुङ खाङधुरि योग्य जेङतेङ हिसु, हाइपालिपानु दुराचारि कालाउ कासिबिरिगेलाइको न्याय परमेस्वर पावा।

२ पत्‍रुस 3:3

झाराङ खान्तेङ महत्य पुर्न काथा या हि कि नेलाइ या बुझिलि गोइखे कि आम्तिम दिना खान्तेङ ठिक लाम्फाको दिनागेलाइता आधिमि द्‍याङगेलाइ देखाल जेनावा, जाइको जिबन ताइकोङ लान्सा पाहासो काबुता हिखे। इम्बालाइ ख्रिस्ट धुरितेङ लोका काथाहेङ खुजालाइतेङ उडाइपावा।

यहुदा 1:10

कालाउ इदोइ द्‍याङगेलाइ मागिका काथागेलाइको बिरोध, आनादारको सब्दगेलाइ प्रयोग पाखे। कालाउ माबुझिका गुपुस भाइपा ताइमि मागिका काथागेलाइ पाखे, इन्सिका काम पातेङ इम्बालाइ ताइमिहेङ हान्ति पाखे।

यहुदा 1:16

इदोइ द्‍याङगेलाइ जेलाउ बुङ परमेस्वरको बिरोधता नुइ धुइखे कालाउ आरु द्‍याङगेलाइता खिनिङ दुसिका निङखे। इम्बालाइको ह्रदयहोइ गोइका आन्सार इम्बालाइ निरन्तर कु-काम पाखे। इम्बालाइ ताइमि दोङ ताइको बारेता घमन्ड काथागेलाइ पाखे, कालाउ ताइको फाइदाको भाअ्सिङ आरु द्‍याङगेलाइको भाअ्सिङ भानाइदारि पाखे।

यहुदा 1:18

इम्बालाइ दोअ्का हिघाहि, “आखिरि दिनागेलाइता प्रभु कालाउ वाको द्‍याङगेलाइको खुजालाइका जेनावा। उङकोङ द्‍याङगेलाइको जिबन ताइको लान्छाहोइ काबुता जेङका हिखे।”

यहुदा 1:4

का इदोइ लेखेदोङखा हाइपालिपानु आधिमि द्‍याङगेलाइ नेलाइको मन्डलिता नेलाइ दोफा झ्वाइनाका हि, जाइ येसु ख्रिस्टता खान्धुराइ जेङका तिङपाखे। इम्बालाइ परमेस्वरको आदार मापाखे कालाउ इम्बालाइ गलत धिरपाखे कि, हाइपालिपानु परमेस्वर ताइको आनुग्रह पाहासो केलाइको पाप स्यामा पाखे। केलाइ आनाइतिक जिबन बितिपालि द्वाङ। इम्बालाइ येसु ख्रिस्टहेङ इन्कार पाखे, जाइ केलाइको एमि खिनिङ ग्रिहि कालाउ प्रभु हि, हेन्जा सोमोइ लाम्फा, धर्मसास्तर दोअ्खे कि परमेस्वर इन्सिका द्‍याङगेलाइहेङ साजाइ प्याङ।