२ पत्‍रुस 1:9 - Dhimal NT

⁹ कालाउ जेसापा एमि द्‍याङ एसापा जिबन माजियाइ नु, उङको एमि रेम्फा मिसियाँ तिङलि मादोका कान्हाँ द्‍याङ भाइका दोङ हि। वा इङको निल्का हि, कि ख्रिस्टता खाङधुरि पालि खान्तेङ लाम्फा वाको पाका पाप परमेस्वर स्यामा पापिका हि।

धिमाल

⁹ कालाउ बुङ इसिका आनिबानि मान्‍थुका द्‌याङगेलाइचाहिँ रेम्‍फा मिँ मातिङका जेङखे। इङको लाम्‍फा पाका कुकरम परमेस्‍वर माफ पिका काथा दोङ निल्‍लिदोका हिखे।

२ पत्‍रुस 1:9 Iomraidhean Croise

मर्कुस 10:21

येसु वासेहेङ मायारु पातेङ खाङहि कालाउ दोअ्हि, “नाअ् एनोङ भेनेङ काम पालि जरुरि हि। हानितेङ ताइको गोताङ धन-सम्पति पिइतेङ ताका गरिबगेलाइहेङ पि। परिनाम स्वरुप नाङको भाअ्सिङ स्वर्गता धन ह्यवा। लौउ कालाउ काङको चात्या जेङ।”

लुका 18:22

इङको काथा येसु हिङलि दोअ्तेङ वासेहेङ दोअ्हि आरोङ एनोङ काम पालि गोइका हि। नाअ् दोफा जेथे हि इङको गोताङ पितेङ गरिबगेलाइहेङ बाखाराइपि, कालाउ स्वर्गता धन निनाना कालाउ का दोफा लोसु कालाउ काङको चात्या जेङसु।

रोमि 6:11

एन्साङ पातेङ नेलाइ बुङ ता-ताइमिहेङ पापको आधिनसो सिका, कालाउ ख्रिस्ट येसुता परमेस्वरको सेवाको भाअ्सिङ सिन्हुका दोअ्का थानिलि गोइखे।

गलाति 5:13

खान्धुराइ ओनेगेलाइ, परमेस्वर नेलाइहेङ स्वतन्तरो जेङलि काइका हि, ओदोङ भाअ्सिङ एला नेलाइहेङ मोसाको व्यवस्था मानितेङ हिलि मागोइयाङ। कालाउ इङको स्वतन्तरहेङ ताइको पापमय जिउको स्वभाव आन्सार काम पालि मापि, भरु ताइको स्वतन्तरोता एमिसो-भेनेङहेङ प्रेम पालि कालाउ साघाइलि प्रयोग पासु।

गलाति 5:6

जेसापा नेलाइ येसु ख्रिस्टको खान्धुराइगेलाइनु खाताना पालाउ बुङ मापालाउ बुङ हिदोइ बुङ फरक माजेङखे। कालाउ मुलि काथा या कि केलाइ ख्रिस्टता खाङधुरि पान्हाखे, कालाउ परमेस्वर कालाउ आरु द्‍याङहेङ बुङ प्रेम पान्हाखे।

एफिसि 5:26

कालाउकि वा मन्डलिहेङ बचन पाहासो कालाउ चिहोइ पातेङ सुद्द बानाइलि द्वाको।

तितस 2:14

केलाइहेङ पापको सरबुङसो बान्चिपालि कालाउ पबित्तरो बानाइलि येसु ख्रिस्ट ताइमिहेङ बलिदान पिहि, कालाउकि केलाइ वाकोङ द्‍याङ जेङलि द्वाको। कालाउ आसल कामगेलाइ पालि द्वाको।

हिब्रु 9:14

या सोचिसु कि सिका भारि चुम्पुका कामगेलाइसो ख्रिस्टको हितिहोइ केलाइको ह्रदयहेङ ते झन हेथे हेन्जा सुद्द बानाइलि दोखे, कालाउकि केलाइ सिन्हुका परमेस्वरको आराधाना पालि द्वाको, हाइपालिपानु आनान्त आत्माको सरबुङ पाहासो ताइमिहेङ केलाइको पापको भाअ्सिङ एमि सिद्द भोगको रुपता परमेस्वरहेङ चाढाइहि।

1पतरुस 3:21

पुर्ना सोमोइता इम्बालाइको मुक्ति एला केलाइको मुक्तिको रुप दोङ, जेलाउ केलाइ बप्तिस्ता ह्रुन्हाखे। केलाइ बप्तिस्ता ह्रुका चिहोइ केलाइको जिउसो मिधि माझानाखे, भरु इङको सङकेत हि कि केलाइ परमेस्वरसो माफ ह्रेका हिनाहि, कालाउकि केलाइको मन एला माआउलियाको। केलाइ स्यामा निङलि द्वाङ, हाइपालिपानु येसु ख्रिस्ट ताइको सिकासो आरोङ बान्चिका हि,

१ युहन्‍ना 1:7

कालाउ जेसाङ परमेस्वर ताइको पबित्तरोता आन्सार जेलाउ बुङ आसाल काम पाखे। एन्साङ जेलाउ केलाइ परमेस्वरको फाइसालामकाहोइ तिङपाका आसल काम पाखे कालाउ केलाइको सङगति एमिसो-भेनेङ दोफा हिखे, कालाउ वाको चान येसुको हितिहोइ केलाइ झाराङहेङ पापसो सुद्द पाखे।

प्रकास 3:17

नेलाइ दोअ्सुखेना कि, “का धनि हिघा कालाउ का दोफा हेन्जा सम्पति हि, कालाउ हाइ दोङ माचाहिखा।” कालाउ सत्ये या कि नाअ् कान्हाँ भाइका हिना, नाअ् बास्ताबता हिसिका हिघाखेना दोअ्का काथा नासेहेङ थाहा मान्थु। नासेहेङ दायाको खाचो हि, हाइपालिपानु नाअ् गरिब हिना, याको मतलब नाङको खाङधुरि आतुइसा हि। नाअ् बुङ इसिका द्‍याङगेलाइ भाइका हिना जाइ दोफा लोखोन धाबा मान्थु।