२ पत्‍रुस 1:5 - Dhimal NT

⁵ हाइपालिपानु नेलाइ परमेस्वरको स्वभाबता झ्वाइनालि बनिका हिसुना, नेलाइ ख्रिस्टता खाङधुरि पालि खिनिङ माको, कालाउ नेलाइ बोमिको भाअ्सिङ दिनाङ आसल काम पालि कोसिस पालि गोइखे। नेलाइ आसल काम खिनिङ पालि माको, कालाउ नेलाइ बुद्दिमान तरिकाहोइ ब्यभार पाका द्‍याङ बुङ जेङलि गोइखे।

धिमाल

⁵ इदोइखातिर जेथे दोका नेलाइको खान्‍धुरता रेम्‍का काम पालि दिनाङ बल पासु। कालाउ जाइ एल्‍का हि इङको पातेङ आकिल बुङ बार्‍हेपासु।

२ पत्‍रुस 1:5 Iomraidhean Croise

लुका 16:26

या गोताङ काथागेलाइ बाहेक, नेलाइ कालाउ केलाइको माझाता बुङ एनोङ बार्का वाङखाराका घारा हि। इतासो हासु बुङ नेलाइ हिका थामेता हानिलि मादोखे कालाउ इन्तासो बुङ इसो लोलि हासु बुङ मादोअ्खे।

लुका 24:21

वा दोङ इस्राएल सारभिको द्‍याङगेलाइहेङ रोमिगेलाइको बन्धनसो लाअ्पावाबे दोअ्तेङ केलाइ आस पाका हिघान्हाहि। कालाउ वासेहेङ क्रुस्टा तोइका नानि सुम दिना जेङहोइ।

युहन्‍ना 6:27

नासाका जेङका चाका आनेमानेको भाअ्सिङ मेहेनत मापासु, भरु आनान्त जिबन थेकापा हिका चालि-आम्लिको भाअ्सिङ मेहेनत पासु, का द्‍याङको चान जाइ नेलाइहेङ इङको चाका आमेने प्याङका, हाइपालिपानु आबा परमेस्वर दोङ कासेहेङ इसिका पालि खाबारा पिका हि।”

1 कोरिन्थि 14:20

खान्धुराइ ओनेगेलाइ, इदोइ काथागेलाइता नेलाइको सोचिका बिचारगेलाइता जामाललाइ भाइपा माजेङसु। मारेम्का काथागेलाइको भाअ्सिङ जामाललाइ भाइपा आन्जान जेङसु, कालाउ इसिका खाल्को काथा बुझिलिको भाअ्सिङ वाराङ द्‍याङ भाइपा जेङसु।

एफिसि 5:17

ओदोङ भाअ्सिङ मुर्ख माजेङसु, भरु बुद्दिमानि जेङसु कालाउ प्रभु नेलाइसो हाइ भोअ्खे इङको बुझिलि कोसिस पासु।

फिलिप्पि 1:9

का प्रार्थाना पाङका, कि परमेस्वरको ग्यान कालाउ बिबेकता ता-ताइमिको भाअ्सिङ नेलाइको प्रेम झन बाढेकाताङ हानाको,

फिलिप्पि 2:12

काङको आनाउ खान्धुराइ ओनेगेलाइ, का नेलाइ दोफा हिलाउ जेलाउ बुङ आग्या केम्का हिघा सुखेना। एला का नेलाइसो दुरे हिघा, ओदोङ भाअ्सिङ का नेलाइ दोफा माहिलाउ बुङ झन हेन्जा आग्याकारि हिलि गोइस्वाना। नेलाइ झाराङ थितेङ कालाउ फिरतेङ इङको काम पालि गोइखे, जेदोङ उङको द्‍याङगेलाइको भाअ्सिङ उचित हि, जाइहेङ परमेस्वर मुक्ति पिका हि।

फिलिप्पि 4:8

आम्तिमता खान्धुराइ ओनेगेलाइ, जेदोङ काथा सत्ये हि, जेदोङ काथा आदारनिय हि, जेदोङ काथा ठिक हि, जेदोङ काथा सुद्द हि, जेदोङ काथा झालाफालापा हि, जेदोङ काथा क्रिपामय हि, जेसापा हाइ दोङ स्रेस्थता, कालाउ बाखिन योग्य हाइ दोङ हि पानु इदोइ दोङ काथागेलाइता मन लागाइसु।

कलस्सि 1:9

नेलाइको बारेता इदोइ गोताङ काथागेलाइ केलाइ हिङका दिनासोङ, केलाइ नेलाइको भाअ्सिङ लागातार प्रार्थाना पातेङ हिनाहि। कालाउकि परमेस्वर नेलाइहेङ बुझिका ग्यान प्याको कालाउ नेलाइ वाको इच्छाहेङ पुरा रुपहोइ बुझिलि दोसु, वा नेलाइहेङ आत्मिक ग्यानता बुद्दिमानि बानाइयाको।

कलस्सि 2:3

परमेस्वरको बुद्दि कालाउ ग्यान म्होका सम्पति भाइकाङ हि। इङको चाहि ख्रिस्ट खिनिङ गिखे कालाउ गोताङ द्‍याङहेङ तिङपा पिखे।

हिब्रु 11:6

वाकोता खाङधुरि हिनु खिनिङ द्‍याङ परमेस्वरहेङ लेङचापालि द्वाङ, हाइपालिपानु परमेस्वरकोता लोकालाइ खाङधुरि पालि गोइखे, कि परमेस्वर हि कालाउ जातिङको वासेहेङ भोकालाइहेङ वा इनाम प्याङ।

हिब्रु 12:15

चङख हिसु, कि हिदोइ बुङ द्‍याङ परमेस्वरको आनुग्रह निङलिसो आसफल माजेनाको, “कालाउ हासु बुङ नेलाइको माझाता समस्या माचुमाको, इन्सिका खाल्को द्‍याङ नेलाइ हेन्जाङहेङ झुकिपावा।”

हिब्रु 6:11

केलाइको बार्का चाहाना इदोइ हि कि, नेलाइ बान्चिपा भरि दाया कालाउ मायारुको कामगेलाइ पातेङ हिसु, इदोइ निसित पालिको भाअ्सिङ कि, नेलाइको आस पाका काथा पुरा जेनावा। कालाउ नेलाइ आल्सि माजेङस्वाना। भरु नेलाइ इङको द्‍याङगेलाइको उधारन आनुसरन पास्वाना, जाइ खाङधुरि कालाउ ह्रुमतेङ हिका कारन नेलाइ परमेस्वरको प्रतिग्या निङस्वाना।

1पतरुस 3:7

एसापा दोङ नाअ् के गेलाइ ताइको बे गेलाइदोफा बिचारसिल जेङतेङ ब्यभार पासु। कालाउ नेलाइ इदोइ फोम ताअ्लि गोइखे कि इम्बालाइ नेलाइ खान्तेङ हुइका हि, ओदोङ भाअ्सिङ नेलाइ इम्बालाइको साम्मान पालि गोइखे। हाइपालिपानु नेलाइ न्हेमि दोङ परमेस्वरको आनुग्रह दोफाङ पिका बरदानता साझे होकदार हिसुना, जेदोङ आनान्त जिबन दोङ। एसा पासु कालाउकि जेलाउ नेलाइ वासेहेङ प्रार्थाना पास्वाना परमेस्वर हिङ प्याको।

२ पत्‍रुस 1:10

ओदोङ भाअ्सिङ खान्धुराइ ओनेगेलाइ, ताइमिहेङ कालाउ बो द्‍याङगेलाइहेङ इदोइ तिङपालि आझाइ आसल ब्यभार पालि कोसिस पासु कि परमेस्वर नेलाइहेङ ताइको द्‍याङ जेङलि साल्का कालाउ काइलि थानिका हि। जेसापा नेलाइ इन्सिका पासुखेना पानु नेलाइ पाक्का दोङ परमेस्वरसो हेलाउ बुङ माखेङन्हा स्वाना।

२ पत्‍रुस 1:11

कालाउ दोफाङ परमेस्वर नेलाइहेङ येसु ख्रिस्ट हिका राइजिता भब्य स्‍वागत पाङ, जाइ केलाइको प्रभु कालाउ मुक्ति दाता हिका हि, वा इन्ता जेलाउलाउको भाअ्सिङ राजा जेङतेङ राइजि पाङ।

२ पत्‍रुस 3:14

ओदोङ भाअ्सिङ आनाउगेलाइ, नेलाइ इदोङ काथागेलाइ जेङका आस पाकाताङ पाका कारन परमेस्वरहेङ लेङचापालि, पबित्तरो कालाउ मादुसिका जिबन जियाइसु कालाउ एमिसो-भेनेङ दोफा सान्तिसो हिसु।

२ पत्‍रुस 3:18

कालाउ नेलाइ लागातार केलाइको प्रभु कालाउ मुक्ति दाता येसु ख्रिस्टको आनुग्रह हेन्जा खान्तेङ हेन्जा आनुभब पातेङ हिलि गोइखे, कालाउ वाको बारेता नेलाइको बुझिकाता बाराकाताङ हानिलि गोइखे। वासेहेङ एला कालाउ जेलाउलाउ बुङ बाखिन ह्याको। आमेन।