२ पत्‍रुस 1:4 - Dhimal NT

⁴ कालाउ वाको महिमा कालाउ भलाइको कारन वा केलाइहेङ हेन्जा बार्का कालाउ आनमोल प्रतिग्यागेलाइ पिका हि, इदोइ बरदानगेलाइ प्रयोग पातेङ केलाइ इदोइ सुमिङको खाराब इच्छागेलाइसो जोगिलि द्वाङ, जाइ केलाइहेङ हान्ति पाखे, कालाउ परमेस्वरको ताइकोङ स्वभाबता झ्वाइनालि द्वाङ।

धिमाल

⁴ इदोङसो वा केलाइहेङ वाको दामि रो बाराका कबोलगेलाइ पिका हि, कोलाउ इदोइ दुनियाको मारेम्‍कालाल्‍सासो लोका आखेका काथासो खाअ्तेङ नेलाइ परमेस्‍वरको आनिबानिता भाग र्‍हुलि दोसु।

२ पत्‍रुस 1:4 Iomraidhean Croise

रोमि 9:4

इम्बालाइ का भाइकाङ इस्राएल सारभिको द्‍याङगेलाइ दोङ हि, कालाउ परमेस्वर इम्बालाइहेङ ताइको धर्म जामालको रुपता छाल्हि। कालाउ वा ताइको महिमा इम्बालाइहेङ देखाल पापिहि। एबालाइ दोफा दोङ कारार धेउहि, व्यवस्था पिहि, ताइको आराधाना पालि माउका पिहि, कालाउ वाको प्रतिग्यागेलाइ इम्बालाइ निङहि।

2 कोरिन्थि 1:20

हाइपालिपानु परमेस्वरको गोताङ प्रतिग्यागेलाइ ख्रिस्टता पुरा जेङखे। ओदोङ भाअ्सिङ परमेस्वरको महिमाको भाअ्सिङ केलाइ ख्रिस्ट पाहासो “आमेन” दोअ्नाखे।

2 कोरिन्थि 3:18

केलाइ झाराङ आइना कोनिङ नोसोइ मान्थुका ह्राइगेलाइता प्रभुको महिमा तिङपान्हाखे, कालाउ केलाइ वाको भाइपाङ परिबरतन जेङन्हाखे कालाउ केलाइको महिमा झन-झन हेन्जा बाढेका महिमाता वा भाइपाङ बानाइदोङखे, इदोइ प्रभुको काम दोङ, जेदोङ पबित्तरो आत्मा हि।

2 कोरिन्थि 6:17

“ओदोङ भाअ्सिङ परमप्रभु धर्मसास्तर पाहासो दोअ्खे, उङको खाङधुरि मापाकालाइको माझासो ओल्लेतेङ लोसु, कालाउ इम्बालाइसो नेलाइ खेङन्हासु, आसुद्द काथासो दुरे हिसु, कालाउ का नेलाइहेङ ग्रहन पाङका।

गलाति 3:16

इन्सिकाङ दोङ परमेस्वर आब्राहाम दोफा कालाउ वाको चानचुगेलाइ दोफा बाचा पाहि, “नाङको एमि हारागुयाटियासो गोताङ द्‍याङगेलाइ आसिस निनावा।” धर्मसास्तर हारागुटियागेलाइहेङ खिनिङ मादोअ्खे, भरु हेन्जा द्‍याङगेलाइहेङ दोअ्खे। कालाउ “हारागुटियागेलाइहेङ” दोअ्लाउ एमि द्‍याङको बिसोइता दोअ्खे, जाइ चाहि येसु ख्रिस्ट हि।

गलाति 6:8

हाइपालिपानु जेसापा हासु बुङ ताइको जिउको पापमय इच्छा पुरा पालि खाङखे पानु, वा आनान्ताको सिका निनावा। कालाउ जेसापा वा पबित्तरो आत्माको इच्छा पाहासो काम पाखे पानु, वा दोङ आनान्त जिबन निनावा।

एफिसि 4:13

केलाइ ताइको खाङधुरि पाहासो कालाउ परमेस्वरको चानको बारेता केलाइको फोम पाका पाहासो ए माजेङपा थेकापा इदोइ हितेङ ह्याङ। कालाउ केलाइ परिपक्क जेनाङ, कालाउ केलाइ वाको भाइपाङ जेनाङ, जेसाङ ख्रिस्ट हि।

कलस्सि 3:10

परमेस्वर एला नेलाइहेङ नावा द्‍याङ बानाइका हि, कालाउ वा नेलाइहेङ आझै हेन्जा ताइमिङ कोनिङ बानाइदोङखे। कालाउकि नेलाइ वासेहेङ आझै रेम्फासो बुझिलि दोसु।

हिब्रु 12:10

हाइपालिपानु केलाइको जिउको आबागेलाइ ते इम्बालाइहेङ ठिक लागेका आन्सार आले दिना थेकापा केलाइहेङ आनुसासनता ताअ्हि, कालाउ परमेस्वर केलाइको भालाइको भाअ्सिङ केलाइहेङ साजाइ पिखे, कालाउकि वा केलाइहेङ ताइमि भाइपा पबित्तरो बानाइयाको।

हिब्रु 9:15

ओदोङ भाअ्सिङ ख्रिस्ट द्‍याङगेलाइ दोफा नावा कारार धेउका हि, कालाउकि परमेस्वर पाहासो काइन्हाका द्‍याङगेलाइ वाको पाका प्रतिग्यासो आनान्तको भाअ्सिङ आसिस निङलि द्वाको। एसा बुङ जेङलि द्वाङ कि, हाइपालिपानु इम्बालाइ लाङ कारारता हिलाउ पाका पापको दन्डसो स्वतन्तरो पालिको भाअ्सिङ ख्रिस्ट सिहि।

याकुब 1:27

आबा परमेस्वरको आगाता सुद्द कालाउ पबित्तरो धर्म इदोइ दोङ हि: माउरिया कालाउ के सिकालाइहेङ इम्बालाइको दुखता खाङलि गोइखे कालाउ ताइमिहेङ सुमिङको मारेम्का काथागेलाइसो फारापा हिलि गोइखे।

२ पत्‍रुस 1:1

का, सिमोन पतरुस नेलाइहेङ लेखेदोङखा, का येसु ख्रिस्टको सेवक कालाउ छाल्न्हाका चात्या हिघा। का नेलाइ झाराङहेङ लेखेदोङखा, जाइ केलाइ झाराङको ओदोङ झोको आनमोल खाङधुरि निङका हि, इदोइ खाङधुरि केलाइको परमेस्वर कालाउ मुक्ति दाता येसु ख्रिस्ट पाहासो केलाइहेङ पिका हि, जाइ केलाइहेङ परमेस्वर दोफा धर्मि बानाइखे।

२ पत्‍रुस 3:13

कालाउ केलाइ परमेस्वरको प्रतिग्या पाका आन्सार वा नावा आकास कालाउ नावा प्रिथिबि बानाइका आस पानाखे। इन्ता धर्मि द्‍याङगेलाइ खिनिङ ह्याङ।

२ पत्‍रुस 3:9

आधिमि द्‍याङगेलाइ सोचिखे कि प्रभु ताइको धुरितेङ लोका प्रतिग्या पुरा लेद्रा पादोङखे। कालाउ प्रभु इङको तरिकाहोइ लेद्रा मापाखे। भरु वा नेलाइ दोफा धैर्य जेङतेङ हि। हाइपालिपानु वा हासुहेङ बुङ नासा पालि माचाहिखे। कालाउ झाराङ ताइको मनता बदिलिका कालाउ परमेस्वरता घुरितेङ लोका चाहिखे।

१ युहन्‍ना 2:25

परमेस्वर केलाइहेङ प्रतिग्या पाका हि, कि वा केलाइहेङ आनान्त जिबन प्याङ।

१ युहन्‍ना 3:2

ओइ आनाउ, एला केलाइ परमेस्वरको सान्तान दोङ, कालाउ केलाइ भबिस्यता हिसिका जेनाङ इङको एला थेकापा देखाल जेङका मान्थु। इदोइ झोको गिनाखे कि, जेलाउ वा ल्वावा, केलाइ वा भाइकाङ जेनाङ। हाइपालिपानु वा जिस्काङ हि केलाइ वासेहेङ इन्सिकाङ तिनाङ।