२ पत्‍रुस 1:3 - Dhimal NT

³ केलाइ परमेस्वरहेङ नाल्कानाङ वा केलाइहेङ वाको दोफा हिका इङको सरबुङ पिका हि। ओदोङ भाअ्सिङ केलाइ वासेहेङ लेङचापाका जिबन जियाइलि गोइका गोताङ काथा हि। वाको ताइकोङ पुर्न कालाउ महिमा पुर्न चरित्तरोको कारन वा केलाइहेङ ताइकोङ द्‍याङ जेङलि छाल्का हि।

धिमाल

³ पुनित ज्‍यान सिन्‍हुलिको भाअ्‌सिङ गोइका गोताङ काथा केलाइ परमेस्‍वरको सरबङसो दोङ निङका हिन्‍हाहि। हाइदोनु ताइको प्रताप रो भालाइसो काइका परमेस्‍वरहेङ केलाइ नाल्‍का हिन्‍हाहि।

२ पत्‍रुस 1:3 Iomraidhean Croise

मत्‍ति 28:18

कालाउ येसु इम्बालाइ दोफा लोतेङ दोअ्हि, “स्वर्ग कालाउ प्रिथिबिको गोताङ खाबारा कासेहेङ पिका हि।

रोमि 8:32

परमेस्वर ताइको चानहेङ बुङ ताइको भाअ्सिङ बाकि माअ्ताहि, कालाउ केलाइ झाराङको भाअ्सिङ वासेहेङ सतुरुगेलाइहेङ सुम्पिपिहि, ओदोङ भाअ्सिङ वा निसित दोङ केलाइहेङ प्रतिग्या पाका गोताङ आमेने एन्साङ प्याङ।

रोमि 9:24

यहुदि ह्याको चाहे गैर-यहुदि ज्याको, केलाइते वाको चुनिका द्‍याङगेलाइ हिनाहि।

1 कोरिन्थि 1:9

परमेस्वर इसिका पावा, हाइपालिपानु वा ताइमि दोअ्का काथा पालि खाङधुरि योग्य हि, कालाउ वा दोङ नेलाइहेङ ताइको चान येसु ख्रिस्ट दोफा सङगतिता काइका हि।

2 कोरिन्थि 12:9

कालाउ वा कासेहेङ दोअ्हि, “काङको आनुग्रह नाङको भाअ्सिङ गेनेगेल्पा जेङका हि, हाइपालिपानु काङको सरबुङ कोमजोरताबुङ सिद्द जेङखे।” ओदोङ भाअ्सिङ ख्रिस्टको सरबुङ का ह्रुता बासा ह्याको दोअ्तेङ का भरु काङको कोमजोरता हेन्जाङ लेङचातेङसाङ गर्ब पाङका।

एफिसि 4:1

प्रभुको सेवा पानाङ का एमि कैदि जेङका हिघा, कालाउ का नेलाइहेङ बिन्ति पाखा, परमेस्वर ताइको सान्तान जेङलि काइका को योग्यता आन्सार ताइको जिबन जियाइसु।

एफिसि 4:4

केलाइ झाराङ खान्धुराइगेलाइ एनोङ दोङ जिउको आङगगेलाइ भाइका हिनाहि, कालाउ केलाइ ओदोङ पबित्तरो आत्मा बुङ निङका हिनाहि, आस बुङ एनोङ दोङ हि, जाइको भाअ्सिङ परमेस्वर नेलाइहेङ ताइको द्‍याङगेलाइ जेङलि काइहि।

फिलिप्पि 3:8

इङको झोको खिनिङ माको, का येसु ख्रिस्ट प्रभुहेङ नाल्लि भोखा, जेदोङ गोताङ काथा खान्तेङ माहान हि, का गोताङ काथागेलाइहेङ बेकार थानिखा। कालाउ ख्रिस्टको भाअ्सिङ गोताङ काथागेलाइ लाअ्का हिघा, कालाउ इङको गोताङहेङ फोहोरगेलाइ भाइपा सम्झिखा, कालाउकि का पुरा रुपहोइ ख्रिस्टको जेङलि द्वाको।

फिलिप्पि 4:8

आम्तिमता खान्धुराइ ओनेगेलाइ, जेदोङ काथा सत्ये हि, जेदोङ काथा आदारनिय हि, जेदोङ काथा ठिक हि, जेदोङ काथा सुद्द हि, जेदोङ काथा झालाफालापा हि, जेदोङ काथा क्रिपामय हि, जेसापा हाइ दोङ स्रेस्थता, कालाउ बाखिन योग्य हाइ दोङ हि पानु इदोइ दोङ काथागेलाइता मन लागाइसु।

कलस्सि 1:16

हाइपालिपानु परमेस्वर ख्रिस्ट पाहासो दोङ गोताङ आमेने सिरजाइहि, स्वर्ग कालाउ प्रिथिबिको आमेनेगेलाइ, तिङलि दोका कालाउ तिङलि मादोका आमेनेगेलाइ, सिङहासनगेलाइ कालाउ सरबुङगेलाइ, सासकगेलाइ कालाउ खाबारागेलाइ, इदोङ गोताङ आमेनेगेलाइ परमेस्वर ख्रिस्ट पाहा कालाउ वाकोङ भाअ्सिङ दोङ बानाइका हि।

1 थेस्लोनिकि 2:12

केलाइ नेलाइहेङ हाउसाइ कालाउ सान्तावाना पिन्हाहि कालाउ बिन्ति पानाहि कि परमेस्वरहेङ मन परिका जिबन जियाइसु, जाइ नेलाइहेङ ताइको सासन कालाउ महिमाता काइयावा।

1 थेस्लोनिकि 4:7

हाइपालिपानु परमेस्वर केलाइहेङ आपबित्तरो जिबन माको, भरु पबित्तरो जिबन जियाइलि काइका हि।

2 थेस्लोनिकि 2:14

केलाइ नेलाइहेङ प्राचार पाका सुसमाचार पाहासो परमेस्वर नेलाइहेङ उद्दारको भाअ्सिङ काइहि। कालाउकि नेलाइ प्रभु येसु ख्रिस्टको साम्मानता झ्वाइनालि दोसु।

1तिमोथि 4:8

हाइपालिपानु जिउको कसरतहोइ जिउहेङ खिनिङ फाइदा जेङखे। कालाउ परमेस्वरको भक्तिचाहि गोताङ काथाता फाइदा हिखे, हाइपालिपानु इदोइहोइ एलाको जिबनता कालाउ न्हुसोको जिबनता फाइदा जेङखे।

2 तिमोथि 1:9

परमेस्वर केलाइहेङ बान्चिपाहि कालाउ पबित्तरो जिबन जियाइलि काइहि। केलाइ रेम्का काम पाकानाङ काइका माको, भरु ताइको योजाना कालाउ आनुग्रहहोइ परमेस्वर केलाइहेङ बान्चिपाहि। जेदोङ आनुग्रह वा येसु ख्रिस्ट पाहासो सुमिङहेङ सिरजाइका खान्तेङ लाम्फा पिका हिघाहि।

हिब्रु 1:3

वा दोङ परमेस्वरको महिमाको रुप कालाउ वा दोङ परमेस्वरकोङ स्वभाबको जातिङकोङ प्रति रुप हि, कालाउ गोताङ सुमिङहेङ ताइको सरबुङसाइका बचनहोइ सामाराइखे। कालाउ वा दोङ द्‍याङगेलाइहेङ ओबालाइको पापगेलाइसो स्यामा पापाका काम पालि दोतेङ वा स्वर्गता परमेस्वरको महिमाको दाम्पाहा खुर भारि झाउका साम्मानको थामेता योम्हि।

1पतरुस 1:15

नेलाइको पाका गोताङ काथाता ताइमिहेङ मारेम्का काथासो खेङसु, हाइपालिपानु परमेस्वर जाइ नेलाइहेङ चुनिहि वा पबित्तरो हि।

1पतरुस 1:5

कालाउ नेलाइको खाङधुरि पाहासोङ, परमेस्वर ताइको सरबुङ पाहासो नेलाइहेङ बान्चिपाङ, जेलाउ थेकापा नेलाइ साइतानको सरबुङसो पुरा मालान्हास्वाना। कालाउ ख्रिस्ट लोका दिनाता या पुरा जेनावा।

1पतरुस 2:21

परमेस्वर नेलाइहेङ काइका को कारन एनोङ कारन इदोइ हि कि नेलाइ वाको भाअ्सिङ कस्ट भोगिलि गोइस्वाना। ख्रिस्ट, जाइ नेलाइको भाअ्सिङ कस्ट भोगिहि। वा नेलाइको उधारन हि। ओदोङ भाअ्सिङ नेलाइ वाको पाका काम आनुकरन पालि गोइखे।

1पतरुस 2:9

कालाउ नेलाइ इन्सिका माको, हाइपालिपानु नेलाइ परमेस्वरको साल्न्हाका द्‍याङगेलाइ हिसुना, नेलाइ परमेस्वरको पुजारिगेलाइ हिसुना, जाइ राजा हि। नेलाइ परमेस्वरको सेवा पालि समरपित जेङका द्‍याङगेलाइ निजि प्रजा हिसुना। वा नेलाइहेङ कालाउ कितिकितिकासो ताइको आधभुत फाइसालामकाता चुमाका हि, कालाउकि नेलाइ परमेस्वरको भारभुसाइका कामगेलाइसो घोसाना पालि दोसु।

1पतरुस 3:9

खाराबिको बदला खाराबि मापालि माकुनु आपामानको बदला आपामान मापालि, भरु इङको को सातोता आसिस पिका जेङसु, नेलाइ इम्बालाइको भाअ्सिङ आसिस ह्रेलि गोइखे हाइपालिपानु नेलाइ परमेस्वर पाहासो आसिस पिलिको भाअ्सिङ काइन्हाका हिसुना, कालाउकि नेलाइ परमेस्वरसो आसिस निङलि दोसु।

1पतरुस 5:10

परमेस्वर, जाइ पुर्न रुपता आनुग्रहकारि हि केलाइको ख्रिस्ट येसु दोफाको सम्बन्धको कारन ताइको आनान्त महिमाता केलाइहेङ हकदार जेङलि काइका हि। नेलाइ कोम्हा सोमोइ थेकापा कस्ट भोगितेङ परमेस्वर नेलाइहेङ आसल बानाइयाङ कालाउकि नेलाइता हिदोइ बुङ गल्ति माज्याको कालाउ वा नेलाइको ह्रदयहेङ बल्लियाका बानाइयाङ कालाउ इस्थिर जेङलिको भाअ्सिङ वाकोता खाङधुरि पाका बानाइयाङ।

२ पत्‍रुस 1:10

ओदोङ भाअ्सिङ खान्धुराइ ओनेगेलाइ, ताइमिहेङ कालाउ बो द्‍याङगेलाइहेङ इदोइ तिङपालि आझाइ आसल ब्यभार पालि कोसिस पासु कि परमेस्वर नेलाइहेङ ताइको द्‍याङ जेङलि साल्का कालाउ काइलि थानिका हि। जेसापा नेलाइ इन्सिका पासुखेना पानु नेलाइ पाक्का दोङ परमेस्वरसो हेलाउ बुङ माखेङन्हा स्वाना।

२ पत्‍रुस 1:2

का प्रार्थाना पाखा कि, परमेस्वर कालाउ येसु ख्रिस्ट केलाइको प्रभुको ग्यानता, नेलाइ बाढेकाताङ हानिलाउ परमेस्वर नेलाइहेङ हेन्जा खाङतेङ हेन्जा आनुग्रह कालाउ सान्ति प्याको।

२ पत्‍रुस 1:5

हाइपालिपानु नेलाइ परमेस्वरको स्वभाबता झ्वाइनालि बनिका हिसुना, नेलाइ ख्रिस्टता खाङधुरि पालि खिनिङ माको, कालाउ नेलाइ बोमिको भाअ्सिङ दिनाङ आसल काम पालि कोसिस पालि गोइखे। नेलाइ आसल काम खिनिङ पालि माको, कालाउ नेलाइ बुद्दिमान तरिकाहोइ ब्यभार पाका द्‍याङ बुङ जेङलि गोइखे।

२ पत्‍रुस 1:6

नेलाइ ग्यानि जेङतेङ खिनिङ जिबन जियाइलि माको, कालाउ नेलाइ ताइमिङ सयमि जेङलि गोइखे, नेलाइ ताइमि खिनिङ सयमि जेङलि माको, कालाउ नेलाइ दुखता बुङ धर्य जेङतेङ हिलि गोइखे। नेलाइ धर्य जेङतेङ हिलि खिनिङ माको, कालाउ नेलाइ परमेस्वरहेङ लेङचापाका जिबन बुङ जियाइलि गोइखे।

२ पत्‍रुस 1:8

जेसापा नेलाइ एसापा दोङ हेन्जा खान्तेङ हेन्जा ताइको जिबन जियाइसुन्हा पानु, कालाउ नेलाइ केलाइको प्रभु येसु ख्रिस्टको भाअ्सिङ काम लागिका कालाउ फल सेपाका भाइपा जेङस्वाना।

२ पत्‍रुस 2:20

जेलाउ द्‍याङगेलाइ येसु ख्रिस्टहेङ ताइको प्रभु कालाउ मुक्ति दाता दोअ्तेङ नाल्तेङ सुमिङको दुस्टसो खाअ्खे। कालाउ एला इम्बालाइ आरोङ मारेम्का काम पालि झ्वाइन्हाका हि कालाउ इङको मारेम्का काथागेलाइहोइ एला इम्बालाइ ख्रिस्टहेङ आसुइकार पाका इम्बालाइको न्हुसोको आबास्था खान्धुराइ जेङलि लाम्फाको खान्तेङ आझाइ झन खाराब जेङखे।

२ पत्‍रुस 3:18

कालाउ नेलाइ लागातार केलाइको प्रभु कालाउ मुक्ति दाता येसु ख्रिस्टको आनुग्रह हेन्जा खान्तेङ हेन्जा आनुभब पातेङ हिलि गोइखे, कालाउ वाको बारेता नेलाइको बुझिकाता बाराकाताङ हानिलि गोइखे। वासेहेङ एला कालाउ जेलाउलाउ बुङ बाखिन ह्याको। आमेन।