२ पत्‍रुस 1:15 - Dhimal NT

¹⁵ ओदोङ भाअसिङ का नेलाइहेङ इदोइ काथागेलाइ एला लेखेतेङ थाङका मेहेनत पादोङखा, कालाउकि का सितेङ नेलाइ इदोइ काथागेलाइ जेलाउ बुङ फोम पालि दोसु।

धिमाल

¹⁵ काङको इदोइ जिउ लाअ्‍कान्‍हुअ्‌सो बुङ नेलाइ इदोइ काथाहेङ हिदिङ बुङ पहर फोमपालि दोसु दोअ्‌तेङ का दोअ्‌तेङ ह्‍याङका।

२ पत्‍रुस 1:15 Iomraidhean Croise

लुका 12:58

नेलाइको उजुरि वाला दोफा हाकिमकोता हानिलाउ, दामाताङ वाको दोफा मिलिसु, माकुनुते वा नासेहेङ न्यायधिसकोता तानितेङ चुम्पावा, कालाउ न्यायधिस नासेहेङ सिपालाइको खुरता जिम्मा प्यावा, कालाउ सिपालाइ नासेहेङ झ्यालखानाता ह्वातावा।

लुका 9:31

मोसा कालाउ एलिया बुङ जाहाँका महिमा तिङघाखे, ओबालाइ येसु दोफा वाको सिका बिसोइता काथा पाकाताङ हिघाहि। जेदोङ यरुसेलेम सहरता जेङलि तोम्का हिघाखे।

2 थेस्लोनिकि 2:5

का नेलाइ दोफा हिलाउ का हेन्जाङखे इदोइ काथागेलाइ नेलाइहेङ दोअ्का हिघाखा, एला इङको काथागेलाइ मानिल्सु।

2 तिमोथि 2:2

का हेन्जा साक्सिगेलाइको आगाता ख्रिस्टको बारेता दोअ्का सन्‍देस नाअ् हिङका हिघाखेना। एला का चाहिखा कि नाअ् बुङ ओदोङ सन्‍देस आरु खान्धुराइगेलाइहेङ हिङपा जाइहेङ नाअ् खाङधुरि योग्य थानिखेना, कालाउकि इम्बालाइ बुङ ओदोङ सन्‍देस आरु द्‍याङगेलाइहेङ हिङपालि द्वाको।

हिब्रु 11:4

खाङधुरि पाहासो आदमको चान हाबिल परमेस्वरहेङ ताइको दादा कयिन खान्तेङ आझाइ ग्रहन योग्य भोग पिहि, कालाउ इङको भोग पाहासो दोङ परमेस्वर हाबिलहेङ धर्मि द्‍याङको रुपता ग्रहन पाहि, कालाउ हाबिलको चढाइका भोग पाहासो चाहि परमेस्वर खुसि जेङहि दोअ्तेङ तिङपाहि। कालाउ हाबिल सिलाउ बुङ परमेस्वरता खाङधुरि पाकाको बारेता एला बुङ वा केलाइहेङ धिरपाखे।

२ पत्‍रुस 1:12

लाम्फा दोङ नेलाइहेङ इदोइ काथागेलाइ थाहा जेङकाङ हि, कालाउ द्‍याङगेलाइ नेलाइहेङ धिर्पाका सत्ये सिक्स्याता बल्लियाका जेङका हिसुना, का इङको काथागेलाइको बारेता जेलाउ बुङ फोम पाअ्‌ पाङका।