२ पत्‍रुस 1:12 - Dhimal NT

¹² लाम्फा दोङ नेलाइहेङ इदोइ काथागेलाइ थाहा जेङकाङ हि, कालाउ द्‍याङगेलाइ नेलाइहेङ धिर्पाका सत्ये सिक्स्याता बल्लियाका जेङका हिसुना, का इङको काथागेलाइको बारेता जेलाउ बुङ फोम पाअ्‌ पाङका।

धिमाल

¹² इदोइखातिर इदोइ काथागेलाइ नेलाइहेङ का दिनाङ फोमपापाङका, कालाउ नेलाइ इदोइ गोताङ गेसुखेना रो नेलाइता हिका सतता नेलाइ बोल्‍याका हिसुन्‍हा।

२ पत्‍रुस 1:12 Iomraidhean Croise

साल्न्हाका चात्या 16:5

एसापा मन्डलिको द्‍याङगेलाइ खाङधुरिता बल्लियाका जेङकाताङ कालाउ दिनाङ-दिनाङ द्‍याङगेलाइ सङख्याता बाढेकाताङ हानिहि।

फिलिप्पि 3:1

आम्तिमता खान्धुराइ ओनेगेलाइ, प्रभुता आनान्द जेङसु। नेलाइहेङ ओदोङ काथागेलाइ दोहोराइतेङ कासेहेङ झर्को मालागिखे, हाइपालिपानु ओदोङ काथाहोइ नेलाइहेङ धाताइका सिक्स्यकसो सामाराइतेङ ताअ्तावा।

कलस्सि 1:5

नेलाइ इङको पासुखेना हाइपालिपानु नेलाइको आस स्वर्गता ताअ्का काथाता हि। जेदोङको येसु ख्रिस्टको सत्ये सन्देसको बिसोइता नेलाइ लाम्फाङ सुसमाचार हिङका हिसुना।

कलस्सि 2:7

धन्यबाद पिकाताङ ख्रिस्टता ताइको खाङधुरिता बल्लियाका जेङतेङ हिसु, जेसाङ सिङको जारि भोनोइहेङ जोतेङ ताअ्खे। कालाउ लागातार ख्रिस्ट ह्रुता ताइको खाङधुरिहेङ बाढेपातेङ हानेसु कालाउ जेलाउ बुङ परमेस्वरहेङ धन्यबाद पिसु।

1तिमोथि 4:6

जेसापा नाअ् का एलाङ दोअ्का काथागेलाइ खान्धुराइ ओनेगेलाइहेङ धिरपान्हा पानु, नाअ् येसु ख्रिस्टको खाङधुरि योग्य सेवक जेनाना, जेदोङ खाङधुरिको सन्देसता बल्लियाका जेङका हिखे कालाउ आसल सिक्स्याहेङ पिताइकाताङ लोका हिखे।

2 तिमोथि 1:6

ओदोङ भाअ्सिङ का नासेहेङ परमेस्वर पिका इङको बरदानको बारेता फोम पापालि चाहिखा, जेदोङ बरदान का ताइको खुर नाङकोता ताअ्लाउ, परमेस्वर नासेहेङ पिका हिघाहि। इङको बरदानहेङ जोगाइतेङ ताअ्।

हिब्रु 10:32

हानिका दिनागेलाइ फोम पासु जेलाउ नेलाइ लाङखे सत्ये धिरसुन्हा, नेलाइ हेन्जा कस्ट दोफाङ दुख बुङ भोगिलि गोइहि, कालाउ बुङ नेलाइ इस्थिर हिसुना।

हिब्रु 13:9

नेलाइहेङ थाहा माजेङका आचाम्माको सिक्स्याको मारेम्का दामाता मालागिसु, कालाउ चाका-आम्का आमेनेको बारेता नियमगेलाइ मानितेङ माको, भरु परमेस्वरको आनुग्रहता नेलाइको ह्रदय बल्लियाका ह्याको। हाइपालिपानु इन्सिका मुन्धुम पालि केम्कालाइको उपकार जेङका मान्थु।

1पतरुस 5:10

परमेस्वर, जाइ पुर्न रुपता आनुग्रहकारि हि केलाइको ख्रिस्ट येसु दोफाको सम्बन्धको कारन ताइको आनान्त महिमाता केलाइहेङ हकदार जेङलि काइका हि। नेलाइ कोम्हा सोमोइ थेकापा कस्ट भोगितेङ परमेस्वर नेलाइहेङ आसल बानाइयाङ कालाउकि नेलाइता हिदोइ बुङ गल्ति माज्याको कालाउ वा नेलाइको ह्रदयहेङ बल्लियाका बानाइयाङ कालाउ इस्थिर जेङलिको भाअ्सिङ वाकोता खाङधुरि पाका बानाइयाङ।

1पतरुस 5:12

सिलासको साघाइसो का या पोटोका चिट्ठि नेलाइहेङ लेखेतेङ पिगिल्का हिघा। ख्रिस्टता का वासेहेङ खाङधुरि योग्य ओने सम्झिखा। काङको चिट्ठि लेखेलिको उदेस्य नेलाइहेङ हाउसा पिलि कालाउ निसित पालि दोङ हि, कि नेलाइ आनुभब पातेङ हिका नेलाइको भाअ्सिङ परमेस्वरको आनुग्रह हि। इदोइ आनुग्रहता बल्लियाका जेङतेङ हिसु।

२ पत्‍रुस 1:13

कासेहेङ थाहा हि कि का मासिपा धाउ नेलाइ दोफा प्राय इङको काथागेलाइको बारेता दोअ्तेङ हिलि उचित हि, कालाउकि नेलाइ इङको काथागेलाइ मानिल्सु।

२ पत्‍रुस 1:15

ओदोङ भाअसिङ का नेलाइहेङ इदोइ काथागेलाइ एला लेखेतेङ थाङका मेहेनत पादोङखा, कालाउकि का सितेङ नेलाइ इदोइ काथागेलाइ जेलाउ बुङ फोम पालि दोसु।

२ पत्‍रुस 3:1

काङको आनाउ सानाइतिगेलाइ, का इदोइ न्हेनोङ दोङ पात्तारागेलाइ नेलाइहेङ लेखेका हिघा कालाउकि का नेलाइहेङ लाम्फा दोङ धिर्का काथागेलाइको फोम पापालि द्वाको, कालाउ नेलाइको मनता सुद्द बिचारगेलाइ जोगाइलि द्वाको।

२ पत्‍रुस 3:17

ओदोङ भाअ्सिङ काङको आनाउ सानाइतिगेलाइ, नेलाइहेङ लाम्फा दोङ थाहा हि कि इदोङ काथागेलाइ जेनाङ। ओदोङ भाअसिङ चङख हिसु नियम मामानिका द्‍याङगेलाइ नेलाइहेङ धाताइतेङ माआवाइ तुपाको। जेसापा नेलाइ इम्बालाइको आनुसरन पासुना पानु, नेलाइ सत्ये काथाता खाङधुरि पालि लाअ्स्वाना।

१ युहन्‍ना 2:21

नेलाइ सत्येहेङ मागिसुखेना दोअ्तेङ का लेखेका माको, कालाउ हिदोइ बुङ धाताइका सिक्स्या परमेस्वर देखाल पापिका सत्येसो मालोखे दोअ्तेङ नेलाइ गिका हिनाङ का नेलाइको भाअ्सिङ लेखेदोङखा।

२ युहन्‍ना 1:2

का नेलाइहेङ मायारु पाङका, हाइपालिपानु सत्ये सिक्स्या केलाइको ह्रदयता हिखे कालाउ जेलाउ बुङ केलाइ दोफा ह्याङ।

यहुदा 1:17

कालाउ आनाउ सानाइतिगेलाइ, नेलाइ चाहि केलाइको प्रभु येसु ख्रिस्टको छाल्का चात्यागेलाइ आन्चा दोङ दोअ्का काथागेलाइ फोम पासु।

यहुदा 1:3

काङको आनाउ सानाइतिगेलाइ, नेलाइ झाराङ झ्वाइनाका येसु ख्रिस्ट पाहासो लोका केलाइको मुक्ति कालाउ नावा जिबनको बारेता लेखेलि का दोका थेकापा गोताङ कोसिस पादोङघाखा। कालाउ एला का इदोइ पात्ताराको माध्यामसो नेलाइहेङ हाउसाइलि आनुरोध पाखा, कालाउकि नेलाइ ख्रिस्टियन खाङधुरिहेङ ताअ्तेङ ताअ्लि आझाइ थाङका परिस्रोम पालि दोसु। परमेस्वर ताइको द्‍याङगेलाइहेङ इदोइ खाङधुरि एखेताङ पिका हि, कालाउ इङकोहेङ फेरिलि मादोखे।

यहुदा 1:5

नेलाइ इदोइ गोताङ काथा गिका हिसुना, कालाउ बुङ एला का नेलाइहेङ फोमपापिलि भोखा, प्रभु इस्राएलिगेलाइहेङ बान्धाइतिसो लाअ्पाहि, कालाउ इम्बालाइहेङ मिस्रो सारभिसो बाहार ओल्लेपाहि, कालाउ न्हुसो वाकोता खाङधुरि मापाका झाराङहेङ वा चाका-मान्दा थामेता सेअ्हि।