२ पत्‍रुस 1:11 - Dhimal NT

¹¹ कालाउ दोफाङ परमेस्वर नेलाइहेङ येसु ख्रिस्ट हिका राइजिता भब्य स्‍वागत पाङ, जाइ केलाइको प्रभु कालाउ मुक्ति दाता हिका हि, वा इन्ता जेलाउलाउको भाअ्सिङ राजा जेङतेङ राइजि पाङ।

धिमाल

¹¹ हाइपानु एसापा केलाइको प्रभु रो छुटकारापिका इसु ख्रिस्‍टको असिम सारभिलिअ्‌ता नेलाइ गाजाबसो दुल्‍लि निङस्‍वाना।

२ पत्‍रुस 1:11 Iomraidhean Croise

मत्‍ति 25:34

कालाउ का राजा ताइको दाम्पाहा योम्कालाइहेङ दोअ्ताङका, लोसु काङको आबा परमेस्वर नेलाइहेङ आसिरबाद पिका हि। लोसु कालाउ परमेस्वर नेलाइको भाअ्सिङ प्रतिग्या पाका सासनता आधिकारि हिसुना। सुमिङ सिरजाइकाको लाम्फासोङ इदोइ नेलाइको भाअ्सिङ तियार पाका हिघाहि।

युहन्‍ना 10:10

चोरते भेडागेलाइहेङ खुलि, सेअ्लि कालाउ हान्ति पालि दोअ्तेङ खिनिङ लोखे। कालाउ का चाहि इम्बालाइहेङ प्रसस्त जिबन निनाको दोअ्तेङ लोका हिघा।

रोमि 2:4

परमेस्वरको क्रिपा नासेहेङ पाप पालिसो लाअ्पावा कालाउ परमेस्वर भारि घुरिपावा दोअ्का थाहा निङतेङ, हाइ नाअ् वाको दाया, सहनसिलता कालाउ धैर्यताहेङ तुच्छ थानिखेना?

1 कोरिन्थि 15:24

जेलाउ ख्रिस्ट गोताङ खाबारागेलाइ कालाउ सरबुङगेलाइ नासा पावा, कालाउ न्हुसो सुमिङको आन्ता जेनावा, कालाउ वा आबा परमेस्वरहेङ खाबारा सुम्पियाङ।

2 कोरिन्थि 5:1

हाइपालिपानु केलाइ गिनाखे, कि केलाइको जिउ इदोइ प्रिथिबिता बासा हिका साअ् भाइका हि जेलाउ केलाइ सिनाखे, केलाइको भाअ्सिङ स्वर्गता आनान्तको साअ् ह्यावा। जेदोङ चाहि परमेस्वर धाम्का हि, द्‍याङको खुरहोइ माको।

एफिसि 3:20

परमेस्वर केलाइको ह्रेका कालाउ सोचिका खान्तेङ हेन्जाङ पालि दोखे, हाइपालिपानु वाको सरबुङ केलाइ लिता काम पातेङ हि।

1तिमोथि 6:17

इदोइ सुमिङको धनिगेलाइहेङ घमन्ड माजेङलि आदेस पिसु, कालाउ इम्बालाइ ताइको आसथाइ सम्पतिता भोरोसा माताताको, कालाउ केलाइको सुखको भाअ्सिङ गेनेगेल्पा पिका परमेस्वर ह्रुता इम्बालाइ आस पाको, कालाउकि केलाइ आनान्द पालि द्वाको

2 तिमोथि 4:18

कालाउ प्रभु कासेहेङ गोताङ खाल्को मारेम्का कामगेलाइसो जोगेपावा, कालाउ वा कासेहेङ जोगाइतेङ ताइको स्वर्गको सासनता चुम्पावा। वाको महिमा जेलाउलाउ बुङ ज्याको। आमेन।

2 तिमोथि 4:8

एला प्रभु कासेहेङ एनोङ इनाम प्याङ, जेदोङ चाहि काङको आसल पाका कामको इनाम हि। ठिकसो न्याय पाका प्रभु दोङ कासेहेङ इङको इनाम प्याङ जेलाउ वा आरोङ ल्वाङ। कालाउ का खिनिङ माको, कालाउ वाको लोका दामा खाङका झाराङहेङ इङको इनाम प्याङ।

हिब्रु 6:17

ओदोङ भाअ्सिङ परमेस्वर बुङ केरा चाहि, कि इदोइ पाहासो वा प्रतिग्या निङका द्‍याङगेलाइहेङ झालाफालापा तिङपालि भोघाखे कि वा ताइको प्रतिग्या पुरा पाङ।

२ पत्‍रुस 1:1

का, सिमोन पतरुस नेलाइहेङ लेखेदोङखा, का येसु ख्रिस्टको सेवक कालाउ छाल्न्हाका चात्या हिघा। का नेलाइ झाराङहेङ लेखेदोङखा, जाइ केलाइ झाराङको ओदोङ झोको आनमोल खाङधुरि निङका हि, इदोइ खाङधुरि केलाइको परमेस्वर कालाउ मुक्ति दाता येसु ख्रिस्ट पाहासो केलाइहेङ पिका हि, जाइ केलाइहेङ परमेस्वर दोफा धर्मि बानाइखे।

२ पत्‍रुस 1:5

हाइपालिपानु नेलाइ परमेस्वरको स्वभाबता झ्वाइनालि बनिका हिसुना, नेलाइ ख्रिस्टता खाङधुरि पालि खिनिङ माको, कालाउ नेलाइ बोमिको भाअ्सिङ दिनाङ आसल काम पालि कोसिस पालि गोइखे। नेलाइ आसल काम खिनिङ पालि माको, कालाउ नेलाइ बुद्दिमान तरिकाहोइ ब्यभार पाका द्‍याङ बुङ जेङलि गोइखे।

२ पत्‍रुस 2:20

जेलाउ द्‍याङगेलाइ येसु ख्रिस्टहेङ ताइको प्रभु कालाउ मुक्ति दाता दोअ्तेङ नाल्तेङ सुमिङको दुस्टसो खाअ्खे। कालाउ एला इम्बालाइ आरोङ मारेम्का काम पालि झ्वाइन्हाका हि कालाउ इङको मारेम्का काथागेलाइहोइ एला इम्बालाइ ख्रिस्टहेङ आसुइकार पाका इम्बालाइको न्हुसोको आबास्था खान्धुराइ जेङलि लाम्फाको खान्तेङ आझाइ झन खाराब जेङखे।

२ पत्‍रुस 3:18

कालाउ नेलाइ लागातार केलाइको प्रभु कालाउ मुक्ति दाता येसु ख्रिस्टको आनुग्रह हेन्जा खान्तेङ हेन्जा आनुभब पातेङ हिलि गोइखे, कालाउ वाको बारेता नेलाइको बुझिकाता बाराकाताङ हानिलि गोइखे। वासेहेङ एला कालाउ जेलाउलाउ बुङ बाखिन ह्याको। आमेन।

प्रकास 3:21

जाइ दुस्टको सरबुङहेङ हारिपावा वा का दोफा काङको सिङहासनता योमावा, जेसाङ का जितितेङ काङको आबा दोफा वाको सिङहासनता योम्का हिघा।

प्रकास 5:10

कालाउ नाअ् ओबालाइहेङ राजागेलाइ कालाउ पुजारिगेलाइ बानाइन्हा, जाइ केलाइको प्रभु परमेस्वरको सेवाको काम पाखे, कालाउ इम्बालाइ प्रिथिबिता राजागेलाइ भाइपा सासन पावा।”