२ पत्‍रुस 1:1 - Dhimal NT

¹ का, सिमोन पतरुस नेलाइहेङ लेखेदोङखा, का येसु ख्रिस्टको सेवक कालाउ छाल्न्हाका चात्या हिघा। का नेलाइ झाराङहेङ लेखेदोङखा, जाइ केलाइ झाराङको ओदोङ झोको आनमोल खाङधुरि निङका हि, इदोइ खाङधुरि केलाइको परमेस्वर कालाउ मुक्ति दाता येसु ख्रिस्ट पाहासो केलाइहेङ पिका हि, जाइ केलाइहेङ परमेस्वर दोफा धर्मि बानाइखे।

धिमाल

¹ का इसु ख्रिस्‍टको साल्‍तेङ दिङगिल्‍का रो चाकर सिमोन पत्‍रुससो, केलाइको परमेस्‍वर रो छुटकारापिका इसु ख्रिस्‍टको धरमातितासो केलाइको भइपाङ हेन्‍जाङ जाङका खान्‍धुर निङकालाइहेङ इदोइ चिथि लेखेदोङखा।

२ पत्‍रुस 1:1 Iomraidhean Croise

मत्‍ति 10:2

कालाउ उङको तेन्हे साल्न्हाका चात्यागेलाइको मिङ एसा पाहि सिमोन जाइहेङ पतरुस बुङ दोअ्खे, कालाउ वाको दादा आन्द्रियास, जब्दियाको न्हेमि चानगेलाइ याकुब कालाउ युहान्‍ना,

मत्‍ति 4:18

गालिल समुन्द्रको आलि-आलि हानिकाताङ पालाउ वा पतरुस दोअ्का सिमोन कालाउ वाको ओने आन्द्रियास, न्हेमि दादा ओने दोङ समुन्द्रता जाले आकाताङ पाका तिङहि। इम्बालाइ हाया माङकालाइ हिघाहि।

लुका 1:47

काङको परमेस्वर कासेहेङ मुक्ति पिकाता का आनान्दित हिघा।

लुका 11:49

ओदोङ भाअ्सिङ परमेस्वरको बिबेकहोइ दोअ्हि, का नेलाइकोता परमेस्वरको बक्तागेलाइ कालाउ साल्न्हाका चात्यागेलाइ इम्बालाइको भाअ्सिङ दिङगिल प्याङका। कालाउ इम्बालाइ आधिमिहेङ सेअ्तावा कालाउ आधिमिहेङ साताइयावा।

युहन्‍ना 1:42

आन्द्रियास सिमोनहेङ येसुकोता चुमाहि, येसु वासेहेङ खाङहि कालाउ दोअ्हि, “नाअ् युहान्नाको चान सिमोन हिना, नाअ् केफास दोअ्न्हाना” (केफास एनोङ आरामिक मिङ हि जाइको माने दोङ उन्ठुइ हि)।

युहन्‍ना 12:26

हासु बुङ काङको सेवा पाखे पानु, का दोफा लोसु कालाउ काङको चात्या जेङसु। कालाउ का जेता ह्याङका, इन्ताङ काङको सेवक ह्यावा। हासु बुङ काङको सेवा पाहे पानु काङको आबा वाको आदार पावा।

युहन्‍ना 20:21

कालाउ येसु आरोङ इम्बालाइहेङ दोअ्हि, नेलाइहेङ सान्ति ज्याको! जेसाङ काङको आबा कासेहेङ इदोइ सुमिङता दिङगिल्हि, एन्साङ का बुङ नेलाइहेङ इदोइ सुमिङता दिङगिल्दोङखा।”

साल्न्हाका चात्या 15:14

सिमोन पतरुस ब्याख्या पाहि, कि परमेस्वर लाम्फा दोङ गैर-यहुदिगेलाइहेङ इसिका कृपा पाहि, कि आधे द्‍याङगेलाइहेङ ताइको प्रजा जेङलि साल्हि।

रोमि 1:1

का पावल येसु ख्रिस्टको दास हिघा, कालाउ परमेस्वर कासेहेङ ताइको साल्न्हाका चात्या जेङलि छाल्हि, कालाउ झाराङ द्‍याङगेलाइहेङ परमेस्वरको सुसमाचार प्राचार पालिको भाअ्सिङ खेङहि।

रोमि 1:12

का दोअ्लि खाङका हाइ पानु, नेलाइको खाङधुरिहोइ एमिसो-भेनेङहेङ हाउसाइपाको। माकुनु नेलाइको खाङधुरिहोइ कासेहेङ कालाउ काङको खाङधुरिहोइ नेलाइहेङ हाउसाइपाको।

रोमि 1:17

हाइपालिपानु सुसमाचारहोइ द्‍याङगेलाइहेङ परमेस्वर ताइको आगाता ठिक हि दोअ्का तिङपाखे, कालाउ परमेस्वर दोफा ठिक थोहोराइका काथा खाङधुरिसो सुरु जेङखे कालाउ खाङधुरिसो दोङ पुरा जेङखे। जिसिका धर्मसास्तरता बुङ लेखेका हि, “जाइ खाङधुरिसो परमेस्वर दोफा ठिक थोहोरिखे, ओदोङ द्‍याङ दोङ जिबन निनाङ।”

1 कोरिन्थि 1:30

कालाउ परमेस्वर नेलाइहेङ येसु ख्रिस्ट दोफा ए-बानाइका हि। कालाउ येसु ख्रिस्ट पाहासोङ केलाइहेङ ताइको बुद्दि पिका हि। कालाउ परमेस्वर दोङ केलाइहेङ वाको नजरता धर्मि बानाइका हि। कालाउ ख्रिस्ट पाहासो दोङ केलाइहेङ पबित्तरो बानाइका हि, कालाउ वा दोङ केलाइहेङ पापसो लाअ्पाका हि।

1 कोरिन्थि 15:9

हाइपालिपानु साल्न्हाका चात्यागेलाइ मध्ये का झाराङ खान्तेङ तुच्स हिघा, का साल्न्हाका चात्या दोअ्लि योग्य मान्थुघा। हाइपालिपानु का परमेस्वरको मन्डलिको खान्धुराइगेलाइहेङ सान्ताइघा।

1 कोरिन्थि 9:1

का जेदोङ चालि खाङलाउ बुङ स्वतन्तरो हिघा, का एमि छाल्न्हाका चात्या हिघा, कालाउ का केलाइको प्रभु येसु ख्रिस्टहेङ तिङका हिघा। कालाउ नेलाइ प्रभुता काङको कामको नतिजा हिसुना।

2 कोरिन्थि 4:13

कालाउ केलाइ प्राचार पाकाताङ ह्याङ, हाइपालिपानु केलाइ बुङ भजन लेखेका भाइकाङ खाङधुरि ताअ्का हिनाहि। भजन लेखेका द्‍याङ दोअ्का हि, “का परमेस्वरता खाङधुरि पाङका, ओदोङ भाअ्सिङ का नुइ धुइघा।”

2 कोरिन्थि 5:21

ख्रिस्टता पाप दोङ मान्थुघाहि, कालाउ परमेस्वर वासेहेङ पापि भाइपा ब्यभार पाहि, कालाउ बुङ केलाइ वाको नजरता धर्मि जेङलि द्वाको दोअ्तेङ ख्रिस्ट दोङ केलाइको पापको भाअ्सिङ दन्ड ह्रुपिहि।

गलाति 2:8

हाइपालिपानु जेसाङ परमेस्वर पतरुसहेङ यहुदिगेलाइको माझाता छाल्न्हाका चात्या जेङतेङ काम पालि लागाइहि, कालाउ वा दोङ कासेहेङ गैर-यहुदिगेलाइको माझाता छाल्न्हाका चात्या जेङतेङ काम पालि लागाइहि।

एफिसि 3:5

बितिका सोमोइता, परमेस्वर द्‍याङगेलाइहेङ इङको म्होनाका सत्येता देखाल पापिका मान्थुघाखे, कालाउ एला पबित्तरो आत्माहोइ इङको म्होनाका रहस्य वाको पबित्तरो छाल्न्हाका चात्यागेलाइहेङ कालाउ परमेस्वरको बक्तागेलाइहेङ देखाल पापिका हि।

एफिसि 4:11

कालाउ ख्रिस्ट दोङ मन्डलिहेङ इदोइ योग्यतागेलाइ पिहि: वा आधिमिहेङ छाल्न्हाका चात्यागेलाइ, आधिमिहेङ परमेस्वरको बक्तागेलाइ, आधिमिहेङ सुसमाचार प्राचार पालि, आधिमिहेङ मन्डलिको आगुवागेलाइ कालाउ आधिमिहेङ सिक्स्यकगेलाइ नियुक्ति पाहि।

एफिसि 4:5

केलाइ झाराङको एनोङ दोङ प्रभु हि, जाइता केलाइ झाराङ खाङधुरि पानाखे, कालाउ केलाइ झाराङ एनोङ दोङ बप्तिस्ता ह्रुनाहि।

फिलिप्पि 1:1

ख्रिस्ट येसुको बान्धाइतिगेलाइ, का पावल तिमोथि दोफा इता पात्ताराता फिलिप्पि सहरता हिका मन्डलिको आगुवागेलाइ कालाउ खान्धुराइगेलाइहेङ साघाइका दोफाङ गोताङ परमेस्वरको जनगेलाइहेङ लेखेदोङखा, जाइ ख्रिस्ट येसुको दोङ हि।

फिलिप्पि 1:29

हाइपालिपानु परमेस्वर नेलाइहेङ ख्रिस्टता खाङधुरि पालि खिनिङ माको, कालाउ वाको ह्रुता खाङधुरि पाकानाङ दुख भोगिलि बुङ आबसर पिका हि।

फिलिप्पि 3:9

कालाउकि का ख्रिस्ट दोफा ए जेङलि द्वाको, कालाउ काङको धार्मिकता व्यवस्था केम्लि पाका आधारता माको, कालाउ काङको धार्मिकता परमेस्वरसो पिका धार्मिकताको आदार दोङ हि, जाइ का ख्रिस्टता खाङधुरि पानाङ खिनिङ लोखे।

2 तिमोथि 1:5

कासेहेङ नाङको येसु ख्रिस्ट ह्रुता हिका खाङधुरिको फोम हि। इङको खाङधुरि जेदोङ लाम्फा नाङको आझाइ लोइस कालाउ नाङको आमाइ युनिस्ता हिघाहि। कालाउ एला कासेहेङ निस्चित हि, कि नाङकोता बुङ इन्सिकाङ खाङधुरि हि।

तितस 1:1

का पावल परमेस्वरको बान्धाइति कालाउ प्रभु येसु ख्रिस्ट पाहा छाल्न्हाका चात्या, इदोइ पात्तारा नासेहेङ लेखेदोङखा, परमेस्वर छाल्का द्‍याङगेलाइहेङ खाङधुरिको सन्‍देस हिङपालि कालाउ सत्येको ग्यान हाइ हि इङको धिरपालिको भाअ्सिङ कासेहेङ दिङगिल्का हि। कालाउकि इम्बालाइ परमेस्वरहेङ मन्दा ताअ्का जिबन जियाइलि द्वाको।

तितस 1:4

का इदोइ पात्तारा तितसहेङ लेखेदोङखा, नाअ् काङको ताइकोङ चान भाइका हिना, हाइपालिपानु नाअ् बुङ येसु ख्रिस्टता खाङधुरि पाखेना। आबा परमेस्वर कालाउ केलाइहेङ मुक्ति पिका येसु ख्रिस्ट नासेहेङ आनुग्रह कालाउ सान्ति प्याको।

तितस 2:13

कालाउ केलाइ आस पाका दिनाको दामा खाङतेङ हिनाखे: जेदोङ दिना येसु ख्रिस्ट, जाइ केलाइको माहान परमेस्वर मुक्ति दाता हि, वा ताइको गोताङ महिमा दोफाङ इदोइ प्रिथिबिता ल्वाङ।

याकुब 1:1

का याकुब परमेस्वर कालाउ प्रभु येसु ख्रिस्टको बान्धाइति इदोइ पात्तारा इस्राएल सारभिको तेन्हे कुलहेङ लेखेदोङखा, जाइ सारभिगेलाइ भरि चार-बिराइतेङ हिका उङको झाराङहेङ का सेउपाखा।

1पतरुस 1:1

इदोइ पात्तारा येसु ख्रिस्टको साल्न्हाका चात्या पतरुससो हि। या पात्तारा परमेस्वरको चुनिका द्‍याङगेलाइको भाअ्सिङ लेखेका हि, जाइ परदेसि भाइपाङ जेङतेङ पोनट्स राइजि, गलातिया इलाका, कापाडोकिया, एसिया प्रदेस कालाउ बिथिनिया प्रदेसको भेनेङ-भेनेङ सहरगेलाइता हिखे।

1पतरुस 1:7

इदोइ समस्यागेलाइको उदेस्य इदोइ तिङपालिको भाअ्सिङ हि कि नेलाइ जातिङकोङ परमेस्वरता भोरोसा ताअ्सुखेना कि माताअ्सुखेना। नेलाइको येसु ख्रिस्टता खाङधुरि सोना खाङतेङ हेन्जा दामको हि। जेसाङ नासाका सोनाहेङ मेहोइ जाचिखे कालाउ सुद्द पाखे, जेसापा नेलाइको खाङधुरि मे भाइपा जाचिकासो जाचितेङ बुङ बल्लियाका हितेङ हिखे पानु, इदोइहोइ येसु ख्रिस्ट धुरितेङ लोका दिनाता नेलाइहेङ हेन्जा बाखिन, महिमा कालाउ सम्मान चुमावा।

1पतरुस 2:7

नेलाइ येसु ख्रिस्टता खाङधुरि पाकालाइको भाअ्सिङ या उन्ठुइ मेनाङ हेन्जा दामको हि। कालाउ धर्मसास्तर वाको ह्रुता खाङधुरि मापाका द्‍याङगेलाइको बारेता दोअ्खे कि, “जेदोङ उन्ठुइहेङ साअ् धामकालाइ साअ् धाम्लि इन्कार पाहि इङको साअ् धाम्लिको भाअ्सिङ मेनाङ जाङका उन्ठुइ जेङहि।”

1पतरुस 5:1

का नाअ् इन्ताको मन्डलिको आगुवागेलाइहेङ हाइ दोङ दोअ्लि भोखा, हाइपालिपानु का बुङ नेलाइ भाइकाङ एमि आगुवा हिघा। का ताइमिङ ख्रिस्टको हेन्जाङ सोमोइ लाम्फा निङका कस्ट तिङका हिघा। जेलाउ वा आरोङ धुरितेङ ल्वाङ, का बुङ वाको महिमाता साझेदार जेनाङका। एला का नेलाइहेङ आग्राह पाङका।

२ पत्‍रुस 1:4

कालाउ वाको महिमा कालाउ भलाइको कारन वा केलाइहेङ हेन्जा बार्का कालाउ आनमोल प्रतिग्यागेलाइ पिका हि, इदोइ बरदानगेलाइ प्रयोग पातेङ केलाइ इदोइ सुमिङको खाराब इच्छागेलाइसो जोगिलि द्वाङ, जाइ केलाइहेङ हान्ति पाखे, कालाउ परमेस्वरको ताइकोङ स्वभाबता झ्वाइनालि द्वाङ।

यहुदा 1:1

इदोइ पात्तारा का यहुदासो हि, का येसु ख्रिस्टको बान्धाइति कालाउ याकुबको ओने हिघा। का इदोइ पात्तारा परमेस्वरता खाङधुरि पाका वाको पाहासो काइका द्‍याङगेलाइहेङ लेखेदोङखा। नेलाइहेङ परमेस्वर केलाइको आबा प्रेम पाखे कालाउ येसु ख्रिस्टता रेम्फा ताअ्का हि।