२ युहन्‍ना 1:9 - Dhimal NT

⁹ जेसापा हिदोइ बुङ द्‍याङ ख्रिस्टको सिक्स्याहेङ लागातार आनुसरन मापाखे, कालाउ इङको सिमासो बाहार हानिका द्‍याङ परमेस्वर दोफा वाको सामान्दा माहिखे, कालाउ ख्रिस्टको सिक्स्याहेङ लागातार केम्का द्‍याङको सामान्दा न्हेमि दोङ आबा परमेस्वर कालाउ वाको चान येसु ख्रिस्ट दोफा हिखे।

धिमाल

⁹ ख्रिस्‍टको बिद्‌याता माहिगिल्‍कालाइ रो इङकोहेङ केउपाकालाइदोफा परमेस्‍वर माहिखे। कालाउ वाको बिद्‌याता लागेकादोफा आबा परमेस्‍वर रो चान इसु ख्रिस्‍ट न्‍हेमिङ हिखे।

२ युहन्‍ना 1:9 Iomraidhean Croise

मत्‍ति 11:27

काङको आबा कासेहेङ गोताङ काथाको जिम्मा पिका हि। आबा बाहेक चानहेङ हासु बुङ मानाल्खे कालाउ चान बाहेक आबाहेङ हासु बुङ मानाल्खे। कालाउ चान दोङ नाल्पालि खाङकालाइहेङ चाहि आबाहेङ नाल्खे।

लुका 10:22

काङको आबा कासेहेङ गोताङ आनेमानेको जिम्मा पिका हि। आबा बाहेक चानहेङ हासु बुङ मानाल्खे कालाउ चान बाहेक आबाहेङ हासु बुङ मानाल्खे। कालाउ चान दोङ नाल्पालि खाङकालाइहेङ चाहि आबाहेङ नाल्खे।

युहन्‍ना 14:6

येसु थोमाहेङ दोअ्हि, दामा, सत्ये, कालाउ जिबन पिका का दोङ हिघा। का बाहेक हासु बुङ आबाकोता हानिलि माद्वाङ।

युहन्‍ना 15:6

हिदोइ बुङ द्‍याङ का दोफा माहिनु, इङको पालन्हाका डालेङ भाइपा बाहार थाइगिलाङ, जेलाउ इङको दालेङगेलाइ सेनावा इङकोहेङ जोम्पातेङ मेता दुकावा।

युहन्‍ना 5:23

हाइपालिपानु जेसाङ गोताङ द्‍याङगेलाइ आदार पाखे, एन्साङ दोङ इम्बालाइ का चानको आदार पाको। जेसापा हासु बुङ कासेहेङ आदार मापाखे पानु वा कासेहेङ दिङगिल्का आबा परमेस्वरहेङ बुङ आदार मापाखे।

युहन्‍ना 8:31

कालाउ येसु ताइ ह्रुता खाङधुरि पाका यहुदिगेलाइहेङ दोअ्हि, नेलाइ काङको बचनता हितेङ हिसुना पानु, नेलाइ जातिङको काङको चात्या दोङ।

साल्न्हाका चात्या 2:42

इम्बालाइ साल्न्हाका चात्यागेलाइको सिक्स्या, सङगति कालाउ तोले पोङखे कालाउ ए दोफाङ चाघाखे-आम्घाखे कालाउ प्रार्थानाता भक्ति दोफाङ दिनाङ सोमोइ पिघाखे।

कलस्सि 3:16

ख्रिस्टको बचनहोइ नेलाइको बिचारता रेम्फासो कामगेलाइ पालि पिसु, कालाउ पुरा बुद्दिमानि जेङतेङ एमिसो-भेनेङहेङ धिरपासु कालाउ साल्लाहा पिसु, कालाउ परमेस्वरहेङ ताइको ह्रदयसोङ धन्यबाद पितेङ आत्मिक भजन लेसु।

तितस 2:10

इम्बालाइ माखुवाको, भरु ताइमिहेङ खाङधुरि योग्य तिङपाको। कालाउकि द्‍याङगेलाइ इम्बालाइको रेम्का ब्यभार तिनाको, कालाउ इम्बालाइको पाका रेम्का कामसो द्‍याङगेलाइ केलाइको मुक्ति दाता परमेस्वरको सन्‍देस हिङलि मन परियाको।

हिब्रु 3:14

कालाउ जेसापा केलाइ लाङखेता हिका खाङधुरिता केलाइको जिबनको आनान्त थेकापा ख्रिस्टता बल्लियाका जेङतेङ हिनाहि पानु, केलाइ ख्रिस्ट दोफा बानाबोरको हक जेनाङ।

हिब्रु 6:1

ओदोङ भाअ्सिङ एला केलाइ ख्रिस्टको बारेता धिरका प्रार्थामिक सिक्स्याहेङ खिनिङ मानितेङ खाङधुरिता परिपक्का बानाइका सिक्स्या भारि लागियाइने, प्रार्थामिक सिक्स्याहेङ एनोङ बार्का जग भाइपा माकिताइने, हाइपालिपानु इङको सिक्स्या ते परमेस्वरता खाङधुरि पाका कालाउ पापमय कामसो पासताइ पापाका को बारेता खिनिङ हि, जाइहोइ सिका भारि चुम्पुखे।

१ युहन्‍ना 1:3

ओदोङ भाअ्सिङ जेदोङ येसुको बारेता केलाइ तिङका कालाउ हिङका हिनाहि, इङको केलाइ नेलाइहेङ हिङपाङ, कालाउकि केलाइ दोफा नेलाइको सङगति जेनाको। जेसाङ केलाइको सङगति आबा कालाउ वाको चान येसु ख्रिस्ट दोफा हि।

३ युहन्‍ना 1:9

का लाम्फाङ नाङको मन्डलिको खान्धुराइगेलाइहेङ एनोङ पात्तारा लेखेका हिघाखा, कालाउ दियोतिरिफस काङको सुझाब ग्रहन पालि माकिका हि, हाइपालिपानु वा ताइमिङ जेलाउ बुङ मन्डलिको आगुवा जेङलि भोखे।