२ युहन्‍ना 1:2 - Dhimal NT

² का नेलाइहेङ मायारु पाङका, हाइपालिपानु सत्ये सिक्स्या केलाइको ह्रदयता हिखे कालाउ जेलाउ बुङ केलाइ दोफा ह्याङ।

धिमाल

² हाइदोनु सत केलाइलिअ्‌ता हि इङको भाअ्‌सिङ नेलाइहेङ माया पान्‍हाखे। इङको सत दिनाङ केलाइदोफा ह्‍यावा।

२ युहन्‍ना 1:2 Iomraidhean Croise

युहन्‍ना 14:16

कालाउ का आबा दोफा बिन्ति पातेङ ह्रेकाङका, कालाउ वा दोङ नेलाइहेङ भेनेङ साल्लाहाकार दिङगिल्प्यावा कालाउ वा चाहि जेलाउ बुङ नेलाइ दोफा ह्यावा।

युहन्‍ना 15:7

नेलाइ का दोफा हिसुना पानु, कालाउ काङको सिक्स्यागेलाइ बुङ नेलाइ दोफा हिहे पानु, नेलाइ जेदोङ आनेमाने ह्रेसुना पानु नेलाइको भाअ्सिङ का इङको पाअ्प्याङका।

1 कोरिन्थि 9:23

सुसमाचारको आसिसगेलाइ का बुङ निङलि द्वाको दोअ्तेङ येसु ख्रिस्टको सुसमाचारको भाअ्सिङ का इदोइ गोताङ थोक पाखा।

2 कोरिन्थि 4:5

हाइपालिपानु केलाइ ताइकोङ प्राचार मापानाखे, कालाउ येसु ख्रिस्ट दोङ प्रभु हि दोअ्का काथा प्राचार पानाखे, कालाउ केलाइ चाहि येसुको भाअ्सिङ नेलाइको बान्धाइति हिनाहि।

कलस्सि 3:16

ख्रिस्टको बचनहोइ नेलाइको बिचारता रेम्फासो कामगेलाइ पालि पिसु, कालाउ पुरा बुद्दिमानि जेङतेङ एमिसो-भेनेङहेङ धिरपासु कालाउ साल्लाहा पिसु, कालाउ परमेस्वरहेङ ताइको ह्रदयसोङ धन्यबाद पितेङ आत्मिक भजन लेसु।

2 तिमोथि 1:5

कासेहेङ नाङको येसु ख्रिस्ट ह्रुता हिका खाङधुरिको फोम हि। इङको खाङधुरि जेदोङ लाम्फा नाङको आझाइ लोइस कालाउ नाङको आमाइ युनिस्ता हिघाहि। कालाउ एला कासेहेङ निस्चित हि, कि नाङकोता बुङ इन्सिकाङ खाङधुरि हि।

२ पत्‍रुस 1:12

लाम्फा दोङ नेलाइहेङ इदोइ काथागेलाइ थाहा जेङकाङ हि, कालाउ द्‍याङगेलाइ नेलाइहेङ धिर्पाका सत्ये सिक्स्याता बल्लियाका जेङका हिसुना, का इङको काथागेलाइको बारेता जेलाउ बुङ फोम पाअ्‌ पाङका।

१ युहन्‍ना 1:8

जेसापा केलाइता पाप मान्थु दोअ्तेङ केलाइ दोअ्नाखे पानुते केलाइ ताइमिहेङ धोका पिनाखे, कालाउ परमेस्वर तिङपाका सत्ये काथा मागिन्हाखे।

१ युहन्‍ना 2:14

नेलाइ जाइ नावा खान्धुराइगेलाइ भाइकाङ हिसुन्हा, का नेलाइको भाअ्सिङ लेखेदोङखा, हाइपालिपानु लाम्फासो दोङ हिका येसु ख्रिस्टहेङ नेलाइ नाल्सुखेना। नावा खान्धुराइगेलाइ, का नेलाइको भाअ्सिङ लेखेदोङखा, हाइपालिपानु नेलाइ खाङधुरिता बल्लियाका हिसुन्हा, कालाउ परमेस्वरको बचन नेलाइकोता हिखे, कालाउ नेलाइ इङको साइतानहेङ जितिका हिसुन्हा।

१ युहन्‍ना 2:17

सुमिङ कालाउ इङकोता हिका द्‍याङगेलाइहेङ गोइका गोताङ काथा मोतेङ हानावा, कालाउ परमेस्वरको आग्या केम्का द्‍याङ चाहि जेलाउको भाअ्सिङ ह्यावा।