२ युहन्‍ना 1:12 - Dhimal NT

¹² का नासेहेङ दोअ्लि गोइका हेन्जाङ काथा हि, कालाउ का या काथाहेङ इदोइ पात्ताराता लेखेलि माभोखा कालाउ केलाइको आनान्द पुरा जेनाको दोअ्तेङ का नेलाइकोताङ लोतेङ सोझाङ दोफा-दोफाङ काथा पालि आस पाखा।

धिमाल

¹² नेलाइहेङ लेखेलि हेन्‍जाङ काथा हिलाउ बुङ का इदोइ चिथिता गोताङ काथा लेखेलि माभोखा। कालाउ का नेलाइहेङ दुसुतेङ काथा दोअ्‌लि मन पाखा। इङको पहर केलाइ झाराङ लेङचाङ।

२ युहन्‍ना 1:12 Iomraidhean Croise

युहन्‍ना 15:11

का इदोइ काथा नेलाइहेङ ओदोङ भाअ्सिङ दोअ्का हिघा, कालाउकि नेलाइकोता बुङ ओदोङ आनान्द ह्याको, जेदोङ काङको दोफा हि। कालाउ नेलाइको आनान्द परिपुर्न ह्याको।

युहन्‍ना 16:12

का नेलाइहेङ दोअ्लि गोइका काथा आरु हेन्जाङ हि, कालाउ इङको काथागेलाइ एला नेलाइहेङ इङको काथा हेन्जा जेनावा कालाउ नेलाइ बुझिलि मादोस्वाना।

युहन्‍ना 16:24

नेलाइ एला थेकापा काङको चात्या जेङतेङ बुङ आबा दोफा हाइ दोङ ह्रेका मान्थुसुना, ह्रेसु नेलाइ निङस्वाना कालाउकि नेलाइको आनान्द भरि पुर्न ज्याको।

युहन्‍ना 17:13

कालाउ एला का नाङकोता लोदोङखा। सुमिङता हिलाउ का इदोइ काथा दोअ्खा, कि इम्बालाइ काङको आनान्दहोइ भरि पुर्न ज्याको।

युहन्‍ना 3:29

दारा दरवाइनि दोफा बिहु पाखे, कालाउ दाराको लोकोन्दि जाअ्तेङ दाराको काथा हिङतेङ खुसि जेङखे, एसापा दोङ काङको ह्रदय आनन्दहोइ एला भरि पुर्न जेङका हि।

रोमि 15:24

का स्पेन सारभि हानिलाउ का नेलाइहेङ भेतिलि आस पाखा, कालाउ नेलाइ दोफा कोम्हा सोमोइ थेकापा सङगतिको आनान्द निङतेङ नेलाइ कासेहेङ आरोङ हानिलिको भाअ्सिङ दामाता साघाइस्वाना दोअ्का आस ताअ्खा।

2 तिमोथि 1:4

कासेहेङ फोम हि, जेलाउ केलाइ लाअ्न्हाहि नाअ् हेसा खार्का हिघाखेना, इङको फोम होइ नासेहेङ भेतिलि काङको बार्का इच्छा हि। कालाउ भेतिलि निङनु का हेन्जा लेङचा धाङका।

फिलेमोन 1:22

या दोफाङ नाङको साअ्ता काङको भाअ्सिङ एनोङ कोठाको ब्यबस्था पापि। हाइपालिपानु का आस पाखा कि परमेस्वर नाङको प्रार्थानाको उत्तारा पियाङ कालाउ का इन्ता ल्वाङका कालाउ नासेहेङ भेत्याङका।

हिब्रु 13:19

नेलाइहेङ काङको बिसेस आग्राह इदोइ हि कि, काङको भाअ्सिङ प्रार्थाना पापिसु, कालाउ का आरोङ नेलाइकोता मारफाङ लोलि द्वाको।

हिब्रु 13:23

नेलाइहेङ इदोइ थाहा पिलि भोखा, कि केलाइको खान्धुराइ ओने तिमोथि झ्यालखानासो छुतिका हि, जेसापा वा मारफाङ लोहि पानु का वाको दोफा नेलाइहेङ भेतिलि ल्वाङका।

१ युहन्‍ना 1:4

केलाइको आनान्द पुरा ज्याको दोअ्तेङ केलाइ इदोइ काथागेलाइ लेखेदोङन्हाखे।

३ युहन्‍ना 1:10

ओदोङ भाअ्सिङ जेलाउ का ल्वाङका कालाउ नेलाइको आगाता वाको पाका गोताङ कामगेलाइ थाइ-थाइ पापियाङका माकुनुते गोताङ मारेम्का सब्दगेलाइ प्रयोग पातेङ केलाइता लादाइका आरोपगेलाइ इदोइ झोको खिनिङ माको, वा दोफाङ पाक पाका खान्धुराइ ओनेगेलाइहेङ बुङ इन्कार पाखे। कालाउ स्‍वागत पालि भोकालाइहेङ बुङ खोराइखे। इता थेकापा कि वा इम्बालाइहेङ मन्डलिसो बाहार ओल्लेपाखे।