२ युहन्‍ना 1:1 - Dhimal NT

¹ का युहान्‍ना मन्डलिको आगुवा इदोइ पात्तारा परमेस्वरको छाल्का बेबालहेङ कालाउ वाको जामालाइहेङ लेखेदोङखा। जाइहेङ का जातिङको प्रेम पाखा कालाउ का खिनिङ माको, कालाउ सत्येहेङ नाल्का झाराङ दोङ प्रेम पाखे।

धिमाल

¹ सेउपाखा! का मन्‍डलिको आगुवासो, परमेस्‍वरसो साल्‍तेङ दिङगिल्‍का बेबाल रो इङकोको चानचामिन्‍दिगेलाइहेङ इदोइ चिथि लेखेदोङखा। नेलाइहेङ का जातिङको माया पाखा। का खिनिङ माको, कालाउ सतहेङ नाल्‍का झाराङ नेलाइहेङ माया पाखे।

२ युहन्‍ना 1:1 Iomraidhean Croise

लुका 1:3

ओदोङ भाअ्सिङ आनाउ थियोफिलस का ताइमिङ लाम्फासोङ ध्यान पातेङ गोताङ काथागेलाइको बिसोइता भोका हिघा कासेहेङ या रेम्का लागिहि कि, का नाङको भाअ्सिङ इदोइ घाटानागेलाइ सारिपासोङ लेखेदोङखा।

युहन्‍ना 8:32

कालाउ नेलाइ दोङ सत्ये हाइ दोअ्तेङ गिस्वाना, कालाउ सत्येहोइ नेलाइहेङ स्वतन्तरो पावा।

साल्न्हाका चात्या 11:30

इम्बालाइ एन्साङ पाहि, कालाउ इम्बालाइ बार्नाबास कालाउ साउल पाहासो इम्बालाइको ताका यरुसेलेम सहरको मन्डलिको आगुवागेलाइहेङ पिगिल्हि।

रोमि 16:13

प्रभु येसुको चुनिका रुखोस कालाउ वाको आमाइ, जाइ काङको बुङ आमाइ भाइपा जेङका हिघाहि, वासेहेङ बुङ सेउपाखा दोअ्पिसु।

गलाति 2:14

कालाउ जेलाउ सुसमाचारको सत्ये आन्सार इम्बालाइ मापिताइका का तिङघा, का इम्बालाइ झाराङको आगाता पतरुसहेङ दोअ्घा, “नाअ् यहुदि जेङतेङ बुङ यहुदिगेलाइ भाइपा ब्यभार मापाखेना, कालाउ हाइ पालि गैर-यहुदिगेलाइहेङ यहुदिगेलाइको मुन्धुम मानिलि बाध्ये बानाइसुन्हा?”

गलाति 2:5

कालाउ सुसमाचारको सत्ये नेलाइ दोफा हितेङ ह्याको दोअ्तेङ केलाइको इम्बालाइ दोफा सहमति माजेङहि।

गलाति 3:1

नेलाइ गलातिको खान्धुराइगेलाइ, हाइ नेलाइ ताइको बुद्दि राम्पासुन्हा, हासु नेलाइहेङ थोगिहि? येसु ख्रिस्ट हेसा क्रुस्टता सिहि, का नेलाइहेङ इङको गोताङ काथा झालाफालापा दोअ्काङ हिघाखा।

गलाति 5:7

नेलाइ ख्रिस्टको खाङधुरिता रेम्कासो बाराकाताङ हानिघा सुखेना। एला हासु नेलाइहेङ सत्ये मानिलिसो रोकिदोङखे?

कलस्सि 1:5

नेलाइ इङको पासुखेना हाइपालिपानु नेलाइको आस स्वर्गता ताअ्का काथाता हि। जेदोङको येसु ख्रिस्टको सत्ये सन्देसको बिसोइता नेलाइ लाम्फाङ सुसमाचार हिङका हिसुना।

1तिमोथि 2:4

गोताङ द्‍याङगेलाइ मुक्ति निनाको कालाउ इम्बालाइ सत्येको ग्यानता ल्वाको दोअ्का इच्छा वा पाखे।

हिब्रु 10:26

केलाइ इसिका पालि गोइखे, हाइपालिपानु जेसापा ख्रिस्टको बारेता सत्ये सन्‍देस थाहा निङतेङ बुङ केलाइ गितेङ-गितेङ पाप पान्हाहि पानु केलाइको पाप लाअ्पालिको भाअ्सिङ आरु हिदोइ बुङ भोग मान्थु जेदोङ परमेस्वर ग्रहन पाङ।

1पतरुस 1:2

आबा परमेस्वर लाम्फाङ नेलाइहेङ वाको द्‍याङ जेङलि कालाउ पबित्तरो आत्माको काम पाहासो नेलाइहेङ पबित्तरो बानाइलि चुनिलि निर्नय पाका हिघाहि। वा इसिका पाहि कालाउकि नेलाइ येसु ख्रिस्टको आग्या केम्सु कालाउ वाको हिति पाहासो सुद्द जेङलि दोसु। का प्रार्थाना पाखा कि परमेस्वर नेलाइहेङ नुगामारि थेकापा आनुग्रह कालाउ सान्ति प्याको।

1पतरुस 5:1

का नाअ् इन्ताको मन्डलिको आगुवागेलाइहेङ हाइ दोङ दोअ्लि भोखा, हाइपालिपानु का बुङ नेलाइ भाइकाङ एमि आगुवा हिघा। का ताइमिङ ख्रिस्टको हेन्जाङ सोमोइ लाम्फा निङका कस्ट तिङका हिघा। जेलाउ वा आरोङ धुरितेङ ल्वाङ, का बुङ वाको महिमाता साझेदार जेनाङका। एला का नेलाइहेङ आग्राह पाङका।

1पतरुस 5:13

नेलाइ भाइकाङ परमेस्वर पाहासो चुनिका बेबिलोन सहरको खान्धुराइगेलाइ नेलाइहेङ सेउपाखा पिगिल्का हि। मर्कुस बुङ नेलाइहेङ सेउपाखा पिगिल्का हि, जाइ काङको चान भाइका हि।

१ युहन्‍ना 2:21

नेलाइ सत्येहेङ मागिसुखेना दोअ्तेङ का लेखेका माको, कालाउ हिदोइ बुङ धाताइका सिक्स्या परमेस्वर देखाल पापिका सत्येसो मालोखे दोअ्तेङ नेलाइ गिका हिनाङ का नेलाइको भाअ्सिङ लेखेदोङखा।

१ युहन्‍ना 3:18

नेलाइ जाइ काङको आनाउ जामाललाइ भाइकाङ हिसुन्हा, केलाइ एमिसो-भेनेङहेङ काथाता खिनिङ प्रेम पानाखे मादोअ्ताइने, भरु केलाइको प्रेम काम पाहासो खाचोता परिकालाइहेङ साघाइका पाहासो तिनाको।

२ युहन्‍ना 1:13

परमेस्वर पाहासो साल्न्हाका नाङको बेजान ओनेको जामाललाइ बुङ नासेहेङ सेउपाखा पिगिल्खे।

२ युहन्‍ना 1:5

एला ओइ बेबाल, का नासेहेङ आनुरोध पाखा कि केलाइ एमिसो-भेनेङहेङ प्रेम पालि गोइखे। इदोइ हिदोइ बुङ नावा आग्या माको कालाउ ओदोङ आग्या दोङ जेदोङ केलाइ ख्रिस्टहेङ पिताइका सोमोइसोङ गिनाखे।

३ युहन्‍ना 1:1

का युहान्‍ना मन्डलिको आगुवा या पात्तारा नासेहेङ लेखेदोङखा, काङको आनाउ सानाइति गायस, का नासेहेङ जातिङको प्रेम पाखा।