2 कोरिन्थि 7:3 - Dhimal NT

³ नेलाइहेङ दुसिका थोहोराइलि का इदोइ दोअ्का माको, हाइपालिपानु का लाम्फाङ दोअ्पिका हिघा, केलाइ पुरा ह्रदयहोइ नेलाइहेङ इदोइ झोको प्रेम पानाखे, कि केलाइ सिलाउ बुङ बान्चिलाउ बुङ केलाइ माखेङन्हाङ।

2 कोरिन्थि 7:3 Iomraidhean Croise

1 थेस्लोनिकि 2:8

केलाइ नेलाइहेङ हेन्जाङ मायारु पान्हाखे, ओदोङ भाअ्सिङ नेलाइ परमेस्वरको सुसमाचार खिनिङ माको। भरु केलाइ ताइको प्रानबुङ नेलाइहेङ पिलि भोघान्हाखे, हाइपालिपानु नेलाइ केलाइको आनाउ जेङका हिघासुखेना।

2 कोरिन्थि 13:10

ओदोङ भाअ्सिङ का नेलाइहेङ इदोइ काथा लेखेतेङ हिघा, कालाउकि का नेलाइकोता लोलि खाङतेङ लाम्फा प्रभु कासेहेङ नेलाइहेङ दन्ड पिलि खाबारा पिका हि दोअ्तेङ का नेलाइहेङ तिङपालि द्वाको, हाइपालिपानु का ताइको खाबारा प्रयोग पातेङ नेलाइहेङ खाङधुरिता बल्लियाका बानाइलि भोखा, कालाउ नासा पालिको भाअ्सिङ माको।

2 कोरिन्थि 12:15

का नेलाइहेङ खुसिसोङ काङको दोफा जेदोङ हि कालाउ ताइको जिबन बुङ पिलि तियार हिघा, कालाउकि नेलाइहेङ परमेस्वरको आनुसरन पालि साघाइयाङका, का नेलाइहेङ हेन्जाङ प्रेम पाङका, भरु इन्सिका लागिखे नेलाइ कासेहेङ आतुइसा प्रेम पासुखेना!

2 कोरिन्थि 11:11

हाइ पालि का नेलाइको ताका माचुम्पुघा? हाइ का नेलाइहेङ माया मापानाङ एसा पाघा रो? परमेस्वर गिखे कि का नेलाइहेङ हेथे मायारु पाखा।

2 कोरिन्थि 7:12

का इङको गम्भिर पात्तारा आन्याय पाका द्‍याङको कारनसो लेखेका माको, ना ते आन्याय परिका द्‍याङकोङ कारनहोइ दोङ, कालाउ परमेस्वरको नजरता, केलाइ ह्रुता नेलाइको हाउसा हिसिका हि, इङको नेलाइहेङ थाहा ज्याको दोअ्तेङ का लेखेघा।

2 कोरिन्थि 3:2

नेलाइ केलाइको परमेस्वरको भाअ्सिङ काङको पाका कामको सिफारिस पात्तारा भाइका दोङ हिसुना, जेदोङ केलाइको ह्रदयता लेखेका हि, जेदोङ केलाइ नेलाइको माझाता पाका आसल काम दोङ गोताङ द्‍याङगेलाइ नाल्लि कालाउ पढेलि दोखे।

फिलिप्पि 1:7

नेलाइ झाराङको भाअ्सिङ का इसिका बिचार पालि ठिक हि, हाइपालिपानु का नेलाइ झाराङहेङ हेन्जा प्रेम पाखा, हाइपालिपानु का कैदि हिलाउ नेलाइ सुसमाचारको सुरिक्स्या कालाउ इदोइहेङ सत्ये प्रमानित पाका या न्हेनोङ दोङ कामता काङको दोफा परमेस्वरको आनुग्रहता झ्वाइनाका हिसुना।