2 कोरिन्थि 2:3 - Dhimal NT

³ कालाउ का जेदोङ काथा लेखेघा, इङको इदोइ कारनहोइ लेखेघा, कि का लोलाउ जेदोङ द्‍याङगेलाइ पाहासो का आनान्द निङलि गोइका हिघाखा इम्बालाइ पाहासो का दुखि जेङलि मागोइयाको, हाइपालिपानु का आनान्द हिलाउ नेलाइ बुङ आनान्द जेङसुखेना दोअ्का कासेहेङ पुरा भोरोसा हि।

2 कोरिन्थि 2:3 Iomraidhean Croise

1 कोरिन्थि 4:21

का नेलाइकोता लोलाउ नेलाइ काङकोसो हाइ चाहिसुखेना? जेसापा नेलाइ एलाउ बुङ खाराब कामगेलाइ लाअ्का मान्थु सुन्हा पानु, का नेलाइहेङ मारेम्फाङ हाकाराइयाङका। कालाउ जेसापा मारेम्का कामगेलाइ लाअ्का हिसुन्हा पानु, का सुकापा प्रेमहोइ ब्यभार पाङका।

2 कोरिन्थि 1:15

केलाइ नेलाइकोता लाम्फा दोङ भेतिलि लोलि इच्छा पाका काथा नेलाइ बुझिका हिसुना दोअ्का काथाता का निसित जेङनाङ, का नेलाइहेङ भेतिलि भोघाखा, कालाउकि नेलाइहेङ न्हेखे भेतिलि लोकाता नेलाइहेङ आसिस जेङलि द्वाको।

2 कोरिन्थि 1:23

परमेस्वर काङको इदोइ सत्ये काथाको साक्सि हि, कि का आरोङ धुरितेङ कोरिन्थि सहरता मालोघा, हाइपालिपानु का नेलाइहेङ हाकाराइलि माभोघाखा।

2 कोरिन्थि 12:11

का आनाइ जेङका हिघा, नेलाइ कासेहेङ एन्सा पालि कर लागाइसुन्हा, हाइपालिपानु नेलाइसो तेका काङको बाखिन जेङलि गोइका हिघाहि। हाइपालिपानु का हाइ दोङ माकुलाउ बुङ इङको धाताइका चात्यागेलाइ खान्तेङ का कम मान्थुघा।

2 कोरिन्थि 12:21

का थिका, कि का आरोङ लोलाउ काङको परमेस्वर कासेहेङ नेलाइको आगाता थुचु पाप्यावा, कालाउ हेन्जाङ झनाको भाअ्सिङ का सोक पालि गोयाङका, जाइगेलाइ लाम्फा पाप पाका हिघाहि, कालाउ ताइमि पाका आसुद्ता, कासिबिरि, कालाउ छाडा कामसो पासताइ पाका मान्थु वाला।

2 कोरिन्थि 13:10

ओदोङ भाअ्सिङ का नेलाइहेङ इदोइ काथा लेखेतेङ हिघा, कालाउकि का नेलाइकोता लोलि खाङतेङ लाम्फा प्रभु कासेहेङ नेलाइहेङ दन्ड पिलि खाबारा पिका हि दोअ्तेङ का नेलाइहेङ तिङपालि द्वाको, हाइपालिपानु का ताइको खाबारा प्रयोग पातेङ नेलाइहेङ खाङधुरिता बल्लियाका बानाइलि भोखा, कालाउ नासा पालिको भाअ्सिङ माको।

2 कोरिन्थि 2:9

ओदोङ भाअ्सिङ दोङ नेलाइहेङ जाचिलि, कालाउ काङको आदेसगेलाइहेङ किलि नेलाइ आग्याकारि हिसुना कि मान्थुसुना दोअ्का काथा थाहा निङलिको भाअ्सिङ का नेलाइहेङ लेखेघा।

2 कोरिन्थि 7:12

का इङको गम्भिर पात्तारा आन्याय पाका द्‍याङको कारनसो लेखेका माको, ना ते आन्याय परिका द्‍याङकोङ कारनहोइ दोङ, कालाउ परमेस्वरको नजरता, केलाइ ह्रुता नेलाइको हाउसा हिसिका हि, इङको नेलाइहेङ थाहा ज्याको दोअ्तेङ का लेखेघा।

2 कोरिन्थि 7:16

का रामाइचाखा, हाइपालिपानु नेलाइ ह्रुता काङको पुरा भरोसा हि।

2 कोरिन्थि 7:6

कालाउ मनता मुइतेङ हिकालाइहेङ सान्तावाना पिका परमेस्वर तितसको लोकासो केलाइहेङ सान्तावाना पिहि।

2 कोरिन्थि 7:8

का नेलाइहेङ इङको गम्भिर पात्तारा पिगिल्काता कासेहेङ हिदोइ बुङ भुल भाइका माजेङखे, लाङखे कासेहेङ दुखि लागिलाउ बुङ, कासेहेङ थाहा हि कि इदोइहोइ नेलाइहेङ आतुइसा सोमोइको भाअ्सिङ खिनिङ दुखि बानाइयाङ।

2 कोरिन्थि 8:22

कालाउ तितस दोफा केलाइ एमि भेनेङ खान्धुराइ ओनेहेङ दिङगिल्दोङन्हाखे, जाइहेङ केलाइ हेन्जाङखे जाचितेङ हेन्जाङ काथाता पारापुरुका निङका हिनाहि, नेलाइ दोफा जेङका वाको बारका भरोसाहोइ वा आझाइ हेन्जाङ पारापुरुका जेङतेङ हि।

गलाति 5:10

का प्रभुता भोरोसा पाखा, कि वा नेलाइहेङ धाताइका सिक्स्यागेलाइसो फारापा ताअ्तावा। कालाउ नेलाइहेङ आवाइतुपाका हासुहेङ लाउ बुङ परमेस्वर वासेहेङ दन्ड प्याङ।

2 थेस्लोनिकि 3:4

केलाइ जेदोङ काथाको आग्या पिन्हाखे, इङको नेलाइ लागातार पासुखेना बुङ दोअ्का केलाइ नेलाइको बारेता प्रभुता खाङधुरि पानाखे।

फिलेमोन 1:21

का इदोइ पात्तारा नासेहेङ लेखेका हिघा, हाइपालिपानु का भोरोसा पाङका, कि काङको दोअ्का भाइपा नाअ् पाना। बास्ताबता कासेहेङ थाहा हि, कि का दोङ नासेहेङ दोअ्का खान्तेङ हेन्जा नाअ् पाना।