2 कोरिन्थि 1:2 - Dhimal NT

² परमेस्वर केलाइको आबा कालाउ प्रभु येसु ख्रिस्टसो नेलाइहेङ आनुग्रह कालाउ सान्ति।

2 कोरिन्थि 1:2 Iomraidhean Croise

रोमि 1:7

का या पात्तारा रोम सहरता हिका गोताङ खान्धुराइगेलाइहेङ लेखेदोङखा, जाइहेङ परमेस्वर प्रेम पाखे कालाउ ताइको पबित्तरो जन जेङलि काइका हि। नेलाइहेङ केलाइको आबा परमेस्वर कालाउ प्रभु येसु ख्रिस्ट आनुग्रह कालाउ सान्ति प्याको।

1 कोरिन्थि 1:3

का प्रार्थाना पाखा कि केलाइको आबा परमेस्वर कालाउ प्रभु येसु ख्रिस्ट नेलाइहेङ आनुग्रह कालाउ सान्ति प्याको।

2 कोरिन्थि 1:3

केलाइको प्रभु येसु ख्रिस्टको आबा परमेस्वरहेङ बाखानाइ ज्याको, जाइ करुनामय आबा, कालाउ केलाइहेङ जेलाउ बुङ सान्तावाना पिका परमेस्वर हि।

गलाति 6:16

परमेस्वर उङको झाराङहेङ सान्ति, क्रिपा कालाउ आसिस प्याको, जाइ वा आग्यागेलाइ किखे। इम्बालाइ परमेस्वरको द्‍याङगेलाइ दोङ हि।

एफिसि 6:23

का प्रार्थाना पाखा, कि केलाइको आबा परमेस्वर कालाउ प्रभु येसु ख्रिस्ट नाअ् झाराङ खान्धुराइगेलाइहेङ सान्ति प्याको। कालाउ इम्बालाइ नेलाइहेङ ख्रिस्टता लागातार खाङधुरि पालि कालाउ एमिसो भेनेङ दोफा प्रेम पालि साघाइयाको।

फिलिप्पि 1:2

केलाइ प्रार्थाना पान्हाखे कि, परमेस्वर केलाइको आबा कालाउ प्रभु येसु ख्रिस्टको आनुग्रह कालाउ सान्ति नेलाइ दोफा हितेङ ह्याको।

कलस्सि 1:2

ख्रिस्टता हिका कलस्सि सहरको परमेस्वरको जनगेलाइ कालाउ खाङधुरि योग्य ओनेगेलाइ केलाइको आबा परमेस्वर दोङ नेलाइहेङ आनुग्रह कालाउ सान्ति प्याको।

1 थेस्लोनिकि 1:1

इदोइ पात्तारा का पावल थेसलोनिकि सहरता हिका खान्धुराइगेलाइहेङ लेखेदोङखा, जेदोङ आबा परमेस्वर कालाउ प्रभु येसु ख्रिस्टता हि। कालाउ सिलास कालाउ तिमोथि बुङ नेलाइहेङ सेउपाखा पिगिल्का हि, का प्रार्थाना पाखा, कि परमेस्वर दोङ नेलाइहेङ आनुग्रह कालाउ सान्ति प्याको।

2 थेस्लोनिकि 1:2

केलाइ प्रार्थाना पान्हाखे, कि आबा परमेस्वर कालाउ येसु ख्रिस्ट नेलाइहेङ आनुग्रह कालाउ सान्ति प्याको।

फिलेमोन 1:3

का प्रार्थाना पाखा कि, केलाइको आबा परमेस्वर कालाउ केलाइको प्रभु येसु ख्रिस्ट नासेहेङ आनुग्रह पाको कालाउ सान्ति प्याको।