1तिमोथि 6:3 - Dhimal NT

³ जेसापा हासु बुङ धाताइका सिक्स्यागेलाइ धिरपाखे पानु, केलाइको प्रभु येसु ख्रिस्टको सत्ये सिक्स्या कालाउ परमेस्वरहेङ भक्ति पाका सिक्स्या दोफा सहमत माजेङखे।

धिमाल

³ हासुङ भेनेङ बिद्‌यागेलाइ धिरपाखे पानु केलाइको प्रभु इसु ख्रिस्‍टको सत बिद्‌या रो परमेस्‍वरहेङ मानपाका बिद्‌याहेङ मासाअ्‌तावा।

1तिमोथि 6:3 Iomraidhean Croise

मत्‍ति 22:21

उङको द्‍याङगेलाइ जोबाफ पिहि, इदोइ रोमि साम्रातको चित्तरो हि कालाउ इन्ता रोमि साम्रातको मिङ हि। येसु आरोङ दोअ्हि, जेदोङ रोमि साम्रातको हि इङको रोमि साम्रातहेङ पिसु कालाउ जेदोङ परमेस्वरको हि परमेस्वरहेङ पिसु।

मत्‍ति 28:20

का नेलाइहेङ आग्या पिका गोताङ काथागेलाइ पालि इम्बालाइहेङ धिरपासु। खाङसु, का युगको दोका थेकापा नेलाइ दोफा का ह्याङका।”

रोमि 16:17

खान्धुराइ ओनेगेलाइ, का नेलाइहेङ सेउपाखा, कि नेलाइहेङ धिर्पाका सत्ये सिक्स्याको बिरोध पाका द्‍याङगेलाइसो जाइ खेङपाखे चङख हिसु कालाउ इम्बालाइसो दुरे हिसु।

1 थेस्लोनिकि 4:8

ओदोङ भाअ्सिङ जाइ इदोइ सिक्स्याहेङ माकिखे वा द्‍याङहेङ माको कालाउ परमेस्वरहेङ मामानिखे, जेदोङ परमेस्वर नेलाइहेङ ताइको पबित्तरो आत्मा प्यावा।

1तिमोथि 1:10

कासिबिरिगेलाइको भाअ्सिङ, वाबालसो-वाबालहेङ कुसुमि पाकागेलाइको भाअ्सिङ, द्‍याङगेलाइहेङ बान्धाइतिको रुपता पिइकालाइको भाअ्सिङ, धाताइका काथा पाकागेलाइको भाअ्सिङ, कालाउ धाताइका केरा चाकालाइको भाअ्सिङ, कालाउ सत्ये सिक्स्याको बिरोधता काम पाकालाइको भाअ्सिङ जेङका हि।

1तिमोथि 1:3

जेलाउ म्यासिडोनिया प्रदेस हानेलि तोमलाउ का आरोङ नेलाइहेङ आनुरोध पाखा कि, नेलाइ एफिसस सहरता दोङ हिसु कालाउ धाताइका सिक्स्या धिरपाका द्‍याङगेलाइहेङ एन्सा मापा दोअ्तेङ थाङका आग्या पि।

1तिमोथि 1:6

हाइपालिपानु हेथेते धाताइका सिक्स्यकगेलाइ इङको गोताङ काथागेलाइ पालि लाअ्तेङ काम ब्यर्थको काथागेलाइ दोअ्लि तेङका हि।

2 तिमोथि 1:13

का नासेहेङ पिका गोताङ सत्ये सिक्स्यागेलाइ नमुना भाइपाङ जोगाइतेङ ताअ्सु। खाङधुरि कालाउ प्रेम दोफा या पासु, हाइपालिपानु नेलाइ येसु ख्रिस्ट दोफा ए जेङतेङ हिसुन्हा।

2 तिमोथि 4:3

हाइपालिपानु इसिका सोमोइ लोदोङखे जेलाउ द्‍याङगेलाइ सत्ये सिक्स्याहेङ हिङलि माकितावा, कालाउ इम्बालाइ हेन्जा धाताइका सिक्स्यकसो ताइमिहेङ मन्दा ताअ्का काथा खिनिङ हिङलि भोखे।

तितस 1:1

का पावल परमेस्वरको बान्धाइति कालाउ प्रभु येसु ख्रिस्ट पाहा छाल्न्हाका चात्या, इदोइ पात्तारा नासेहेङ लेखेदोङखा, परमेस्वर छाल्का द्‍याङगेलाइहेङ खाङधुरिको सन्‍देस हिङपालि कालाउ सत्येको ग्यान हाइ हि इङको धिरपालिको भाअ्सिङ कासेहेङ दिङगिल्का हि। कालाउकि इम्बालाइ परमेस्वरहेङ मन्दा ताअ्का जिबन जियाइलि द्वाको।

तितस 1:9

वा केलाइसो येसु ख्रिस्टको बारेता धिरका सत्ये सन्देसहेङ पुर्न रितिहोइ खाङधुरि पाको। कालाउकि वा आरुहेङ इङको सहि सिक्स्या पिलि द्वाको कालाउ हासु बुङ इङको सत्ये सिक्स्याको बिरोध पाखे पानु, इम्बालाइहेङ सच्याइलि द्वाको।

तितस 3:8

इदोइ भनाइ सत्ये हि, जेदोङ एलाङ खिनिङ का नासेहेङ दोअ्का हिघा, का भोखा कि जेलाउ नाअ् खान्धुराइगेलाइहेङ धिरपाखेना इदोइ काथागेलाइता जोर पिसु, कालाउकि जाइ परमेस्वरता खाङधुरि ताअ्का हि ताइमिहेङ रेम्का काम पालि मन लागाइलि द्वाको। हाइपालिपानु इदोइ सिक्स्यागेलाइ गोताङ द्‍याङगेलाइको भाअ्सिङ रेम्का कालाउ फाइदा जनक बुङ हि।