1तिमोथि 6:21 - Dhimal NT

²¹ या धाताइका ग्यानहेङ पिताइतेङ हेथे द्‍याङगेलाइ ख्रिस्ट ह्रुता खाङधुरि पालि लाअ्का हि। का प्रार्थाना पाखा कि परमेस्वरको आनुग्रह नेलाइ झाराङ दोफा ह्याको।

धिमाल

²¹ हेथे द्‌याङगेलाइ इसिका काथाता लागेलाउ ताइको खान्‍धुरसो घुरिका हि। नेलाइ झाराङता परमेस्‍वरको निगाहा ह्‍याको।

1तिमोथि 6:21 Iomraidhean Croise

मत्‍ति 6:13

केलाइहेङ बार्का जाचिकाता माताअ्पि। कालाउ केलाइहेङ साइतानसो जोगाइ। हाइपालिपानु सासन, पराक्रम कालाउ महिमा जेलाउलाउको भाअ्सिङ नाङको दोङ। आमेन।

रोमि 1:7

का या पात्तारा रोम सहरता हिका गोताङ खान्धुराइगेलाइहेङ लेखेदोङखा, जाइहेङ परमेस्वर प्रेम पाखे कालाउ ताइको पबित्तरो जन जेङलि काइका हि। नेलाइहेङ केलाइको आबा परमेस्वर कालाउ प्रभु येसु ख्रिस्ट आनुग्रह कालाउ सान्ति प्याको।

रोमि 16:20

सान्तिको परमेस्वर मार्फाङ दोङ साइतानहेङ नासा पाङ कालाउ वासेहेङ नेलाइको आधिनता चुमावा, केलाइको प्रभु येसु ख्रिस्टको आनुग्रह नेलाइ दोफा हितेङ ह्याको।

रोमि 16:23

गायस बुङ नेलाइहेङ सेउपाखा पिगिल्का हि। का वाको साअ्ता हिखा जेता सङगति बुङ जेङखे। सहरको कोस आध्यक्स्य इरासतस कालाउ केलाइको खान्धुराइ ओने क्वार्ट्स बुङ नेलाइहेङ सेउपाखा पिगिल्का हि।

कलस्सि 4:18

का पावल, पात्ताराको इङको भाग नेलाइहेङ सेउपालि को भाअ्सिङ लेखेदोङखा। फोम ताअ्सु कि का झ्यालखानाता हिघा कालाउ काङको भाअ्सिङ प्रार्थाना पासु। नेलाइ दोफा परमेस्वरको आनुग्रह ह्याको। आमेन।

1तिमोथि 1:19

नाअ् ख्रिस्टता लागातार खाङधुरि पातेङ हिलि गोइखे कालाउ आसल बिचार पातेङ हिलि गोइखे आधिमि द्‍याङगेलाइ ताइको आसल बिचार इन्कार पाका हि, कालाउ इम्बालाइ ख्रिस्टता खाङधुरि पालि लाअ्का हि।

1तिमोथि 1:6

हाइपालिपानु हेथेते धाताइका सिक्स्यकगेलाइ इङको गोताङ काथागेलाइ पालि लाअ्तेङ काम ब्यर्थको काथागेलाइ दोअ्लि तेङका हि।

1तिमोथि 6:10

हाइपालिपानु धनसम्पतिको लोभ दोङ गोताङ किसिमको मारेम्का कामको जारि दोङ हि। हेथेते द्‍याङ ताका कामाइका लोभता लागितेङ खाङधुरि पालि लाअ्का हि कालाउ हेन्जा दुख पिडाता परिका हि।

2 तिमोथि 2:18

उङको न्हेमि द्‍याङगेलाइ सत्ये सिक्स्याहेङ लाअ्का हि, इम्बालाइ धिरपाखे कि, परमेस्वर सिका खान्धुराइगेलाइहेङ आनान्त जिबनको भाअ्सिङ लाम्फाङ दोङ सिन्चाल पाका हि। कालाउ परिनाम स्वरुप इम्बालाइ आधिमि खान्धुराइगेलाइको खाङधुरिसो खेङका हि।

2 तिमोथि 4:22

का प्रार्थाना पाङका कि प्रभु नाङको दोफा ह्याको कालाउ वाको आनुग्रह बुङ नाङको दोफा ह्याको।

तितस 3:15

इङको झाराङ जाइ खान्धुराइगेलाइ का दोफा हि नासेहेङ सेउपाखा पिगिल्का हि, कालाउ इन्ता क्रेट टापुता हिका केलाइहेङ प्रेम पाका खान्धुराइगेलाइहेङ बुङ केलाइको सेउपाखा दोअ्पि। का प्रार्थाना पाङका कि परमेस्वरको आनुग्रह नेलाइ झाराङ दोफा हितेङ ह्याको।

हिब्रु 13:25

नेलाइ झाराङ दोफा परमेस्वरको आनुग्रह ह्याको। आमेन।