1तिमोथि 6:20 - Dhimal NT

²⁰ तिमोथि, परमेस्वर नासेहेङ जेदोङ सुम्पिका हि, इङको रेम्फासो पाअ्‌। कालाउ हेथेते द्‍याङगेलाइ सुमिङको ब्यर्थको काथा जाइहेङ इम्बालाइ “ग्यान” दोअ्खे, इन्सिका धाताइका काथागेलाइसो फारापा हिसु।

धिमाल

²⁰ मोन्‍दाताका तिमोथि, नाङको जिमाता पिका काथाहेङ रेम्‍फा खाङकाखुङका पा। हेथे द्‌याङगेलाइ दुनियाको निरबुदि काथा रो आकिल दोअ्‌तेङ साअ्‌का असत काथागेलाइसो फारापा हि।

1तिमोथि 6:20 Iomraidhean Croise

साल्न्हाका चात्या 16:1

पावल डर्बि सहर लुस्तारा सहरता बुङ लोहि। इन्ता तिमोथि मिङ हिका एमि चात्या हिघाहि। कालाउ वा एमि यहुदि खान्धुराइको बेबालको चान हिघाहि। कालाउ वाको आबा चाहि ग्रिक सारभिको बासिन्दा हिघाहि।

साल्न्हाका चात्या 17:18

इन्ता आधिमि इपिक्युरिया कालाउ स्तोइक दोअ्का सिक्स्यकगेलाइ मध्ये बुङ हेथेते दोफा निक्कोङ बिचार बिमर्स जेङहि। इम्बालाइ मध्येसो हेथेते दोअ्हि, “या काथा बाचक हाइ दोअ्लि भोतेङ हि?” कालाउ आरुगेलाइ दोअ्हि, “वा भेनेङ दिरगेलाइको बिसोइता प्राचार पाका भाइका तिङखे।” हाइपालिपानु पावल येसुको कालाउ वाको सिकासो सिन्हुकाको सुसमाचार पाघाखे।

साल्न्हाका चात्या 17:21

एथेन्स सहरको गोताङ द्‍याङगेलाइ कालाउ इन्ता हिका बिदेसिगेलाइ नावा-नावा काथागेलाइ दोअ्लि माकुनु हिङलि बाहेक ताइको सोमोइ आरु हिदोइ बुङ काथाता माबितिपाघाखे।

रोमि 1:22

इम्बालाइ ताइमिहेङ बुद्दिमानि दोअ्तेङ दाबि पाहि, कालाउ बुङ इम्बालाइ मुर्ख जेङहि।

रोमि 3:2

एइ, यहुदि जेङलि हेन्जा फाइदा हि, झाराङ खान्तेङ लाम्फा परमेस्वरको बचन यहुदिगेलाइहेङ दोङ सुम्पिका हि।

1 कोरिन्थि 2:6

कालाउ बुङ परिपक्का खान्धुराइगेलाइको माझाता केलाइ बुद्दिको काथा पानाखे, कालाउ सुमिङको द्‍याङगेलाइको बुद्दि माको, ना ते इदोइ सुमिङको सासकगेलाइको बुद्दि भाइपा, जेदोङ नासातेङ हानावा।

1 कोरिन्थि 3:19

हाइपालिपानु सुमिङको बुद्दि परमेस्वरको आगाता आनाइ दोङ हि, हाइपालिपानु धर्मसास्तरता लेखेका हि, “परमेस्वर बुद्दिमानि द्‍याङगेलाइहेङ ओबालाइकोङ ताइको चालाखता फसेपावा।”

कलस्सि 2:18

ख्रिस्ट जिउको पुरिङ हि। वाकोसोङ दोङ जिउको गोताङ आङगगेलाइ तेअ्खे कालाउ गोताङ आङगगेलाइको स्याहार जेङखे। ओदोङ भाअ्सिङ इदोङ परमेस्वरको इच्छा आन्सार बाढेखे। ताइमिहेङ आपामान पातेङ कालाउ स्वर्गदुतगेलाइको आराधाना पातेङ हासुहेङ बुङ आयोग्य बानाइलि जोर मापिसु। इसिका द्‍याङगेलाइ दर्सन तिङखे कालाउ द्‍याङको बिचार आन्सार इङको दर्सन पाहासो ओबालाइता घमन्ड लोखे। कालाउ ओबालाइ ख्रिस्टहेङ लाअ्का हि।

कलस्सि 2:8

नेलाइ चङको जेङतेङ हिसु, माकुनुते द्‍याङगेलाइको ब्यर्थको ग्यान कालाउ बिबेकहोइ नेलाइहेङ माधाताइयाको, इन्सिका बिचारगेलाइ द्‍याङको मुन्धुम कालाउ सुमिङको सिद्धान्‍तगेलाइसो लोखे कालाउ ख्रिस्टसो माको।

2 थेस्लोनिकि 1:4

ओदोङ भाअ्सिङ इदोइ झोको, कि नेलाइ ह्रुता जाइ लागेका गोताङ साताइन्हाका, कालाउ कस्टगेलाइता बुङ माअ्थिसिङ नेलाइ बल्लियाका जेङतेङ हिकाता नेलाइको खाङधुरिको भाअ्सिङ परमेस्वरको मन्डलिगेलाइको माझाता केलाइ हेन्जाङ गर्ब पानाखे।

2 थेस्लोनिकि 2:15

ओदोङ भाअ्सिङ खान्धुराइ ओनेगेलाइ, बल्लियाका जेङसु, कालाउ केलाइको दोअ्का माकुनु पात्तारा पाहासो निङका सिक्स्याता लागातार खाङधुरि पातेङ हिसु।

1तिमोथि 1:11

इदोइ सहि सिक्स्या केलाइको आधभुत परमेस्वरको महिमाको बारेता सुसमाचार दोफा सहमति हिखे, जाइ कासेहेङ प्राचार पाका जिम्माबारि सुम्पिका हि।

1तिमोथि 1:2

का इदोइ पात्तारा तिमोथिहेङ लेखेदोङखा, नाअ् काङको ताइकोङ चान भाइका हिना हाइपालिपानु नाअ् बुङ येसु ख्रिस्टता खाङधुरि पाखेना। का प्रार्थाना पाखा, कि केलाइको आबा परमेस्वर कालाउ येसु ख्रिस्ट नासेहेङ आनुग्रह, क्रिपा कालाउ सान्ति प्याको।

1तिमोथि 1:4

का आरोङ बुङ नेलाइहेङ आनुरोध पातेङ दोअ्खा, कि नेलाइ इम्बालाइको दन्ते काथागेलाइ कालाउ पुर्खागेलाइको माओताका सुचिको काथागेलाइता सोमोइ खेर माथाइगिल्सु। इन्सिका काथा पोसुकालाइहोइ परमेस्वरको काम पालि मासाघाइखे, हाइपालिपानु परमेस्वरको काम वाकोता खाङधुरि पानाङ जेङखे।

1तिमोथि 1:6

हाइपालिपानु हेथेते धाताइका सिक्स्यकगेलाइ इङको गोताङ काथागेलाइ पालि लाअ्तेङ काम ब्यर्थको काथागेलाइ दोअ्लि तेङका हि।

1तिमोथि 1:9

केलाइ या बुङ गिन्हाखे, कि मोसाको व्यवस्था आसल काम पाका द्‍याङको भाअ्सिङ पिका माको, भरु परमेस्वरको व्यवस्था माकिकालाइहेङ कालाउ आनाग्या कारिगेलाइको भाअ्सिङ हि, जाइ परमेस्वरको आराधाना मापाखे कालाउ जाइ लागातार पाप पातेङ हिखे, दुस्ट द्‍याङगेलाइ कालाउ परमेस्वरको आदार मापाकालाइ कालाउ ताइको आमाइ-आबागेलाइहेङ कालाउ आरु द्‍याङगेलाइहेङ सेअ्कालाइको भाअ्सिङ,

1तिमोथि 4:7

कालाउ दन्ते काथागेलाइता कालाउ आर्था मान्थुका काथागेलाइसो एकदम फारापा हिसु, भरु ताइमिहेङ लागातार परमेस्वरहेङ मन परिका जिबन जियाइलि तालिम पाअ्‌।

1तिमोथि 6:11

कालाउ तिमोथि नाअ् परमेस्वरको जन इदोइ गोताङ मारेम्का काथागेलाइसो फारापा हिसु, कालाउ आसल कामता, भक्तिता, खाङधुरिता, प्रेम धर्यता कालाउ मोनोइ जेङका काथाता ताइको मन लागाइ।

1तिमोथि 6:14

का नासेहेङ या आदेस पिदोङखा, कि प्रभु येसु ख्रिस्ट आरोङ मालोपा धाउ नाअ् परमेस्वरसो निङका आग्याहेङ रेम्फा माने कालाउकि हासु बुङ नासेहेङ दुसिलि मानिनाको।

2 तिमोथि 2:1

ओदोङ भाअ्सिङ तिमोथि जाइ नाअ् काङको ताइकोङ चान भाइका हिना, लागातार ताइमिहेङ बल्लियाका बानाइ इदोइ गितेङ, कि परमेस्वर नासेहेङ आनुग्रह पिका हि जेदोङ चाहि येसु ख्रिस्ट पाहासो खिनिङ लोखे।

2 तिमोथि 2:16

इन्सिका आनाइ कालाउ फाल्तु काथागेलाइ दोअ्कालाइसो फारापा हिसु। हाइपालिपानु इन्सिका काथाहोइ द्‍याङगेलाइहेङ परमेस्वरसो झन दुरे बानाइखे।

तितस 1:14

कालाउ सत्येहेङ इन्कार पाका द्‍याङगेलाइको आग्या कालाउ यहुदि दन्ते काथाता ध्यान मापिसु।

तितस 1:4

का इदोइ पात्तारा तितसहेङ लेखेदोङखा, नाअ् काङको ताइकोङ चान भाइका हिना, हाइपालिपानु नाअ् बुङ येसु ख्रिस्टता खाङधुरि पाखेना। आबा परमेस्वर कालाउ केलाइहेङ मुक्ति पिका येसु ख्रिस्ट नासेहेङ आनुग्रह कालाउ सान्ति प्याको।

तितस 1:9

वा केलाइसो येसु ख्रिस्टको बारेता धिरका सत्ये सन्देसहेङ पुर्न रितिहोइ खाङधुरि पाको। कालाउकि वा आरुहेङ इङको सहि सिक्स्या पिलि द्वाको कालाउ हासु बुङ इङको सत्ये सिक्स्याको बिरोध पाखे पानु, इम्बालाइहेङ सच्याइलि द्वाको।

तितस 3:9

कालाउ आनाइ जालबाजिगेलाइ, पुर्खागेलाइको माओताका सुचि, बेकारको काथागेलाइ कालाउ मोसाको व्यवस्थाको बिसोइता चेरसुका काथागेलाइसो दुरे हिसु, हाइपालिपानु इङको ब्यर्थको काम मालागिका काथागेलाइ दोङ हि।

प्रकास 3:3

नाअ् लाम्फा हिङका कालाउ खाङधुरि पाका सिक्स्याहेङ फोम पाअ्‌, नाअ् जेदोङ धिरपाका हिघाखेना इङको को आनुसरन पाअ्‌, पाप पालि लाअ् कालाउ परमेस्वर भारि घुरे। जेसापा नेलाइ मारेम्का काम पालि मालाअ्सुन्हा पानु, नाअ् इङको सोमोइ थाहा मानिनाना जेलाउ का नासेहेङ साजाइ पिलि ल्वाङका, हाइपालिपानु का चोर भाइपा आचानाक ल्वाङका।