1तिमोथि 6:18 - Dhimal NT

¹⁸ कालाउ इम्बालाइहेङ आसल काम पासु दोअ्सु, कालाउ हेन्जा रेम्का कामगेलाइ पाको, कालाउ आवस्यक परिकालाइहेङ खुल्ला मनहोइ साघाइलि तियार जेङसु दोसु।

धिमाल

¹⁸ भालाइ जेङका काम पालि, भालाइ पातेङ धनि जेङलि, खुला मनको जेङलि रो जेलाउ बुङ बोमिहेङ पिलि त्‍यार जेङलि दोअ्‌तेङ एम्‍बालाइहेङ दोअ्।

1तिमोथि 6:18 Iomraidhean Croise

मत्‍ति 5:42

नाङको दोफा ह्रेकालाइहेङ पि, कालाउ नाङको दोफा रिन ह्रेकालाइहेङ बुङ रिन पि।

लुका 12:21

ओदोङ भाअ्सिङ धन-सम्पति थुबाराइका द्‍याङ कालाउ परमेस्वरको नजरता धनि मान्थुका द्‍याङको आबास्था इसिकाङ जेनाङ।

लुका 3:11

युहान्‍ना इम्बालाइहेङ जोबाफ पिहि, जेसापा नेलाइ दोफा न्हेनोङ लोखन हिनु भेनेङ माहिकाहेङ एनोङ पिसु, चाका-आम्का हिनु बुङ मान्थुकालाइहेङ बाखाराइपिसु।

साल्न्हाका चात्या 10:38

कि नासरत देराको येसुहेङ परमेस्वर पबित्तरो आत्मा कालाउ सरबुङ आबिसेक पाहि। कालाउ वा आसल काम पाकाताङ कालाउ भुत-आत्मा खोका द्‍याङगेलाइहेङ एल्पाकाताङ गोताङ थामेगेलाइता हानिहि, हाइपालिपानु परमेस्वर वाको दोफा हिघाहि।

साल्न्हाका चात्या 11:29

कालाउ चात्यागेलाइ झाराङ ता-ताइको पिलि दोका जति यहुदिया जिल्लाता हिका खान्धुराइ ओनेगेलाइको साघाइलिको भाअ्सिङ भेति पिगिल्लि निस्चय पाहि।

साल्न्हाका चात्या 9:36

जोप्पा नगरता तबिता दोअ्का एमि खान्धुराइ हिघाहि। वा जेलाउ आरुको भाअ्सिङ आसल काम पाघाखे कालाउ गरिबगेलाइहेङ साघाइघाखे।

रोमि 12:13

परमेस्वरको जनगेलाइहेङ खाचोता साघाइसु, कालाउ साअ्ता लोका बान्सालाइहेङ रेम्फा चापासु-आम्पासु।

रोमि 12:8

हाउसाइ पिकालाइ हाउसाइ प्याको, दान पिका बरदान हि पानु उद्दार मनसो दान प्याको, आगुवाइ पाकालाइ रेम्फासो आगुवाइ पाको, कालाउ दायाकालाइ खुसिसो दाया पाको।

1 कोरिन्थि 16:2

गोताङ आइताबार नेलाइ झाराङ ता-ताइको कामाइ आन्सारको आधे ताका खेङतेङ जोम्पाकाताङ ताअ्सु, कालाउकि का लोलाउ भेति ल्होपालि मागोइयाको।

2 कोरिन्थि 8:12

हाइपालिपानु जेसापा नेलाइ आरु द्‍याङगेलाइहेङ दान पिलि भोसुखेना पानु नेलाइ दोफा हिका गच्से आन्सारको दान दोङ ग्रहन योग्य जेङखे, मान्थुका आन्सारको माको।

2 कोरिन्थि 8:9

हाइपालिपानु केलाइको प्रभु येसु ख्रिस्टको आनुग्रह नेलाइहेङ थाहा हि, वा धनि हिघाहि, कालाउ बुङ नेलाइको भाअ्सिङ वा गरिब जेङपिहि। कालाउकि वाको गरिबसो नेलाइ धनि जेङलि दोसु।

गलाति 6:10

ओदोङ भाअ्सिङ माउका मिलिनासाङ केलाइ झाराङ द्‍याङगेलाइहेङ साघाइलि गोइखे, बिसेस पातेङ ख्रिस्टता खाङधुरि पाकालाइहेङ।

एफिसि 4:28

खुकालाइ एला उसो माखुवाको। भरु वा ताइको खुरहोइ इमानदारसो परिस्रोम पाको, कालाउकि गरिब द्‍याङ दोफा बाखाराइलिको भाअ्सिङ वाको दोफा हाइ दोङ ह्याको।

1तिमोथि 5:10

गोताङ वा आसल काम पाका, चान-चामिन्दिगेलाइहेङ रेम्फा पोसेका, बान्सालाइहेङ ताइको साअ्ता सेवा सात्कार पाका, प्रभुको दासगेलाइको सेवा पाका, दुख परिकालाइहेङ साघाइका, कालाउ इसिकाङ ताइको जिबनता आसल काम पाका हिलि गोइखे।

तितस 2:14

केलाइहेङ पापको सरबुङसो बान्चिपालि कालाउ पबित्तरो बानाइलि येसु ख्रिस्ट ताइमिहेङ बलिदान पिहि, कालाउकि केलाइ वाकोङ द्‍याङ जेङलि द्वाको। कालाउ आसल कामगेलाइ पालि द्वाको।

तितस 3:8

इदोइ भनाइ सत्ये हि, जेदोङ एलाङ खिनिङ का नासेहेङ दोअ्का हिघा, का भोखा कि जेलाउ नाअ् खान्धुराइगेलाइहेङ धिरपाखेना इदोइ काथागेलाइता जोर पिसु, कालाउकि जाइ परमेस्वरता खाङधुरि ताअ्का हि ताइमिहेङ रेम्का काम पालि मन लागाइलि द्वाको। हाइपालिपानु इदोइ सिक्स्यागेलाइ गोताङ द्‍याङगेलाइको भाअ्सिङ रेम्का कालाउ फाइदा जनक बुङ हि।

हिब्रु 13:16

भलाइ पालि ताइमि दोफा हिका आमेने आवस्यकता परिकालाइहेङ बाख्राइलि मानिल्सु, हाइपालिपानु इसिकाङ भोगगेलाइता परमेस्वर खुसि जेङखे।

याकुब 2:5

काङको आनाउ खान्धुराइ ओनेगेलाइ, हिङसु, हाइ परमेस्वर सुमिङको नजरता गरिबगेलाइहेङ खाङधुरिता धनि बानाइतेङ इङको राइजिको उत्तराधिकारि जेङलिको भाअ्सिङ मासाल्हि रो? इदोइ दोङ राइजिको उत्तराधिकारि बानाइलि वासेहेङ प्रेम पाकालाइहेङ वा प्रतिग्या पाका माको रो?

1पतरुस 3:11

वा खाराका काम पालि लाअ्लि गोयाङ। भरु वा जेदोङ आसल हि इङको काम पालि गोइखे। आरु दोफा सान्तिता हिलिको भाअ्सिङ थाङका परिस्रोम पासु।

१ युहन्‍ना 3:17

हासु बुङ दोफा सुमिङको धन सम्पति हि, कालाउ बुङ आरु खान्धुराइगेलाइहेङ खाचोता हिका तिङलाउ बुङ ओबालाइहेङ मासाघाइस्वाना पानु, परमेस्वरको प्रेम हेसा वाकोता ह्यावा रो?

३ युहन्‍ना 1:11

ओइ आनाउ खाङधुरि ओने, मारेम्का काम पाका द्‍याङगेलाइ भाइका माको, कालाउ रेम्का काम पाकालाइको आनुसरन पासु। जाइ रेम्फा पाखे वा परमेस्वरको सान्तान दोङ दोअ्तेङ तिङपाखे। जेसापा हासु बुङ मारेम्का काम पाखे पानु वा परमेस्वरहेङ नाल्का मान्थुखे।