1तिमोथि 6:17 - Dhimal NT

¹⁷ इदोइ सुमिङको धनिगेलाइहेङ घमन्ड माजेङलि आदेस पिसु, कालाउ इम्बालाइ ताइको आसथाइ सम्पतिता भोरोसा माताताको, कालाउ केलाइको सुखको भाअ्सिङ गेनेगेल्पा पिका परमेस्वर ह्रुता इम्बालाइ आस पाको, कालाउकि केलाइ आनान्द पालि द्वाको

धिमाल

¹⁷ एला इदोइ दुनियाता गिर्‍हि जेङकालाइहेङ तुजुक मापालि दोअ्। कालाउ एम्‍बालाइको ताकाकाउरि दिनाङको भाअ्‌सिङ हितेङ माह्‍यावा। कालाउ केलाइको सुखको भाअ्‌सिङ गोताङ थोक होपाङ पिका परमेस्‍वरताङ भर ताअ्‌सु दोअ्‌तेङ एम्‍बालाइहेङ हुकुम पि।

1तिमोथि 6:17 Iomraidhean Croise

मत्‍ति 12:32

हासु बुङ का द्‍याङको चानको बिरोधता जेदोङ दोअ्लाउ बुङ वासेहेङ स्यामा जेनावा, कालाउ हासु बुङ पबित्तरो आत्माको बिरोधता दोअ्नु वासेहेङ इदोइ युगता कालाउ लोका युगता बुङ स्यामा माजेनाङ।

मत्‍ति 19:23

कालाउ येसु ताइको चात्यागेलाइहेङ दोअ्हि, “जातिङ भारि, का नेलाइहेङ दोअ्खा, परमेस्वरको सासनता धनि द्‍याङगेलाइ दुल्लि हेन्जा मुसकिल जेनावा।”

मत्‍ति 25:16

जेदोङ चाकारियाहेङ आधा किलो सोनाको थुरि पिका हिघाहि, वा मार्फा ब्यपार पालि तेङहि, कालाउ वा इङकोसो आरु आधा किलो सोनाको थुरि कामाइहि।

मत्‍ति 27:57

कोकोङ दिनाको दिलिमा एमि आरिमाथियाको सहरता हिका द्‍याङ योसेफ यरुसलेमता लोहि। वा येसुको एमि चात्या हिघाहि।

मत्‍ति 6:32

सुमिङको झाराङ द्‍याङगेलाइ इदोइ आमेनेगेलाइको लेसारा पिताइखे, कालाउ नेलाइको स्वर्गको आबा परमेस्वर गिखे, कि नेलाइहेङ इदोइ गोताङ गोइखे।

मर्कुस 10:24

येसुको काथा हिङतेङ चात्यागेलाइ आवाइतुहि। कालाउ येसु आरोङ दोअ्हि, “ओइ काङको मायारु ओने या, धनि द्‍याङहेङ परमेस्वरको सासनता दुल्लि हेन्जा मुसकिल हि!”

लुका 19:2

उङको सहरता एमि जक्कै मिङ पाका द्‍याङ हिघाहि, वा पोत ल्होपाकाको हाकिम हिघाहि कालाउ धनि हिघाहि।

लुका 3:11

युहान्‍ना इम्बालाइहेङ जोबाफ पिहि, जेसापा नेलाइ दोफा न्हेनोङ लोखन हिनु भेनेङ माहिकाहेङ एनोङ पिसु, चाका-आम्का हिनु बुङ मान्थुकालाइहेङ बाखाराइपिसु।

साल्न्हाका चात्या 14:17

कालाउ बुङ परमेस्वर जेलाउ बुङ ताइमिङ पाका आसल काम पाहासो ताइमि हिका प्रमान पिहि। इङको दोअ्का वा नेलाइहेङ आकाससो वाइको झारकिनि कालाउ ठिक सोमोइता उब्जाइ पापिहि, नेलाइहेङ नुगामारि उम जुराइ पापिहि कालाउ नेलाइको मनहेङ आनान्दहोइ पोङघा पापिखे।”

साल्न्हाका चात्या 14:27

जेलाउ इम्बालाइ एन्टिओक सहरता थुकालि लोहि, कालाउ खान्धुराइगेलाइहेङ जोम्पाहि, कालाउ परमेस्वर इम्बालाइ दोफा पाका गोताङ कामगेलाइको बयान पाहि, कालाउ हेसा परमेस्वर गैर-यहुदिगेलाइहेङ येसु ख्रिस्टता खाङधुरि पालि सक्स्यम बानाइहि।

साल्न्हाका चात्या 17:25

वासेहेङ गोइका गोताङ आमेनेगेलाइ वाको दोफाङ हि। भरु वाआङ दोङ जिबन, हुसि कालाउ गोताङ आनेमाने द्‍याङगेलाइहेङ पिखे।

रोमि 11:20

इङको सत्ये दोङ हि, इम्बालाइ खाङधुरि मापानाङ दालेङगेलाइ कोनिङ थुर्तेङ हानिहि, कालाउ नेलाइ चाहि इम्बालाइको थामेता खाङधुरि पासुन्हा कालाउ कलमि जिङसुन्हा। ओदोङ भाअ्सिङ नेलाइ इदोइ काथाता घमन्ड मापासु कालाउ थिसु।

एफिसि 5:5

हाइपालिपानु नेलाइहेङ थाहा दोङ हि, कि हिदोइ बुङ कासिबिरि पाका, आसुद्द द्‍याङ, माकुनु चिचा द्‍याङ ख्रिस्ट कालाउ परमेस्वरको सासनको भागिदार माजेङखे। हाइपालिपानु चिचा पालि चाहि मुर्ति पुजिका भाइका हि, जाइ सुमिङको आनेमानेको आराधाना पाखे।

कलस्सि 3:16

ख्रिस्टको बचनहोइ नेलाइको बिचारता रेम्फासो कामगेलाइ पालि पिसु, कालाउ पुरा बुद्दिमानि जेङतेङ एमिसो-भेनेङहेङ धिरपासु कालाउ साल्लाहा पिसु, कालाउ परमेस्वरहेङ ताइको ह्रदयसोङ धन्यबाद पितेङ आत्मिक भजन लेसु।

1 थेस्लोनिकि 1:9

हाइपालिपानु उङको द्‍याङगेलाइ आरुगेलाइहेङ दोअ्ताङ कि, केलाइ नेलाइकोता लोलाउ नेलाइ केलाइहेङ हेसा स्‍वागत पासुन्हा, कालाउ मुर्ति पुजिलि लाअ्तेङ परमेस्वरको भारि घुरिसुन्हा, कालाउकि सिन्हुका कालाउ सत्ये परमेस्वरको सेवा पालि दोसु।

1तिमोथि 1:3

जेलाउ म्यासिडोनिया प्रदेस हानेलि तोमलाउ का आरोङ नेलाइहेङ आनुरोध पाखा कि, नेलाइ एफिसस सहरता दोङ हिसु कालाउ धाताइका सिक्स्या धिरपाका द्‍याङगेलाइहेङ एन्सा मापा दोअ्तेङ थाङका आग्या पि।

1तिमोथि 3:15

कालाउकि हिसो बुङ का न्हुलाउ बुङ, नेलाइ गिसु कि केलाइ हेसा परमेस्वरको जाहानको रुपता जिबन जियाइलि गोइखे, जेदोङ चाहि परमेस्वरको मन्डलि बुङ हि। इदोइ खान्धुराइगेलाइ सत्ये सिक्स्याहेङ जोगाइतेङ ताअ्खे। जेसाङ जोग कालाउ खाम्बाहोइ साअ्हेङ आड् पिखे।

1तिमोथि 4:10

हाइपालिपानु केलाइ ताइको खाङधुरिको भाअ्सिङ थाङका परिस्रोम कालाउ सङघरस पान्हाखे, हाइपालिपानु केलाइको आस सिन्हुका परमेस्वरता ताअ्का हिनाहि, जाइ गोताङ द्‍याङको बिसेस पातेङ वाको ह्रुता खाङधुरि पाकागेलाइको मुक्ति दाता हि।

1तिमोथि 5:21

परमेस्वर कालाउ ख्रिस्ट येसुको आगाता कालाउ साल्का स्वर्गदुतगेलाइको आगाता का नेलाइहेङ थाङका आदेस पिखा, हिदोइ बुङ काथाता भेदभाव माकुनु लेता-ह्रुता मापासिङ इदोइ नियमगेलाइ नाअ् माने।

1तिमोथि 6:13

का झाराङहेङ जिबन पिका परमेस्वर कालाउ पन्तियास पिलातसको आगाता साक्सि पिका येसु ख्रिस्टको आगाता का नासेहेङ आग्या प्याङका।

1तिमोथि 6:9

कालाउ धनि जेङलि इच्छा पाका द्‍याङगेलाइ परिक्स्याता परिखे, कालाउ गुपुस लाअ्साता देका भाइपाङ इम्बालाइ लाअ्साता देखे। कालाउ इम्बालाइ इसिका काम पालि भोखे जेदोङ आनाइ कालाउ खतारानाक जेङखे कालाउ इसिका मारेम्का इच्साहोइ वासेहेङ नासाका थामेता थुका पापुखे।

2 तिमोथि 4:10

हाइपालिपानु डेमास इदोइ सुमिङको काथागेलाइहेङ मन्दा ताअ्खे कालाउ वा कासेहेङ लाअ्तेङ थेसलोनिकि सहरता हानेका हि। कालाउ खान्धुराइ ओने क्रेसेनस चाहि गलातिया इलाका हानिका हि, कालाउ तितस चाहि दालमितिया प्रदेसता हानिका हि।

तितस 2:12

हाइपालिपानु परमेस्वरको आनुग्रहहोइ केलाइहेङ मारेम्का जिबन जियाइलिसो रोकिखे, कालाउ वाको आनुग्रहसो केलाइ ताइमिहेङ काबुता ताअ्तेङ इदोइ सुमिङता सहि कालाउ आसल जिबन जियाइलि द्वाङ। जेदोङ चाहि परमेस्वरहेङ मन परिखे।

तितस 3:6

परमेस्वर इङको पबित्तरो आत्मा केलाइको मुक्ति दाता येसु ख्रिस्ट पाहासो केलाइहेङ गेनेगेल्पा पिहि।

२ पत्‍रुस 1:11

कालाउ दोफाङ परमेस्वर नेलाइहेङ येसु ख्रिस्ट हिका राइजिता भब्य स्‍वागत पाङ, जाइ केलाइको प्रभु कालाउ मुक्ति दाता हिका हि, वा इन्ता जेलाउलाउको भाअ्सिङ राजा जेङतेङ राइजि पाङ।