1तिमोथि 6:13 - Dhimal NT

¹³ का झाराङहेङ जिबन पिका परमेस्वर कालाउ पन्तियास पिलातसको आगाता साक्सि पिका येसु ख्रिस्टको आगाता का नासेहेङ आग्या प्याङका।

धिमाल

¹³ गोताङ थोकहेङ ज्‍यान पिका परमेस्‍वर रो पन्‍तियस पिलातसकोङ आगाता खान्‍धुरको जातिङको दासि पिका ख्रिस्‍ट इसुकोङ आगाता का नासेहेङ हुकुम पिदोङखा,

1तिमोथि 6:13 Iomraidhean Croise

मत्‍ति 27:11

येसुहेङ हाकिमको आगाता जाअ्पाहि, कालाउ वा येसुहेङ हिअ्हि हाइ नाअ् यहुदिगेलाइको राजा दोङ? येसु दोअ्हि, नाअ् दोङ एन्साङ दोअ्खेना।

मत्‍ति 27:2

कालाउ ओबालाइ वासेहेङ जिङतेङ पिलातस हाकिमकोता जिम्मा पिपुहि।

युहन्‍ना 14:6

येसु थोमाहेङ दोअ्हि, दामा, सत्ये, कालाउ जिबन पिका का दोङ हिघा। का बाहेक हासु बुङ आबाकोता हानिलि माद्वाङ।

युहन्‍ना 19:11

येसु उतारा पिहि, नासेहेङ परमेस्वरसो खाबारा मापिकानु काङको ह्रुता नाङको हाइ दोङ खाबारा माजेङधाङ। ओदोङ भाअ्सिङ जाइ कासेहेङ नाङकोता सुम्पिका हि, झन हेन्जा पापको दुसिका हि।

युहन्‍ना 5:21

हाइपालिपानु जेसाङ आबा परमेस्वर सिका द्‍याङगेलाइहेङ आरोङ सिन्हु पाङ, एन्साङ का चान बुङ जाइहेङ इच्छा पाखा वासेहेङ जिबन प्याङका।

युहन्‍ना 5:26

हाइपालिपानु जेसाङ आबा परमेस्वर ताइमिङ जिबनको मुहान हि, एन्साङ पातेङ वा दोङ ताइको चानहेङ बुङ जिबनको मुहान बानाइका हि।

साल्न्हाका चात्या 17:25

वासेहेङ गोइका गोताङ आमेनेगेलाइ वाको दोफाङ हि। भरु वाआङ दोङ जिबन, हुसि कालाउ गोताङ आनेमाने द्‍याङगेलाइहेङ पिखे।

2 कोरिन्थि 9:13

पिका सेवाहोइ नेलाइ सत्ये हिसुना दोअ्तेङ प्रमान पालि हेन्जाङ द्‍याङगेलाइ परमेस्वरको बाखानाइ पाखे, हाइपालिपानु नेलाइ येसु ख्रिस्टको सुसमाचार सत्ये हि दोअ्तेङ खाङधुरि पासुखेना गरिब कालाउ आरु खान्धुराइगेलाइहेङ बुङ उद्दार मनहोइ पितेङ इदोङहेङ केम्सुखेना।

गलाति 3:26

ओदोङ भाअ्सिङ नेलाइ झाराङ झना येसु ख्रिस्टता खाङधुरि पानाङ परमेस्वरको सान्तान जेङसुन्हा।

1तिमोथि 1:12

कासेहेङ सरबुङ पिका ख्रिस्ट येसु केलाइको प्रभुहेङ का धन्यबाद पिखा, हाइपालिपानु ताइको सेवाको कामको भाअ्सिङ वा दोङ कासेहेङ खाङधुरि योग्य थानिहि।

1तिमोथि 1:15

इदोइ भनाइ सत्ये हि, कालाउ यासेहेङ खाङधुरि पालि द्वाङ, कि केलाइ पापिगेलाइहेङ उद्दार पालि येसु ख्रिस्ट सुमिङता लोहि, कालाउ पापिगेलाइता का झाराङ खान्तेङ हेन्जा पापि हिघा।

1तिमोथि 2:5

हाइपालिपानु परमेस्वर एमि खिनिङ हि, परमेस्वर कालाउ द्‍याङगेलाइको माझाता सान्ति चुमाका बुङ एमि खिनिङ मध्यस्थ हि, कालाउ उङको द्‍याङ चाहि येसु ख्रिस्ट हि।

1तिमोथि 5:21

परमेस्वर कालाउ ख्रिस्ट येसुको आगाता कालाउ साल्का स्वर्गदुतगेलाइको आगाता का नेलाइहेङ थाङका आदेस पिखा, हिदोइ बुङ काथाता भेदभाव माकुनु लेता-ह्रुता मापासिङ इदोइ नियमगेलाइ नाअ् माने।

1तिमोथि 6:12

परमेस्वरता खाङधुरि पालि मालाअ्सु कालाउ वाको आग्या केम्सु जेसाङ एमि आसल आर्मि धुम पालि हार मामानिखे। कालाउ इङको आनान्त जिबनहेङ चातेङ ताअ्सु, हाइपालिपानु याकोङ भाअ्सिङ परमेस्वर नासेहेङ काइका हि। कालाउ नाअ् बुङ हेन्जा द्‍याङगेलाइको आगाता नाङको खाङधुरिको रेम्का साक्सि पिका हिघाखेना।

प्रकास 1:5

कालाउ येसु ख्रिस्टसो, जाइ परमेस्वरको सत्येता खाङधुरि योग्यता देखाल पापियाङ। वा दोङ हि जाइ सिका न्हुसो आरोङ सिन्हु पाहि, कालाउ वा इदोइ सुमिङको गोताङ राजागेलाइको सासक हि। कालाउ येसु ख्रिस्ट केलाइहेङ मायारु पाखे कालाउ वाको हितिहोइ केलाइहेङ केलाइको पापगेलाइसो बान्चिपाखे। वा केलाइहेङ एनोङ जाति बानाइहि जाइ दोफा परमेस्वर ओबालाइको राजाको रुपता हिका हि। कालाउ वा केलाइहेङ वाको आबा परमेस्वरको भाअ्सिङ पुजारिगेलाइ बानाइहि। वा दोङ जेलाउलाउको भाअ्सिङ साम्मान कालाउ खाबारा गोताङ सोमोइ निङलि गोयाङ। आमेन।

प्रकास 21:6

आरोङ वा कासेहेङ दोअ्हि, “एला गोताङ पुरा जेङहोइ। का दोङ आल्फा कालाउ ओमेगा हिघा। का दोङ सुरु कालाउ आन्त्य हिघा। जाइ चि आम्लि किका हि का इम्बालाइहेङ ताजा चि आम्पालि चुम्पुवाङका जेदोङ ए पाइसा माकोसिङ जिबनको चि आम्लि प्याङका।

प्रकास 22:1

आरोङ स्वर्गदुत कासेहेङ जिबन पिका चि हिका एनोङ झोरा तिङपाहि। इङको चि झाला-झालाका सिसा भाइका चिल्कातेङ हिघाहि। इङको परमेस्वर कालाउ थुमाको सिङहासनसो झोतेङ हिघाहि।

प्रकास 3:14

कालाउ येसु कासेहेङ एसा बुङ दोअ्हि, लाउडिकिया सहरको मन्डलिको स्वर्गदुतहेङ या सन्‍देस लेखे: का वाआङ हिघा, जाइहेङ आमेन दोअ्खे, हाइपालिपानु का भोरोसा यग्यो हिघा कालाउ का परमेस्वरको बारेता जेदोङ दोअ्घा गोताङ सत्ये हि। वा सिर्जाइहि गोताङ थोकको का स्रोत हिघा। जेदोङ का नेलाइहेङ दोअ्खा वासेहेङ हिङसु।